1. تجربتي مع الفيزا الامريكية

تجربتي مع الفيزا الامريكية

موعدي كان اليوم رحت للمقابلة الشخصية ولطعوني من سبعه ونص لين ثمانيه ونص يعني ساعه بعد موعدي ولمن جاني الدور كانت أسئلة القنصل طويله وممله اول سؤال: فين مكان الميلاد ؟؟ رديت ,, ليش رايح امريكا ؟؟ زياره لأختي ومنها سياحه ,, متى راحت اختك أمريكا ؟؟ رديت ,, فين ولدت أختك ؟؟ رديت ,, ليش ولدت هناك ؟؟ رديت ,, وليش هي ف امريكا ؟؟ مع زوجها ,, متى راحو ؟؟ ,, ايش جنسية زوجها ؟؟ بعد ردي قال لي انت كم تبغى تقعد هناك قلت شهرين ,, قال لي مو كثير شهرين ؟؟ قلت حزور صاحبي واتمشى ؟؟ قال فين صاحبك ؟؟ اسمو ايش ؟؟ ,, ومن فين عرفتو ,, كل هذا وهو يدقدق ف الكمبيوتر ويتأكد من كل حرف انت تقولو على فكره ,, نصيحتي خليك دقيق ف اللي تقولو .. بعدها طلب اقامتي وسأل عن مكان عملي ؟؟ وايش شغلي بالضبط ؟؟ وايش كان شغل والدي ؟؟ وفين أسرتي تقيم ؟؟ آخر شي طلب كشف الحساب وراجعو ورقه ورقه وكتب تقرير ع الكمبيوتر وقال لي الطلب مقبول راح تستلم الجواز خلال 4 ايام عمل روح للشباك اللي جنبي ادفع رسوم الفيزا .. رحت الشباك اللي جنبه دفعت 19 دولار وقال لي خلاص حتجيك رساله او ايميل من ارامكس عشان تستلم جوازك .. هذا كان اليوم والله الموفق بس يجيني الجواز عليه التأشيره