roofaalrashed
14-12-2022 - 10:46 am
بسم الله الرحمن الرحيم
السلام عليكم ورحمة الله وبركاته
ان شاء الله بهاليومين بحجز على هونغ كونغ بتاريخ 22 مايو
راح اقضي 5 ايام بهونغ كونغ و5 ايام بكوانزو
جدولي بالنسبه للتمشيات
ديزني لاند والاوشن والقمه شارع النجوم وبرج الساعه
والاسواق
الاوت لت وليدي وستانلي ماركت وكانتون روود ومجمع اي سي
حابه استعين بخبرتكم بحيث ارتتب الجدول واوزعه كل يوم والاماكن اللي اروح لها
انا محدده الجدول بس مو عارفه بالضبط الترتيب
مقرره اسكن بفندق نوفيتيل او احد فنادق على شارع ناثان وحاطه ببالي وسيلة التنقل بالقطار
ياليت تفيدوني اسم المحطه اللي توصلني لكل مكان من الاماكن اللي بروح لها
ثانيا بغيت اعرف طريقة التنقل من هونغ كونغ لكوانزو والرجوع الى هونغ كونغ مره ثانيه عشان اطلع للمطار
وبالنسبه لكوانزو نبيها عشان التسوق ابي جدول لاهم المجمعات الرخيصه عندهم
واذا عندكم أي نصيحه لي بالطيران او فنادق او أي شئ لاتقصرون معاي
يعطيكم العافيه
تحية طيبة
بالنسبة للجدول
اليوم الأول ( يوم الوصول )
القمة ( قبل المغرب )
اليوم الثاني
اوشن بارك - ليدي ماركت
اليوم الثالث
ساتانلي -شارع النجوم - برج الساعة
اليوم الرابع
دزني لاند - الأوت لت مول
اليوم الخامس
كانتون رود - مجمع ifc ( المطل sky 100)
السكن
نوفوتيل
سبق وسكنته وفي الحقيقة ممتاز وخدماتهم رائعة ولكن الغرف ضيقة مره
بجانبة فندق نيثان غرفة اكبر واسعارة مناسبة
بالنسبة للتنقل
اول ما توصلين يعطيك كونسيرج الفندق خارطة بالأماكن الحيوية واسماء المحطات
بالنسبة للتنقل من هونج كونج الى غوانزو
عن طريق محطة كولون
وإليك جدول الرحللات
http://www.it3.mtr.com.hk/b2c/frmScheduleGuangdong.asp?strLang=Eng
الطيران
الكاثي باسيفيك انا جربتهم وموعد وصولهم مناسب في وقت الظهر .
وبإمكانك العودة لتقاريري المطروحة حيث ذكرت فيها الكثير من النصائح
ان شاء الله تفيدك
دمتي في حفظ الله