..
وعليكم السلام اخوي .
1. ماهو افضل شهر لزيارة فرنسا( باريس) ؟
الناس تختلف على حسب مزاجها بهالنقطه
فيه اللي يحب التزلج والثلوج والبرد ويجيها الشتاء
وفيه اللي يحب وقت الصيف وزحمة السياح والعرب
وفيه اللي يحبها بمثل هالاوقات لانه يكون نهاية البرد تقريبا وبداية الربيع
وقل الاسعار والسكن وكل شيء تقريبا
https://artravelers.com/p/re/380787
هالموضوع بيفيد كثير بتحديد الوقت اللي يناسبك
كم تكلفة عدد 10 ايام بدون التذاكرلشخص واحد ( فندق مترو اكل شرب) تقريبياً؟
يعتمد عليك هالشيء وعلى حسب صرفتك واذا تبي تسوق ولالا
متوسط 100 - 150 يورو باليوم بدون تسوق طبعا .
هل 10 ايام تكفي لزيارة جميع الاماكن السياحية + دزني؟
احس كثير 10 ايام على باريس
تقدر تقعد فيها كم يوم وتروح منها للريف الفرنسي او بلجيكا فيها بروكسل وبروج جميله جدا .
. هل يجب ان اتنقل من فندق لاَخر لزيارة جميع الاماكن السياحية اويتم اختيار فندق في مكان تكون انطلاقته قريبه للاماكن السياحية؟
في باريس يكفيك فندق واحد تروح وتجي منه
والسفر لشخص واحد ما احسه بيشكل مشكله عادي الوضع
لان كثير نقرأ عن شباب مسافرين لحالهم
وفرنسا يمكن بالنسبه لي اشوفها المركز الاول
يختلف من شخص لشخص ووش يحب
اللي يحب الطبيعه بيشوف سويسرا ولا النمسا افضل
وهكذا
واللغه ما احسها ذيك المشكله اهم شيء تعرف الاسياسيات

..
للتوضيح 100 اليورو بدون الفندق
والفنادق تختلف على حسب المكان والوقت والشهر
تقريبا متوسط 500 ريال يوميا

وعليكم السلام
افضل شهر مايو لكل اوربا بنظري
اذا انت اقتصادي بتكفيك 75 يورو وميه يورو حلوه بس بديزني ميه يورو اقل شيء تكفيك
الباقي ما قصرت الاخت ردت عليك

الاخت ( rmoh ..) اشكرك من اعماق قلبي على الاستجابة السريعة الوافية جزاك الله خير افدتني .

الاخ ( فيصل) مشكور يالغالي على الافادة

افضل وقت بالصيف طبعا ماي جون يعني شهر 5 و 6
اسبوع كافي جدا في باريس اطلع ع الجدول السياحي خفيف وشامل
اذا لوحدك تقدر تحدد الميزانيه بس هل السفر وحيدا ممتع !!!؟؟؟؟؟
اللغه عمرها ماكانت عائق

اخت لندنية 2011 اشكرك على المشاركة الطيبة ومدة اسبوع ماخوذه في عين الاعتباران شاءالله ، بسألكم يا اخوان بالنسبة لدزني لاند احنا شباب هل تناسبنا بشيء؟ وفي شي اَخر من خلال اطلاعي على بعض التقارير صراحه شي اقلقني واعتقد مقلق الجميع اللي هو وبمنتهى الاسف موضوع النشالين اللي منتشرين بالمترو والاماكن السياحية الثانية لدرجة ان فيه اعضاء كانو حريصين من الناحية هذي ومع كذا انسرقو بكل سهولة وبدون مايشعروا وهذا ان دل يدل على انو في عصابات محترفة ومتخصصة بهذا المجال ومنتشرة بكثرة وفعلاً تابعت بعضها على اليوتيوب Pickpocket a Paris metro من تصوير السائحين لدرجة ان النشالين وصلو لمرحلة صورعادي هذا شغلنا !! كيف اقدر احفظ اشيائي الخاصة ماهي افضل طريقة خصوصا ان جميع الاماكن السياحية زحمة واحنا مجبربن نمشي هناك تعرفون اذا الاشياء هذي ضاعة لا قدر الله راح اقول لنفسي السلام خصوصا اصحاب الميزانيات المحدودة زينا، الفنادق من التقارير ايضا مالها امان خصوصا انو احنا مخططين على 3 نجوم ايش الحل بنظركم افضل طريقة ؟

ديزني مناسبه للكل
واحرص علي الباس هناك تستخدمه
النشل ظاهره طبيعيه في بعض عواصم اوربا
الحافظ الله سبحانه وتعالي احرص علي قراءه اذكارك
العمليه تتم عند الزحمه من بنات او اولاد يلتفوا حولكم ويسببوا زحمه
الفنادق اذا فيها سوفتي بوكس ليش تخاف
ثانيا احرص علي استخدام الفيزا او الصراف وخل الاحتياطي معك

اخوي الغالي فيصل اشكرك على المشاركة الطيبة جزاك الله خير ماقصرت بالنسبة للسفتي بوكس ماراح ينحط فيه الا الكاش الاساسي يصير ناخذ مصروفنا منه لكل يوم وبالنسبة للجوازات والكردت راح تلازمنا استفسار اَخر اخوي فيصل انت والاخوان يعطيكم العافية وش رايكم بالسفر في شهر يونيو/ جون نقول من 1/06 الى 7/06 هل الوقت هذا مناسب للتمشية والسياحة هناك ولا راح تصادفنا مناسبات والدنيا مقفلة اشكركم مرة اخرى اخواني على التفاعل الله لايحرمنا منكم ويجزاكم كل خير على مجهودكم تجاه اخوتكم .