باريس المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
ABO ALANOUD
29-11-2022 - 06:00 am
تم التقديم الأسبوع الماضي يوم الأربعاء طبعا أخذت موعد من موقع السفارة السويسرية قبلها بأسبوعين - الموعد كان أول موعد الساعه 9 صباحا .. ورحلتي باقي عليها كثير في أول أغسطس بس قلت قبل الزحمه وقبل رمضان أخلصها المكتب كان مزحوم جدا وفل مع الساعات الأولى من الصباح .. أخذت موعد واحد فقط لي ولزوجتي وبنتي ( وهذي ملاحظه لأن بعض الردود في الموقع من المشرفين الله يعطيهم العافية وبعض الأعضاء يقولون ضروري لكن جواز موعد وهذا غير صحيح - طبعا أنا أتكلم عن السفارة السويسرية ) لأنه فيه خيار عند أخذ الموعد كم عدد المتقدمين ودخلت 3 وعبيت بياناتهم وطبعت الموعد ... بالنسبة لحجزي هو الوصول ميلان والعودة باريس لكن أكثر الأيام إقامة في سويسرا .. الأوراق اللي أخذها الموظف : 1- الجواز موقع عليه من صاحب الجواز 2- الأبلكيشن وموقع عليه 3- صورة الجواز لأول 4 صفحات وموقع عليه 4- صورة الحجز للفنادق 5- التأمين الطبي ( من التعاونية ) اخذته ب 380 مدة شهر 6- صورة من بطاقة الفيزا 7- صورة من دفتر العائلة وصورة من الهوية الوطنية 8- صورة شخصية واحدة فقط 9- صورة من حجز الطيران 10- تعريف بالراتب يكون مترجم ومختوم كشف الحساب غير مطلوب اذا كان معك بطاقة فيزا ... طبعا نسخه من التأمين والفنادق وبطاقة الفيزا والطيران تكون مرفقة لكل جواز ... الحمد لله أول واحد أنا على الكاونتر وخلص الموظف وحولنا على غرفة البصمه والتصوير - لأن الصورة اللي ياخذونها تكون للأبلكيشن والصورة اللي يصورونكم تكون للفيزا .. خلصت الساعه 10 يعني جلست ساعه عندهم .. ملاحظه - ما يستقبلون بدون موعد لأنه كان فيه واحد بدون موعد ورفضوا يستقبلون أوراقه - يقول الموظف ما نستقبل إلا فيه حالات التجارة وتكون بشرط دعوة من شركة كبيرة وتكون دعوة مستعجلة . دفعت زيادة على رسوم التأشيرة 120 ريال لكل جواز 40 ريال لإرسال الجوازات على أرامكس . الجوازات الحمد لله وصلت عن طريق البريد قبل أمس يوم الخميس يعني أسبوع وخلصت وعطوني مدة سنه للفيزا أنا والعائلة كلهم تبدأ من تاريخ استلام الجواز مو من تاريخ السفر .. ولا أنسى أشكر هالمنتدى الرائع والمشرفين اللي ما قصروا بمواضيعهم وردودهم اللي استفدت منها الكثير وخاصة مواضيع أخونا الكبير آخر فرصه .


تأشيرة
التعليقات (7)
شارلوك هولمز
شارلوك هولمز
الف مبروك اخي ..وسفره سعيدة
أنا موعدي 5 شعبآن وان شاء الله تتيسر ..
هولمز

ABO ALANOUD
ABO ALANOUD
شارلوك هولمز
الله يبارك فيك أخوي ويسهل أمورك ان شاء الله

عاشق الخالد
عاشق الخالد
شكرا لك لمشاركتنا تجربتك
وش الفندق الي كتبته في الابلكيشن ؟
هل أول فندق تنزل فيه أم أحد فنادق سويسرا ؟

ABO ALANOUD
ABO ALANOUD
عاشق الخالد
العفو أخوي بالنسبة للفنادق أنا أول وصول لي في ميلان بس ما تكتب غير فنادق سويسرا في الأبلكيشن - فكتبت أنا ثلاثة فنادق اللي أبسكنها في سويسرا ولو كتبت أول فندق في سويسرا يكفي . لكن مطلوب منك صور حجز الفنادق كلها في سويسرا وغيرها .

phmohammed66
phmohammed66
سلام عليكم.. أخوي لازم تعريف الراتب مترجم؟

nani_198
nani_198
يعطيك العافيه
مآفيه بالخبر مكتب تأشيرآت تبع سويسرآ؟!!!

ABO ALANOUD
ABO ALANOUD
phmohammed66
أكيد أخوي لازم مترجم
تأخذ التعريف من عملك وأي مكتب ترجمه أو معهد لغة انجليزيه يترجمه لك ب 50 او 40 ريال وأرجع لعملك يختمونه لك
واذا كان عملك عندهم تعريف مترجم خلاص يكفي


خصم يصل إلى 25%