جينيف المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
bumohammed10
16-12-2022 - 03:56 pm
السلام عليكم والرحمه
ياجماعه من شوي مشترك وابي جدول وشوركم بالرحله احنا 4 شباب
والقطيه راح تكون 4*15.000=60 الف درهم اماراتي
فحابين نعرف اذ تتوقعون راح تكفي هالميزانيه بالمخطط الي راح نمشي عليه او باللي راح تساعدوني وتضيفون فيه
كل واحد فينا راح يتكفل بالتذكره مالته وحساب الفيز (شنقن+بريطانيا)
اول شي الفنادق مب لازم تكون 5نجوم اي شي يمشي الحال ويكون زين يعني
المخطط من ابوظبي الي باريس 3ايام ونستاجر سياره فيها ثمن انترلاكن يومين
ميلان يومين
فنيسيانص يوم ثم التوجه لزلامسي يوم
ميونخ يومين ثم بطياره للندن 5 ايام
ولا نكنسل ميلان وفنيسيا لان مافيها اماكن سياحيه وايد ونوزع علي مدن ثانيه مثل جنيف يومين ومنها نزور انسي الفرنسيه
ويكون الجدول
باريس-جنيف مع انسي يومين-انترلاكن-زلامسي-ميونخ-لندن
او
باريس-انترلاكن-ميلان-فنيسيا-زلامسي-ميونخ-لندن


التعليقات (5)
Medo 77
Medo 77
وعليكم السلام ورحمة الله وبركاته ::
حياك الله اخوي .
بالنسبة للمخطط ..انصحك اولا بالاطلاع على المخطط على خرائط قوقل لمشاهدة خط السيير .
وعندي لك سؤال ..هل محطة الوصول اساسية في المخطط اللي هي باريس؟
هل زيلاميسي اساسية في المخطط ؟
لأن انترلكن وزيلاميسي وجهان لعملة واحدة ..الا اذا كان ودك تروح الثنين ..فعاد شي راجع لك .
يعني هل كل المدن اللي ذكرتها رئيسية ولابد من زيارتها ..والا بالامكان استبدال بعض المدن بأخرى .
خرائط قوقل تعطيك فكرة عامة على المخطط قبل البدء فيه ..ومسافات المدن فيما بينها .
وفي انتظارك .

bumohammed10
bumohammed10
بارك الله فيك اخوي علي الرد
اولا والله المحطه الاولي لي هي باريس مب اساسيه كل فالموضوع نبي مدينه كبيره وحياه وبعده طبيعه وبعده مدينه كبيره ثانيه لي هي لندن
ما اعرف والله اذا كلهم نفس اشي عادي اقدر اكنسل زلامسي و ميونخ مب شرط لان ميونخ فقط للتوجه للندن
اما باقي المدن هي اللي نبي نزورهن مثل
باريس
جنيف
انسسي
انترلاكن
ميلان
فنيسيا
لندن
واصراحه احنا شباب يعني ولا نبي الا نزور مدن رئيسيه
شورايك بهذه؟
باريس-جنيف-انترلاكن-ميلان-فنيسيا نسلم السياره-لندن

Medo 77
Medo 77
الله يبارك فيك ..
بالنسبة للمخطط ممتاز ..ويبقى عليكم تشوفو الطيران الاقتصادي من فينيسيا الى لندن
واذا كانت الاسعار غير معقولة ..فممكن تشوفون من ميلان الى لندن ..وتكون زيارة لفينيسيا بالقطار من ميلان ليوم كامل والعودة في نفس اليوم .
والامر راجع لكم
وبالتوفيق

bumohammed10
bumohammed10
السلام عليكم
انا مسافر علي اوروبا شهر 8 حنا 3 شباب
ابي مشورتكم علي وجهتنا
الاقلاع من دبي والوصول لميونخ ليله
زلامسي ليله
انترلاكن 3 ليالي مقسمه علي التالي يوم كامل استكشاف انترلاكن اليوم اثاني زيورخ-لوزان واليوم اثالث انسي الفرنسيه وجنيف
بعدها
باريس 3 ليالي
لندن4 ليالي
ماحسبت جنيف في المخطط عشان نستغل الايام في اكثر من مدينه مثل زيورخ ولوزان واذا خليتها يومين انترلاكن ويومين جنيف بتطع غاليه التكلفه لان فنادقها صراحه نار
فقلت استغل هذا الشئ
ووسيله التنقل راح تكون ايجار سياره من ميونخ وتسليمها في باريس
تتوقعون كم تكلفه اليوم الواحد من اكل واكتفتيز مثل التلفريك في انترلاكن والزحليقه الصيفيه
هل 70 يورو للشخص كافيه فاليوم؟
وعندي سوال اخير حنا 3 اشخاص هل نقدر نحجز فندق لشخصين فقط؟ ولا راح نواجهه مشكله؟
خذت لفه علي موقع بوكنق وhotelseek جميع الفنادق+استأجار السياره راح يكلف للشخص الواحد7265درهم والفنادق من 3و4 نجوم
بس التكلفه اليوميه ماعرف كيف حسبتها فاياليت تنصحوني من خبراتكم
وشكرا

مقدام
مقدام
جدولكم متعب وما فيه وقت لزيارة الاماكن السياحية او ركوب التلفريكات
وجدولكم مقتصر على زيارة المدن فقط واجمل ما في انترلاكن وزيلامسي هي الاماكن السياحية اللي حولهم
ومن وجهة نظري الغاء سويسرا من المخطط او الغاء باريس ولندن
وبالنسبة لسؤالك عن الفندق فالافضل تحجزون فندق ل3 اشخاص
والتكلفة اليومية من 1500 الى الفين درهم تقريبا لثلاث اشخاص وممكن تزيد على حسب الاماكن اللي بتزورونها


خصم يصل إلى 25%