فيينا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
عمداوي_12
14-12-2022 - 09:19 pm
السلام عليكمبغيت استفسر عن سعر تذكرة القطار من فيينا الى زيلامسي لشخصين
ولو حجزت اونلاين وما اخترت المقاعد هل في مجال يكونوا المقعدين جنب بعض لما نركب القطار ؟
يعني رايكم احجز المقاعد لو مالها داعي اركب واجلس
بالنسبة لزيلامسي احد من الشباب نصحني اتأجر سيارة علما ان عودتي الى الدمام هي من مطار ميونخ
وانا ما اطيق سواقة السيارة واحس بضيع الطريق وحوسة
ف هل في شي يغنيني عن استئجار السيارة بزيلامسي للتنقل فيها وزيارة الاماكن السياحية ؟ غير التاكسي
واخر شي تذكرة الذهاب من زيلامسي الى ميونخ كم سعرها لشخصين
وشكرا لكم


التعليقات (9)
علي فهد المجنون
علي فهد المجنون
انت يا غالي نفس الفلم حقي بالضبط
يعني كنت حالف أني ما استأجر سيارة ولكن
بعد نصيحة أغلب الأعضاء هنا قررت استئجار سيارة وشريت أمس
جارمن للتنقل ,,
وسفرتي أنا في 27 ابريل بحول الله ...
وقبل أيام كلمت شخص كان مسافر للنمسا وأفادني بأن الآلية
هي أنك تاخذ جدول الرحلات من الفندق وتختار اللي تبغى ثم تروح تحجزها من مكتب القطار ...
وبالنسبة للتنقل في زيلامسي فأعرف رقم كم شخص عربي هناك سواق , يقدر ياخذك ويلف بك ولكن مكلف في الحقيقة
لذلك أنا استغنيت عنه ...

عمداوي_12
عمداوي_12
مشكور اخ علي فهد على ردك
بالنسبة للتنقل في زيلامسي ابغى اعرف هل تكفي التنقلات بالباصات
ولو كان خيار استئجار السيارة افضل ف من وين استأجر السيارة
افضل اني ما اسلمها في ميونخ لان حسب ما سمعت ان في ضريبة عالية على هذا الشي
اتمنى من باقي الاعضاء مساعدتي بهذا الشي وانا متوكل على الله ثم عليكم في مساعدتي بهذا الشي

عمداوي_12
عمداوي_12
معقولة ولا رد ؟؟

الربيش
الربيش
بالنسبة للباصات مغطية الاماكن السياحية وهي وسيلة نقل ممتازة
بس السيارة من وجهت نظري افضل وبكثير
للي حاب يتنقل بسرعه ولاماكن عديدة
وبما إن رحلتك على فيينا
تستطيع ان تتفادى الضريبه لتسليم السياره خارج الدولة
تذهب بالقطار من فيينا الى سالزبورغ
ومنها الى القريه الالمانية فيرلانسق
وتستأجر منها السياره وتسلمها في ميونخ

عمداوي_12
عمداوي_12
يعطيك الف عافية اخوي الربيش والله يبيض وجهك , ما قصرت
دخلت ع موقع يورب كار وحطيت التاريخ الي ابغاه والاستلام من القرية الالمانية والتسليم في مطار ميونخ وبنفس الوقت شيكت من فيينا طلع دبل

هذي السيارة ولمدة 6 ايام
هل السعر هذا هو النهائي او في شي زيادة ؟
وبالنسبة للتأمين هو الي ب282 ؟
وشكرا لكم

migo
migo
الربيش
هل الذهاب للقرية الالمانية يكون عن طريق القطار ايضا
وما هي المسافة تقريبا
سؤال اخير هل اسم القرية بالالمانية freilassing
وشكرا

الربيش
الربيش
عمداوي_12
هل اخترت اي نوع من التأمين ؟
السؤال الثاني مافهمت قصدك

الربيش
الربيش
migo
لا هي قريبه تروح لها عن طريق اي تاكسي تعطية العنوان

عمداوي_12
عمداوي_12
الربيش
ايه اخترت التأمين هذا SUPER LOSS DAMAGE WAIVERTheft Waiver (THW)Collision Damage Waiver (CDW
واخذت معاه نافيقيشن ب159 للمدة كاملة
صار السعر كامل ب347 يورو = 1841 ريال
سؤالي الثاني كنت اقصد فيه , كم مبلغ التأمين الي راح ادفعه أو كيف اعرف مبلغ التأمين , علما اني خليت الدفع وقت استلام السيارة


خصم يصل إلى 25%