جينيف المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
أبو_مهند
15-12-2022 - 09:56 am
السلام عليكم ورحمة الله وبركاتة
الحمدلله بعد ماتيسرت كل الأمور من تذاكر وفنادق وفيزا
مابقى لي الا بعض اللمسات السحرية على الجدول والي راح تفيدوني فيها
طبعا الجدول ما حطيته إلا بعد ما قريت المواضيع والإستفسارات الكثيرة وحسيت إن هذا هو الترتيب المناسب ولكن بعد ماشورتكم نشوف كيف يصير وهذه نبذة سريعة لترتيب الأيام
زيورخ يوم السبت 13/05 والسكن راح يكون في
https://www.booking.com/hotel/ch/hours-za1-4rich-west.ar.html?aid=1300939
انترلاكن يوم الاثنين 02/06 والسكن راح يكون في
https://www.booking.com/hotel/ch/baeren-sigriswil.ar.html?aid=1300939
ميلان يوم الأربعاء 04/06 والسكن راح يكون
https://www.booking.com/hotel/it/ramada-plaza-milano.ar.html?aid=1300939
جنيف يوم الجمعة 06/06 والسكن راح يكون
https://www.booking.com/hotel/ch/epsom.ar.html?aid=1300939
وهذا الجدول

اضغط على الصورة للتكبير
يهمني في الجدول ان الأماكن تكون على طريقي مثال
في الطريق من زيورخ الى انترلاكن من الاماكن الي راح اصادفها التلفريك المكشوف عشان كذا انا حطيته في هذا اليوم
إن شاء الله تكون الصورة واضحة وأنتظر تعليقاتكم على الجدول ولو فيه اضافات أو تعديلات ياريت لو توضحونها
وعندي كم استفسار بس ما راح اكتبها الحين
إذا خلصنا من الجدول كتبت الإستفسارات
دمتم سالمين


التعليقات (8)
غـريق الشوق
غـريق الشوق
عدد الأيام قليل جدا مقارنة بالاماكن الي ودك تزوروها
أيامك كلها راحت سفر وتنقلات
نصيحتي لك ألغي ميلان خصوصا إنها من وجهة نظري
لا تستحق الزيارة حتى لو عدد أيامك أكثر
وتنقل ما بين زيورخ وانترلاكن وجنيف
وخل أكثر أيامك في انترلاكن

أبو_مهند
أبو_مهند
يعطيك العافية أخوي غريق الشوق
أنا أعتمدت الترتيب هذا بعد ما نزلت موضوع وتناقشت مع مقدام وأبونورة وتقريبا أيدوا لي الجدول وعلى أساس كذا سويت الخطة هذه
صحيح إن الجدول مضغوط زي ما قلت لكن دام اني وصلت هناك ودي امر كل شي واخذ لي فكرة
وبعدها ان شاء الله نروح سفرة طويلة على حسب المكان الي الي اعجبني
ارجع واقول اهم شي عندي في ترتيب الامكان يكون الشي على طريقي وقت الانتقال من مكان الي مكان
مثال
التلفريك المكشوف في الطريق من زيورخ الى انترلاكن
فوكس تاون اوت في الطريق من انترلاكن الي ميلان

غـريق الشوق
غـريق الشوق
في أوروبا مو شرط تمر أكبر عدد من الأماكن والدول
على حسب عدد أيامك وزع جدولك
ميلان ما فيها شيء يذكر غير الأسواق
والرأي أولا وأخيرا لك

أبو_مهند
أبو_مهند
غريق الشوق
والله لو الود ودي جلست أطول من كذا لكن الوضع مايسمح وادري السفرة راح تكون متعبة بس أحب أستكشف وأغامر
وميلان الغرض منها أصلا تسوق فقط لا غير لو لاحظت الجدول راح تلاحظ ان اليوم الي بطلع فيه لميلان
راح امر على طريقي فوكس تاون اوت لت واليوم الثاني سيرفالي أوت لت

أبو_مهند
أبو_مهند
مازلت أنتظر الرد منكم لإعتماد الجدول
^_^

أبو_مهند
أبو_مهند
ابونورة &مقدام وينكم !

أبو_مهند
أبو_مهند
هل من أحد يعطينا راية على الجدول
واستفسار على السريع
هل يمديني أدمج قمة Jungfraujoch في اليوم الثاني لبرنامجي في انترلاكن ؟

غـريق الشوق
غـريق الشوق
برنامجك لليوم الثاني في انترلاكن
ان تذهب إلى قرية قرينفالد
بحيث تذهب منها إلى قمة اليونفرا يوخ
ولما ترجع تصعد تلفريك قرينفالد
انترلاكن فيها أماكن كثيرة ، المفترض كان 5 أيام


خصم يصل إلى 25%