ماليزيا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
زيزو العبدالله
11-11-2022 - 04:28 am
مساء الخير اخواني
اهنيكم على المنتدى الرائع والمرجع الاول لسائح العربي واشكر القائمين عليه جزيل الشكر ..
اثناء تخطيط لرحلتي لماليزيا واثناء حجز الفنادق في جزيرة بينينج احترت بين فندقين سعرهم تقريباً واحد وقلت مافي احد بيساعدني غيركم وانا اثق ثقه عمياء انكم مابتقصرون معاي وهذا اللي لمسته منكم ومن تعاملكم مع الاخوان من قبل الفندقين هم :
Holiday Inn Resort Penang
او
PARKROYAL Penang Resort
طبعاً الغرف كلها مو مطله على البحر كلها مطله على الحديقة بالنسبة للهوليدي ان الغرف اللي في المبنى اللي عند الشاطئ مو في البرج ..
للمعلومية رحلتي الاسبوع القادم ..
شاكر ومقدر حسن تعاونكم ...
تقبلوا تحياتي ...


فنادق ماليزيا
التعليقات (7)
نور قطر1
نور قطر1
حياك الله اخي الفاضل
انا جربت الفندقين لكن يوجد ثالث يسواهم كلهم
قولدن ساندس قريب منهم على نفس شارع
قريب من سوق الليلي وقريب من المطاعم العربية
قمة روعة ممتاز في خدمة والمطاعم والمعملة والنظافة وكل الغرف مطلة على البحر
يوجد تقرير عنه بالتوقيع
تحياتي

زيزو العبدالله
زيزو العبدالله
شكرا اخوي نور قطر على سرعة الرد اخوي شيكت على الفندق فل سولد اوت بالتواريخ اللي انا ابيها عشان كذا ياليت تنصح لي وش افضل بحكم تجربتك هوليدي ان او بارك رويال وتذكر لي الايجابيات والسلبيات وللعلم حنا شباب مامعنا عوايل يعني فري فياليت تخدمني وتساعدني على الاختيار ...
تحياتي لك

زيزو العبدالله
زيزو العبدالله
عفواً اقصد اختي نور قطر وليس اخوي عذراً على الخطأ...

lolo1411
lolo1411
انا جربت هولدي ان مطله ع البحر , واعجبني الفندق بكل شي , وتحت ع طول السوق الليلي
بس الفطور ماجربته للأمانه

نور قطر1
نور قطر1
ولا يهمك اخوي ما في داعي للاعتذار يسلم راسك
بارك رويال افضل من هوليدي ان
يوجد تقرير بالتوقيع عنه
السلبيات ....منذو سنه كان يوجد على الفندق بعض الملاحظات من سؤ الخدمة وعدم النظافة
بس الاشهر الاخير اعتقد صار افضل ... الكثير يذكره باحسن وافضل
والباقي الايجابيات تجدها بتقريري المتواضع ..موجود بالتوقيع
تحياتي

mu7ammeed
mu7ammeed
الفندقين كويسة وقريبة من بعض لك الاختيار وبما انكم شباب اكيد هناك اشياء كثيرة ما راح تفرق معاكم ابحث عن الارخص
وهذا بارك رويال
https://www.booking.com/hotel/my/parkroyalpenang.ar.html?aid=1300939
وهذا الهوليداي ان
https://www.booking.com/hotel/my/holiday-inn-resort-penang.ar.html?aid=1300939

قصة حب تايلندية
قصة حب تايلندية
الأثنين حلو وفيه ناس تنفضل البارك رويال وانا منهم
لأني جربته 3 سنوات
لكن السعر يحكم بعد اذا يناسبك او لا
الهوليدي ان ينصحون بالغرف اللي في مبنى الشاطئ
وبالتوفيق


خصم يصل إلى 25%