بشرى سارة لكافة اعضاء ورواد منتدى العرب المسافرون حيث تعود إليكم من جديد بعد التوقف من قبل منتديات ياهوو مكتوب ، ونود ان نعلمكم اننا قد انتقلنا على نطاق arTravelers.com
وهو النطاق الوحيد الذي يمتلك حق نشر كافة المشاركات والمواضيع السابقة على منتديات ياهوو مكتوب وقد تم نشر 400,000 ألف موضوع 3,500,000 مليون مشاركة وأكثر من 10,000,000 مليون صورة ما يقرب من 30,000 ألف GB من المرفقات وهي إجمالي محتويات العرب المسافرون للاستفادة منها والتفاعل معها كحق اساسي لكل عضو قام بتأسيس هذا المحتوى على الانترنت العربي بغرض الفائدة.

لمزيد من التفاصيل يمكنكم مراسلتنا من خلال نموذح الاتصال, العرب المسافرون على Facebook



كبرياء جرح كبرياء جرح
طلبتكم الفزعه ..
24-11-2014 - 08:12 am


السلام عليكم
بدايه احب اشكركم جميعا ع ساعدتكم لنا
والله يبيض وجيهكم كلكم

انا وصاحبي بنطلع لاندونيسيا وابي جدول مميز
بعطيكم وانتم قررو ع حسب خبرتكم تكفون
ابي اكثر الايام بجزيره بالي والجبل

الرحله كالتالي ع طيران الاتحاد


الرياض بتاريخ 2014/06/07 الوقت 14:00 الاتجاه الا ابو ظبي
التوقف 5 ساعات والوصول 18:10 وبعدها من ابوظبي الا جاكرتا الساعه 2:35 والوصول الساعه 14:10

العوده 2014/06/20

من جاكرتا الا ابو ظبي 1:45 والوصول 6:45
الانتظار في ابو ظبي تقريبا 5 سااعات والاقلاع من ابو ظبي الا الرياض 12:10 والوصول 13:00
بالنسبه للساعه انا مااعرف نظام 24
لو تتفضلوا علي وتفهموني ايش تساوي هناك

ابي جدول مميز تكفون اول مره نطلع لاندونيسيا

  • كيف احول الفلوس ومن وين وكم احول من المطار وكم ابقي معاي فلوس ريال سعودي وكم دولار
  • هل ابقي فلوس بالصرافه او كلها كاش معاي
  • بالنسبه للصرافه انا معاي فيزا تسوق من الراجحي ,, اضع كل المبلغ بالفيزا او حجز معين
  • هل حجز الفنادق عن طريق الانترنت لازم ندفع عن طريق الفيزا او ياخذون كاش
  • بالنسبه للحجز الفنادق والفلل ,, فيه فرق بين عزابي وعائله ,, او كلها واحد
  • انا طبعا التخطيط انو اطلع من المطار الا الجبل واخذ فيه كم يوم وارجع لجاكرتا واطلع طياره لمالي كذا صح
  • الطيران الداخلي احجز باسيا من الرياض عادي .؟
  • ايش افضل الفنادق في الجبل وجاكرتا ومالي علشان احجز من هنا ابي امكان قريبه من الاشيا الكويسه
  • بالنسبه للسواق احجز من الحين او من المطار .. بالنسبه للسواق في الجبل وبالي احجز هناك او هنا
  • من جاكرتا الا الجبل 80 كيلوا نطلع بالسياره صح ؟
  • والقطار من فين الا فين
تكفون افزعوا لي بالصغيره والكبيره



واعذروني ع طولة الكلام





المشاركات

سلطان500 سلطان500
طلبتكم الفزعه ..


المشاركة الأصلية كتبت بواسطة كبرياء جرح
السلام عليكم
وعليكم السلام ورحمة الله وبركاته
بدايه احب اشكركم جميعا ع ساعدتكم لنا
والله يبيض وجيهكم كلكم
ووجهك اخوي وماسوينا شي
انا وصاحبي بنطلع لاندونيسيا وابي جدول مميز
بعطيكم وانتم قررو ع حسب خبرتكم تكفون
ابي اكثر الايام بجزيره بالي والجبل

الرحله كالتالي ع طيران الاتحاد

الرياض بتاريخ 2014/06/07 الوقت 14:00 الاتجاه الا ابو ظبي
التوقف 5 ساعات والوصول 18:10 وبعدها من ابوظبي الا جاكرتا الساعه 2:35 والوصول الساعه 14:10

