عام المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
abdullah_alotibi
13-12-2022 - 02:26 am
السلام عليكم ورحمة الله وبركاته
احبتي في الله اسعد الله ايامكم
زواجي باقي له تقريبا شهرين
ولحد الان محتار وين اسافر
عشان تكونون بالصورة انا ماعمري سافرت بسبب ظروف شخصية صعبه مرت علي لكن الحمدلله ولعل في الامر خيره لي
لذا اتمنى من الله ثم منكم مساعدتي
وتوجيهي للوجهة الانسب
والمدة اللي ناوي اقضيها ن 10 ايام الى 15 يوم
انتظر فزعتكم لي
دمتم بخير وعافيه


التعليقات (9)
بو نعوم
بو نعوم
وعليكم السلام ورحمة الله وبركاته الله يبارك لكما ويجمع بينكما على خير كم الميزانية المحددة للسفر ؟

تلومني الدنيا
تلومني الدنيا
اولا بارك الله لكما وربي يتمم زواجك على خير
تركيا بحكم انها اول سفرة لك

abdullah_alotibi
abdullah_alotibi
بو نعوم
الله يبارك لكما ويجمع بينكما على خير كم الميزانية المحددة للسفر ؟
اللهم امين
الميزانية تقريبا 25-30 الف ريال

abdullah_alotibi
abdullah_alotibi
تلومني الدنيا
اللهم امين
مشكور على الرد وان شاء الله يكتب ربي اللي فيه خير وييسر الامور

الاعرابي المسافر
الاعرابي المسافر
مستر عبدالله .. الله يبارك لك ويوفقك ..
وميزانيتك ماشاء الله جيده جدا .. وانصحك من تجربه بالسفر لماليزيا
اللي اصبحت مثل (الطائف ) للأولين
التذاكر تقريبا 7000 على الاكثر ..
وعشر ايام هناك تكلفك عشر الاف مع تذاكرها مع كلها .. لايغرونك الربع هنا
اللي يقولك ماتكفي .. واللي يقول اسكن بكذا .. او بكذا بالالوف
الفنادق بمعدل 400 لأطلق الفنادق المحترمه المجربه ..
يبقى معك كل يوم 600 ريال. . وهي كافيه جدا جدا ..
واقولك ماليزيا لعده اسباب :
1- اسعارها معقوله جدا
2- وضوح الحياة واساليبها هناك
3- البلد اسلامي مره .. مرتك بحجابها والاكل حلال والشعب طيب ..
4- نصيحه لله لاتروح للمكاتب السياحيه يلعبون عليك ويقولك عندنا برنامج بكذا وكذا الف واستقبال في المطار
والهيلمه اياها .. طنشهم واحجز انت بنفسك .. خذ لك لفه ببوابه ماليزيا واكتب كل شي فنادق اختيارات ملاهي حدايق ..
وحدد المدن .. 3 مدن على الاكثر .. وتوكل على الله ..
ووفر قروشك لاياخذها المصري
واخيرا بالتوفيق يابو عتب ..

s3uood
s3uood
الف مبروك و الله يسعدكم
ميزانيتك ما شاء الله طيبه
انا انصحك بالسفر لاوربا مثل .. النمسا او سويسرا
طبيعة و هدوء و جنة الله في ارضه
استئجار لك سيارة و استمتع باحلى شهر عسل ان شاء الله
التذاكر ممكن تكلفكم 5200 ريال
و السياره في حدود 3000
و لا تبخل على عمرك بشي خاصة في شهر العسل

نازف حرف2
نازف حرف2
أنا أؤيد الأعرابي المسافر تروح لماليزيا
بحكم إن عرسك قرب ولا سبق لك السفر

فيصل
فيصل
عبدالله الله يتمم لك علي خير
ماليزيا جوها ما يقارن باوربا
تبي شيء قريب تركيا
او النمسا
صدقني يمديك ان شاء الله
خايف ما يمدي فيزا روح تركيا

abdullah_alotibi
abdullah_alotibi
الاعرابي المسافر
اللهم امين ويبارك لك بعد
الف شكر على المعلومات القيمة وانا صرت افكر فيها جد
اسعدني مرورك وردك الطيب
شكرا لك


خصم يصل إلى 25%