رايي خلوها بين بونشاك وباندونج ولاتطلعون بالي لان مده سفركم لها بتكون قليله وهي تستحق اكثر من 3 ايام
لاتطلع بونشاك او ترجع منها لجاكرتا يوم سبت واحد
احجز السكن ان قررت ضم باندونج واستبدالها ببالي قبل التوجه اليها
اما ان كان قراركم مافيه رجعه فاري ان تزودوا يوم لبالي من ايام بونشاك " وركز بالملاحظات اعلاه في ترتيب الايام "
اما فيما يخصك بعد سفر رفيق دربك فالخيار لك
البقاء بجاكرتا مناسب بين مولاتها وكافيهاتها للعزابي ان كان محب لمثل هذا النوع من السفر وان قررت ذلك اسكن في شارع وحيد هاشم في سارينا فهو شبابي وفيه نشاطات متعدده وقريب من الخدمات والفنادق فيه متفاوته المستوي بحسب ميزانيتك
ان حبيت تزور دوله قريبه عندك خيارين مناسبين
يا ماليزيا او سنغافوره
سنغافوره اغلي وتحتاج فيزا لا اعتقد وقتك يسمح باستخراجها
ماليزيا مناسبه ولها قسم خاص تقدر تشوفه ان ناسبك المرور بها
وهناك ترتيب اخر لو حبيت مثلا ولا تبي تقعد اكثر الايام بجاكرتا اخر رحلتك مثلا
ان تبداون رحلتكم ثاني يوم يوم الجمعه ببونشاك
ثم منها لجاكرتا للسفر الي بالي
هو يعود الي جاكرتا للعوده للوطن وانت تبقي فيها وتسافر منها للومبوك وهي جيزره اصغر واهدا من بالي ثم تعود لجاكرتا اخر رحلتك
الخيارات كثيره لكن كلها ستكون وحيدا ومصاريفك وحدك ستكون اعلي