العوده 2014/06/20

من جاكرتا الا ابو ظبي 1:45 والوصول 6:45
الانتظار في ابو ظبي تقريبا 5 سااعات والاقلاع من ابو ظبي الا الرياض 12:10 والوصول 13:00
بالنسبه للساعه انا مااعرف نظام 24
لو تتفضلوا علي وتفهموني ايش تساوي هناك
بالنسبه لنظام الـ 24 ساعه سهل تبتدي من الساعه 1 بعد منتصف الليل وتنتهي الساعه 12 منتصف الليل يعني الساعه وحده الظهر تصير الساعه 13 والساعه 12 في الليل تصير 24
عموماً وصولكم بيكون يوم الاحد تاريخ 6/8 اما انك تريح يوم في جاكرتا لان الطريق للجبل يكون مقفل
او انك تحجز على بالي على طول
ابي جدول مميز تكفون اول مره نطلع لاندونيسياء
قرر اول بترتاح في جاكرتا او تذهب لبالي مباشرة



  • كيف احول الفلوس ومن وين وكم احول من المطار وكم ابقي معاي فلوس ريال سعودي وكم دولار
  • بالنسبه للصرف في الرياض صرافيين البطحاء هم الافضل في الصرف تلقاهم بعد الكبري الاول على اليمين وانت متجه شمال بالنسبه للدولارات تصرف 50 دولار حق الفيزاء لك انت والي معك هذي ظروري تفادين للنصب والاحتيال وتصرف مبلغ الفين ريال ربيات اندونيسيه واذا كنت بتروح بالي في الاول الافضل انك تحول نصف المبلغ دولارات او ربيات واذا كانت وجهت للجبل اول خل الباقي ريالات
  • هل ابقي فلوس بالصرافه او كلها كاش معاي
  • اخوي الصرافات في الغربه ماتضمنها فرضاً انسحبت ولا رفضت تصرف الافضل تخلي الفلوس معك كاش
  • بالنسبه للصرافه انا معاي فيزا تسوق من الراجحي ,, اضع كل المبلغ بالفيزا او حجز معين
  • الافضل انك تخليها فقط لحجز الفنادق
  • هل حجز الفنادق عن طريق الانترنت لازم ندفع عن طريق الفيزا او ياخذون كاش

  • اثناء الحجز يطلع لك خيارات اذا تبي تدفع عن طريق الفيزا او كاش بس راح يسحبون مبلغ مقدم من الفيزا واهم شي تاكد ان الحجز تقدر تسترجعه
  • بالنسبه للحجز الفنادق والفلل ,, فيه فرق بين عزابي وعائله ,, او كلها واحد
  • والله لو حنا في السعوديه هههههههههههه امزح امزح لا عادي اخوي مافي فرق بس بعض الفلل في الجبل تتبع هذا النظام وهي قليله جداً جداً
  • انا طبعا التخطيط انو اطلع من المطار الا الجبل واخذ فيه كم يوم وارجع لجاكرتا واطلع طياره لمالي كذا صح
  • اهم شي اخوي انك تراعي وقت وصولك الي هو يوم الاحد لو يوم الاثنين اقولك رح مباشره بس الاحد اقولك لا تفكر بالروحه للجبل على طول
  • الطيران الداخلي احجز باسيا من الرياض عادي .؟
  • أي نعم اخوي تقدر تحجز عن طريق موقعهم على الانترنت بس كثير يشتكون من طريقة الحجز احيان يرفض
  • ايش افضل الفنادق في الجبل وجاكرتا ومالي علشان احجز من هنا ابي امكان قريبه من الاشيا الكويسه
  • بالنسبه للسكن في الجبل الافضل هو الفله وتكون قريبه من البقاله السعوديه الفنادق مناسبه للعوائل اكثر اما جاكرتا على حسب فلوسك وبحدود كم تبي السكن اما بالي الافضل هو السكن في فندق على شاطىء كوتا
  • بالنسبه للسواق احجز من الحين او من المطار .. بالنسبه للسواق في الجبل وبالي احجز هناك او هنا
  • على مزاجك اخوي بس دامك اول مره تروح ومافي احد تعرفه هناك يوجد موضوع مثبت بارقام السائقين اتصل عليهم واتفق مع واحد منهم واسعارهم تتراوح مابين الـ 500 الف في اليوم إلى الـ 600 ربيه
  • من جاكرتا الا الجبل 80 كيلوا نطلع بالسياره صح ؟

  • من جاكرتا للجبل سياره ويستغرق الطريق بدون زحمه ساعه ونص اذا فيه زحمه من ثلاث إلى سبع ساعات
  • والقطار من فين الا فين
  • القطار ماراح تحتاجه إذا ماراح تروح لباندونق
تكفون افزعوا لي بالصغيره والكبيره



واعذروني ع طولة الكلام

بالعكس اخوي اذا ماكثرت اسئله راح نزعل منك
وخذ راحتك ومارح نقصر معك في الي نقدر عليه انا وباقي الاعضاء والخبراء


كبرياء جرح كبرياء جرح
طلبتكم الفزعه ..


