الكويت المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
توبليرون
17-12-2022 - 11:44 am
** ماريناا ووييفز**
اليوم بوديكم معاي كلكم....لا لا بس اللي يحبون البحر
يشوفون معانا
وهذه الصور ان شاءالله تعجبكم
هذا بالطريج

وصلنا قاعة سلوى للحفلات
نزلنا دانه عندهم بروفات لحفل التخرج

وهذا المارينا وايفز...من بعيد

كنا ناوين نروح المارينا إكسنت
بس غيرت بنتي رايها وقالت اشرايج هني
قلت يلا انا ما عمري رحت له
ورحنا ....ودخلته خلف قاعة سلوى وهي على شارع الخليج العربي
قبل المارينا كريسنت
ووقفنا هني ....شنو ضاق خلقي
اقول لكم بعدين ليش

ونزلنا نتمشى لحد ما نوصل للمارينا وويفز

وكل ما امشي يضيق خلقي زيادة

هذا المارينا وويفز

المكان جميل وفيه عائلات واايد
على البحر
دخلنا جهة المطاعم ......في ثلاث مطاعم
كافيه ليفنغ روم.....ومطعم ايطالي .....ومطعم مكاي الياباني

اخترنا تحت كافيه ليفنغ رووم

وهذه صور من مكاني بالكافيه
ابين لكم جزء من الطابق العلوي

وهني وصلت طلباتنا ......الله يا الزمن
انا مافي بيبسي.....كله بسبب اللي ما يتسماش الدايت

صور البحر جهة السالمية

وهني وصل طلب بنتي
تتغدى ....وانا كنت متغدية الحمدلله

وبهالوقت لازم اكل سويت

طبعا الكب كيك انا يايبتها معاي
لاني اتبع ريجيم الوجبات ....
المهم نكمل التصوير

ماني قادرة اصور عدل من مكاني
الزجاج وسخ ......نبهناهم وان شاءالله ينظفونه
قمنا من مكانا وقعدت اصور احسن ....بس للحين منقهرة

يا روقان .....بس قهر

الالوان

الكافيه

محل دراجات نارية...واكسسواراتهم

محل ملابس

من بره وباين اسماء المطاعم

متضايقه بعد خ
بس الصورة حلوة

في سيارة خدمة لتوصيل الراغبين للمواقف
شايفينها بالنص

والبحر من هني والناس المتسيحة

للحين انا واقفة هني واصور

وهذا الطريج يودينا للمواقف الخاصة للمارينا وييفز
دخلناها طبعا مجانا بس قولو للامن ان نبي المطاعم يفتح لكم

وصلنا للمواقف

جارتنا

طلعنا بعدها للمارينا مول
وحنا عناك اتصلت دانه طلبت انهم بيروحون المارينا وويفز
مع ام صديقتها
قلنا نكمل تسوق على ما تتصل فينا
وبعدين رحنا لها
وهذا الوويفز بالظلام

شايفين الالوان

وهم متعشين بالمطعم الايطالي
اشوة اني ما كنت معاهم والا جان خربتها
وهذا عشاهم طلبت منهم الصور

عليهم بالعافية ....وبس
ان شاءالله يكون عجبكم التقرير والمكان يصلح للجميع
تبون تعرفوون ليش منقهرة ومتضايقة
لاني ماكنت ماخذه الكاميرا معاي ....
تحسفت وايد وايد
بس ان شاءالله تصوير الايباد يعجبكم
والى لقاء بتقرير اخر


التعليقات (9)
Usas
Usas
تقرير جميل وممتع ام حسين , منظر الناس اللي عالبحر يذكرني بأيام الصيف
تسلم الايدي ,,,

فيصل
فيصل
تسلمين
ان شاء الله الدايت ما يطول
اذا بيطول اشك بتخربينها وتطيحين بالبيبسي
بالعافيه عليكم

سوسو الصغيرة
سوسو الصغيرة
ههه
بس صدق خوفتيني .. قلت الحين من المنظر و الا المكان ..
الله يعوض عليج .. المره الياية
بس اليلسات برع حلوة و ترد الروح ...
ما لج غنى عن البيبسي صدقيني خ
يعطيج العافية ...

توبليرون
توبليرون
Usas
اي والله هذا توه الجو للحين يعتبر بارد
بالنسبه للسباحه
بس هذيل يسبحون ويهال بعد الله يعينهم
شكراا لمرورك الكريم بو عبدالله

توبليرون
توبليرون
فيصل
ان شاءالله برجع للدايت بيبسي ههه
ما يصير جذيه ظلم ههه
تخيل انك تنحرم من الماي
الله يعافييك مديرنا

توبليرون
توبليرون
سوسو الصغيرة
ههه يعافيج ربي يا ام سلطان
ان شاءالله البيبسي راجع راجع أكيد
المكان حلو للعايله وخاصه اللي عيالهم صغار
ويمشون على طوعهم والا اللي كبار مثل عيالي
ما تعجبهم من المكان الا دقايق وبيملون
شكراا لج

ارمـــ ARMANI ـــاني
ارمـــ ARMANI ـــاني
ياسلام عليك مشرفتنا توبليرون
تقرير روعة ومكان خيال
يعطيك العافيه على هذي الصور
وبالعافيه عليكم الاكل صحة عليكم
ليه عاد لاتتضايقين الدنيا ماتسوى
وهذا التقرير طلع ولا احلى منه
شكراً لك ونحن بانتظار كل جديد منك
اخوك : https://artravelers.com

q8ya metnaqla
q8ya metnaqla
عليكم بالعافيه ام حسون وليفنغ روم موقعه وقعدته نار بس اكله مو ذاك الزود بس ماشاءالله خوش تصوير صايره احترافية

لوفتهانزااا
لوفتهانزااا
الله يعطيج العافيه اختي ام حسين
دائم مبدعه


خصم يصل إلى 25%