انا مجنونها
28-10-2022 - 05:18 pm
السلام عليكم ورحمة الله وبركاته
مساء/صباح الخير ي حلوين
أنا اليوم كنت في بورت ديكسون فندق قراند ليكزس وكلمت الاستقبال عشان احتاج تاكسي للكاميرون هايلاند فقالوا لي السعر 700 رنقت واتفقت مع سائق تاكسي خارج الفندق بمبلغ 600 رنقت واحس السعر غالي مره وصلت اليوم الحمد لله بعد أربع ساعات ونصف وطلبت السائق زيادة السرعه قليلا وماقصر ووصلت آلساعه 4.30 عصرا
إقامتي هنا يومين. ومن الآن شايل هم الرجعه إلى كوالالمبور وما راح ألاقي بأقل من 500رنقت.
طولت عليكم'''
سؤالي الله يسعدكم
كم سعر الباص من كاميرون الى كوالا لمبور ؟
هل الباص مريح علما لايوجد غيري انا وزوجتي ؟
الطريق كم ساعه من كاميرون الى كوالا ؟
هل يوجد في نفس كاميرون محطة للباصات وإلا لازم أروح لمنطقة آيبوه اللي قال عنها بعض الإخوان هنا في المنتدى ومنها على كوالا؟
هل أحجز في الباصات قبل الرحلة بيوم لازم وإلا وقتها أروح وأحجز واطلع على طول؟
طولت عليكم وكثرت أسئلة لكن اعرف نفسي أمون >>> مصدق،،،،،
واحجز قبل اضمن واريح لك
والباص تقريبا ب 40 او 50 رنجت
والوقت اربع ساعات تقريبا
انا جربته في 2010 وكان مريح
وحجزت اول ما وصلت من وسط السوق بس ناسي اسم المحطة
وهذا رد العمدة لاحد الاخوان
السفر من الكاميرون إلى كوالالمبور
هناك شركة باصات رائعة جدآ وفخمة أسمها ( يونيتيتي ) أنا جربتها ... ومكتبهم يقع في منطقة ( تاناراتا ) في قلب
الكاميرون أسأل أي تاكسي راح يوصلكم المكتب على طول بأذن الله تعالى ... وأسعار التذكرة للشخص الواحد ( 35
رنقت ) ... وبصراحة الباصات هذه فخمة ومريحة وأنيقة ولاأبالغ إن قلت بأن مقاعدها مثل مقاعد الطائرة من الفخامة
والسعة الكبيرة ... علمآ بأن الرحلة تستغرق ( 4 ساعات ونصف ) من الكاميرون هايلاند إلى كوالالمبور ...
مع تمنياتي لك يالغالي بدوام التوفيق في الدنيا والآخرة ... تقبل تحياتي
وافي بزمن جافي
وبالتوفيق