الله يجزاك الف خير ويرحم والديك

انا قررت احجز ع بالي باذن الله وراح احجز من الرياض

6 ايام بالي
5 ايام الجبل
2 جاكرتا

كذا مناسب ؟

طيب معقوله اخلي كل الميزانيه معاي كاش ؟ 20 الف ؟

او اخليها بالصرافه


بالنسبه للفلل في الجبل ؟ ايش الفلل الكويسه وكيف احجز ؟

بالنسبه للفنادق ع شاطي كوتا
ايش الفنادق اللي قريبه من الاشيا الترفيهيه اتوقع قريب البقاالات السعوديه

بالنسبه للسواق احجز من هنا .. او احصل في بالي كثير

تحياتي ياجميل


طارق2004 طارق2004
طلبتكم الفزعه ..


حياك الله اخوي وما قصر خبيرنا سلطان معك
البقالات للسعودية في الجبل وليس بالي
افضل الفنادق في كوتا هي اللي على البحر مثل هاريس كوتا ويوجد عندك ايضاً ديسكفري
حجز فلل الجبل يكون بالتواصل مع حراسها
وهذا موضوع بتحصل فيه مجموعة من الفلل
https://travel.maktoob.com/vb/travel432214/

السواق الافضل تنسق معه قبل السفر وهذا موضوع لارقامهم
https://travel.maktoob.com/vb/travel389407/
فلوس الفنادق خلها في بطاقة الفيزا والباقي خذه معك كاش وخل معك جزء من الفلوس وصاحبك معه الجزء الباقي
الفلوس اذا خليتها في بطاقة الصراف العادية اعمل حسابك انهم بياخذون على كل عملية رسوم استخدام الصرافة بحدود 35 ريال لكل عملية غير فرق تحويل العملة


كبرياء جرح كبرياء جرح
طلبتكم الفزعه ..


يابعد قلبي طارق
ماقصرت فديت روحك وسلطان بعد رايته بيضاء

بس تكفى عطني اسماء فنادق اكثر
ع شاطي كوتا
من الموبايل


كبرياء جرح كبرياء جرح
طلبتكم الفزعه ..


يااخوان
ابي احجز في فندق
Discovery Shopping Mall

تكفون وش رايكم فيه
http://store2.up-00.com/2014-05/1401183493751.jpg

طلع لي كذا هل حجزي صحيح
ومكتوب لغرفه واحده
يعني اللي اخذت بس غرفه وحده ؟؟ مافيه صاله او اشيا زي كدا
اول مره احجز عن طريق البوكنج

تكفون النجده
من الموبايل


كبرياء جرح كبرياء جرح
طلبتكم الفزعه ..


ممكن فضلا لا امرا
تقولون لي ايش احسن فنادق
في بالي وجاكرتا

طيب وقت الدخول الساعه كم ؟
اذا تاخرنا ساعه او حولها يروح علينا الحجز ؟
من الموبايل


طارق2004 طارق2004
طلبتكم الفزعه ..


حياك الله اخوي
اذا تأخرت ما راح يصير للحجز اي شيء وانت كلم الفندق قبل الوصول وتأكد من حجزك واترك عندهم ملاحظة توضح فيها وقت وصولك
احسن فنادق من ناحية الفخامة او من ناحية السعر والنظافة ؟
دائماً نركز على نظافة وموقع وسعر الفندق

فيه فندق في كوتا اسمه كوتا سي فيو
Booking.com: Kuta Seaview Resort, كوتا بالي, اندونيسيا - 356 آراء النزلاء. احجز فندقك الآن!
فندق ديسكفري انت حاجز غرفة فقط يعني ما فيها صالة
في جاكرتا فندق بلومان وفندق شيبوترا


كبرياء جرح كبرياء جرح
طلبتكم الفزعه ..


يااخوان حجزت في راضا بالي كوتا

تكفون شوفوا حجزي صحيح او لا ترا وصولي لجاكرتا .. 14:00 وترا خبرتهم ان وصولي بنفس وقت دخول الفندق .. يعني يبي لي اكثر من 3 ساعات ع مااحجز ع بالي واوصل المطار وهيك ينفع كذااا ؟


طارق2004 طارق2004
طلبتكم الفزعه ..


ياليت اخوي لو تخفي رقم الحجز والرقم السري لانها خاصة بك انت فقط ( راح احذف الصورة حرصاً على خصوصية حجزك )

وصولكم في يوم الاحد 8 يونيو الساعة 2 الظهر يكون تسجيل الدخول


الخروج في يوم السبت 14 يونيو الساعة 12 الظهر لمدة ستة ايام حجزك ان شاء الله مضبوط


المهم انك كلمت الفندق وبلغتهم ان وصولك بيكون متأخر وسجلت ملاحظة بهالشيء



يمكنك فتح موضوع جديد للمناقشة او الاستفسار والمشاركة.

احجز الفندق بأعلى خصم:
خصم يصل إلى 25%

Share

طلبتكم الفزعه ..