بشرى سارة لكافة اعضاء ورواد منتدى العرب المسافرون حيث تعود إليكم من جديد بعد التوقف من قبل منتديات ياهوو مكتوب ، ونود ان نعلمكم اننا قد انتقلنا على نطاق arTravelers.com
وهو النطاق الوحيد الذي يمتلك حق نشر كافة المشاركات والمواضيع السابقة على منتديات ياهوو مكتوب وقد تم نشر 400,000 ألف موضوع 3,500,000 مليون مشاركة وأكثر من 10,000,000 مليون صورة ما يقرب من 30,000 ألف GB من المرفقات وهي إجمالي محتويات العرب المسافرون للاستفادة منها والتفاعل معها كحق اساسي لكل عضو قام بتأسيس هذا المحتوى على الانترنت العربي بغرض الفائدة.

لمزيد من التفاصيل يمكنكم مراسلتنا من خلال نموذح الاتصال, العرب المسافرون على Facebook



romh .. romh ..
الترتيب النهائي لجدول باريس - احتاج رأيكم .
18-11-2014 - 02:56 pm

..

السلام عليكم

وبعد القراءه والمشاوره ثبت على اهم الاماكن اللي ودنا نزورها برحلتنا ل باريس
*شخصين فقط دون اطفال*
ف بنزلها لكم هنا واعطوني ارائكم واذا فيه تصحيح ولا خطأ ابلغوني عنه
بتلاحظون ان حدي باليوم مكان ولا اثنين لان كثر التنقل وهنا وهناك ما نحبها كثير
واولا واخيرا كل شيئ يعتمد على المزاج وقتها ووممكن يتغير اي شيء باخر لحظه لان المزاج
مو حق مشي كثير مثلا ولا العاب ولا تسوق ونبدل بالخطه
كلها ترتيب مبدئي حتى وقتها

اليوم الاول :
الاقلاع من السعوديه بتمام الساعه 1 الا 5 دقايق صباحا
الوصول 6 الا كم دقيقه
يعني معنا اليوم كامممل .
نكلم الفندق من قبلها ونبلغه ان الوصول بيكون قبل موعد االدخول
ان صار ودخلنا ريحنا شوي وطلعنا او طلعنا من وقتها
ناخذ الباص السياحي *الاصفر* ليومين مع جولة نهريه
*اول يومين راحت مع الباص السياحي*
طبعا اول يوم بيكون داخل الباص نتفرج واحنا بمكاننا
ثاني يوم ننزل للاماكن اللي نبيها وكذا .

اليوم الثالث : قصر فرساي
*من محطة بير حكيم الى versailles-rive Gauche
الرير الاصفر C5 *
ونرجع لمحطه بير حكيم ومنها لهضبة المونمارت
*من محطة بير حكيم الى Anvers او Lamarck caulaincourt*

اليوم الرابع :
ل دزني لاند + الاوت لت
* من محطه قوس النصر Charles De Gaulle Etoile
الى Marne-La-Vallee - Chessy
الخط الاحمر A*
وطبعا قبل الذهاب لدزني لاند نتوقف عند محطه VAL d, europe
للاوت لت وبعدها نكمل لاخر محطه للقطار وهي الدزني لاند

الشانزليه و قووس النصر وبرج ايفل وميدان الاوبرا والغاليري لافيت والحي الاتيني
ونهر السين كلها بتكون ضمن الباص السياحي وهي اهم المحطات اللي في بالي نوقف عندها

اليوم الخامس صباحا بنكون بمحطة Gare du Nord
للذهاب ل بروكسل .

اسئله ضغنونه :
البرد بنص هالشهر مارس كيف بيكون ؟
برد برد برد برد ولا هه كذا ولا كذا ؟
يعني حقها جاكيت وشال ودفينا ولا اكثر من كذا ؟
ثاني شيء : الباص الاصفر مثل اخوه الاحمر
بأي محطه توقف له القاه واخذ تذكره واركب ؟
ولا له محطه خاصه للتذاكر وكذا
واخر شيء الرحله النهريه
كيف نظامها اذا اخذتها مع الباص ؟

وانتظر اجابتكم وملاحظاتكم ع الترتيب النهائي للجدول





المشاركات

FANDA FANDA
الترتيب النهائي لجدول باريس - احتاج رأيكم .


ترتيب الجدول جيد بس حط في بالك فرساي مغلق الاثنين وديزني لا تروحها بالويك اند

الجو بارد في مارس العام الحراره ماكسمم توصل 6 درجات
شوف مواقع الطقس قبل السفر عشان تحدد الي تحتاجه في اللبس


فيصل فيصل
الترتيب النهائي لجدول باريس - احتاج رأيكم .


