أميرة القوم
اخر زيارة لماليزيا كانت في 2008
علموني عن اخبارها؟ الاسعار ارتفعت؟ المواصلات و الفنادق الاماكن السياحية
اكيد ارتفعت انا اخر زيارة العام الماضي في اغسطس
فرقت معانا بالسعر عن السنة اللي قبلها
كل العالم بالزيادة لا نقصان
وجهزي فلوسك
طبعا الحجوزات المبكرة بتفيدك كثير وتوفر عليك مبلغ لا يستهان فيه
في بالي اخطط لرحلة 14 يوم وبيكون معانه اطفال اقل من سنتين و 5 سنوات وحابين نزور
جينتنق ، كاميرون ، لنكاوي ، كوالالمبور
ترتيب المناطق بهالطريقة تنصحوني فيه؟ وشلون انسب طريقة تنقل؟
اقترح عليك
سيلانقور طبعا للراحة يومين كافي عليها
وتدخلون مدينة الألعاب المائية الصن واي لاقون العيال بينبسطون كثير
ثم لنكاوي بالطيارة طبعا
3 ايام
واقترح عليك بيننانغ
تروحين لها من لنكاوي بالطيارة افضل من العباره
عشان الصغار الله يحفظهم
3 ايام
ثم الي كوالا بالباص
الطريق عجيب ومناظر ترد الروح
تكفيك 4 ايام تسوق ووناسه
الكاميرون حيل هادية وبيوم تخلص
واللي عقبه ترجعون
واكيد ترووحين لها من كوالالمبور بتكسي خاص
بس معاك صغار ما أنصحك والخيار متروك لك
خيركم سابق و ما قصرتوا علي في رحلاتي لماليزيا و تركيا سابقا و ماراح تقصرون الحين بإذن الله من الموبايل
الله يسهل عليكم رحلتكم
وتروحون وتردون بالسلامة

شكرا لسرعة الرد
بالنسبة لسيلانجور فيها مكان غير صن واي لاقون؟ لان في بالي ازورها بس ما اسكن فيها نسكن بكوالا
وكم المسافة بينها وبين كوالا؟
بيننج ما احس يستمتعون فيها غير البحر لنكاوي تكفي بدلها
وكاميرون ما بيكون متعب نروح ونرجع ؟
وشنو بالنسبة لجنتنغ تنصحوني اطلع مباشرة من المطار؟ كان هذا طريقنا في 2008 بس كان بدون اطفال

أميرة القوم
بيننج ما احس يستمتعون فيها غير البحر لنكاوي تكفي بدلها
على راحتك
انا عندي بيننانغ اونس من لنكاوي بوايد
وكاميرون ما بيكون متعب نروح ونرجع ؟
طبعا تعب انا ما انصحك وخصوصا ان الطريق لها يقولون شوي وعر
و4 ساعات على ما أضن يالله توصلين وما فيها شي يونس
نتعني له الا مزارع الشاي والفراوله
انا ما زرتها ولا مرة
وشنو بالنسبة لجنتنغ تنصحوني اطلع مباشرة من المطار؟ كان هذا طريقنا في 2008 بس كان بدون اطفال من الموبايل
جنتنق اطلعي لها من كوالا ولا داعي للسكن فيها
ان شاء الله اكون وفقت في الأجابه واستفدتي
واي مساعدة انا حاضرة بأي وقت

انصدمت بالنسبة لجينتنق كم سنة صارلهم الحين؟
في باص بين كوالا وسيلانجور؟

بالنسبة من شارع العرب بكوا الى س نجور وبالتحديد عند سوق البراميد صن واي جون تقريبا اقل من نصف ساعة بالتاكسي وكان المشوار ذهاب ب 35 رينجت والعودة الى كوا كانت ارخص تقريبا 24 رينجت(مكتب التكاسي عند بوابة السوق)

himzmz
يعني ممكن نستقر في كوالا المشوار مو طويل

طيب شرايكم بهالبرنامج وشمو انسب مواصلات ؟
2 جينتينق .. من المطار مباشرة
2 كاميرون .. ما اعرف اذا احصل باص من جينتنق ؟
4 لنكاوي
5 كوالالمبور

جنتنغ الألعاب الخارجية مغلقة للصيانة ،، أعتقد لمدة سنتين أو ثلاثة
أرى أن تستبدليها بالكاميرون لأن جوها بارد ومزارعها الشاي والفراولة تجربة جميلة و تستحق الزيارة
أنا زرتها وكان معي طفلة 6 سنوات و رضيع لم يتجاوز السنة ومع ذلك أنبسطنا فيها