البرد زين
توني قبل امس بوسط جبال اولداغ بتركيا والناس مبسوطه وكلها جاكيت
مع الحركه يدفأ الشخص
بس الباص متعته بالركوب فوق ومع البرد راح تنتفي هالمتعه

الباص الاحمر يمر بس 9 مواقع
الباص الاصفر يزور الكثير

هنا رابط موضوع يوضح لك كل شيء

https://travel.maktoob.com/vb/travel881116/
اي اسئله اخرى


NURA SA3D NURA SA3D
الترتيب النهائي لجدول باريس - احتاج رأيكم .


نص مارس بررررررررررررد
الباص لاتطلعون فوق بتجمدون
لاتنسون ادوية البرد < عجيز
الباص تلقونه قريب ايفل وقريب الشانز بمحطات يوقف عندها تاخذون التذكره من السايق نفسه


romh .. romh ..
الترتيب النهائي لجدول باريس - احتاج رأيكم .


..


فرساي بيوم الثلاثاء اوالاربعاء ودزني كمان نفس الشيء .
عن نفسي البرد احبه صراحه واستمتع فيه لابعد حد
ايه قريت هالموضوع والله يعطي صاحبه الف عافيه هو اللي ساعدني بتحديد الباص اللي يناسبني

كان سوالي ان التذكره اخذها بالباص الاصفر من السائق بنفسه ولا من محلهم الاساسي ؟
مثل نظام الباص الاحمر ولالا ؟
واستفساري الثاني عن الرحله النهريه وش نظامها
كيف بعرف ان هذي اللي بركبها وكذا
واي وقت اروح لها بهاليومين ؟


romh .. romh ..
الترتيب النهائي لجدول باريس - احتاج رأيكم .


..


لاتنسون ادوية البرد < عجيز
ههههههههههههههههههههه اعجز منك انا
اول شيء رتبته بالشنطه ض1
بس ان شاء الله ما نحتاجها تخيلوا بس اروح اتمشى وامرض :(



فيصل فيصل
الترتيب النهائي لجدول باريس - احتاج رأيكم .


من النت تقدرون ومن السواق نفسه تقدرين
تأكدي من مواقف الباص هل هي قريبه من فندقكم
الرحله النهريه فيه من خلف ميدان كونكورد ولها شرح اذا تحبين شوفي هالموضوع
https://travel.maktoob.com/vb/travel875483/
فيه اللي وانتي نازله وعابره نهر السين من الكوبري متجه لايفل تلقني نزله يمين هي للرحلات من المكتب هناك تحجزين ويقولون متي تمشون بالضبط
لانها رحلات علي طول متعدده
الا اذا تبين حقت العشاء لانها وقت محدد


romh .. romh ..
الترتيب النهائي لجدول باريس - احتاج رأيكم .


..

من المكتب هناك تحجزين ويقولون متي تمشون بالضبط
انا باخذ الرحله مع الباص
باخذ الباص الاصفر + الرحله النهريه
يعني يجي لو اروح لهالمكتب واوريهم تذكرة اللي مع الباص
وامشي ؟

وفي استفسار ثاني : القطار اللي بين الدول
انا بروح من باريس الى بروكسل اوك
وضع الشنط كيف ؟ تكون معي يعني ولا لها مكان خاص ولا كيف الوضع




فيصل فيصل
الترتيب النهائي لجدول باريس - احتاج رأيكم .


الشنط تكون معاك تكون بمكان مخصص تكون بآخر العربه علي حسب
اتمني تقرأين هالموضوع يمكن تجربي الباص

https://travel.maktoob.com/vb/travel525694/

الشنط هنا
https://www.thalys.com/fr/en/service...ourney#luggage


ما جربت الرحله النهريه من الباص بس ما دام بتشترينها التذكره تكفي
اعتقد بتكون التذكره للرحله مضافه
اقراي هالموضوع لمشرفتنا شرووووق

https://travel.maktoob.com/vb/travel594232/


romh .. romh ..
الترتيب النهائي لجدول باريس - احتاج رأيكم .


..

شكرا فيصل ما قصرت
وشكرا لكل من رد ربي لا يحرمكم الجنه




يمكنك فتح موضوع جديد للمناقشة او الاستفسار والمشاركة.

احجز الفندق بأعلى خصم:
خصم يصل إلى 25%

Share

الترتيب النهائي لجدول باريس - احتاج رأيكم .