1. بقولكم الشي اللي تو اكتشفته


2. اكيد في غيري يعرف هالشي بس انا ابدا ابدا ابدا مافكرت فيه اللي هو

مرحبا يااحلى اعضاء
ان شاءالله جميعا تكونون بخير ومستمتعين بحياتكم .. ويارب كل شخص يدخل موضوعي الله يرزقه بسفره عن قريب ينسى فيها كل همه

بقولكم الشي اللي تو اكتشفته

اكيد في غيري يعرف هالشي بس انا ابدا ابدا ابدا مافكرت فيه اللي هو

في اوروبا في بوفيه الفطور دايما زوجي يطلب لي وله اومليت مع جيز اند مشروم وطول عمرنا وفي كل سفراتنا متعودين على هالشي .. في سفرتي الاخيره لاالمانيا كانت من اسبوعين تقريبا سكنا في فندق الماريوت في كولون نزلنا الصبح نتريق وراح زوجي يطلب اومليت كالعاده الا حصل اللي يسوي الاومليت عربي من الجزائر ... يوم شاف ان احنا مسلمين قال لزوجي بروح اغسل الطابي اللي يسوي فيه الاومليت لان الاجانب اكثرهم يطلبون الاومليت يكون مع لحم خنزير راح مسكين غسل لنا الطابي او المقلاه اتوقع كذا اسمها باللغه العربيه الفصحى علشان مايكون فيه اي اثر من لحم الخنزير او دهنه ... بعدين قلت لزوجي ويه ترى احنا طول الوقت يسون لنا الاومليت بنفس طابي الخنزير واكيد يكون فيه بقايا من دهن الخنزير واحنا ماندري هذا الجزائري نبهنا للنقطه المهمه هاذي كلش كلش مافكرنا فيها من قبل .. علشان كذا انصحكم تاخذون بيض مسلوق ابرك من الاومليت او البيض المخفوق مع جبن بعد يكونون حاطينه في البوفيه عاد مايندرى اذا امسوينه بدهن خنزير او لا في ذمتهم بس اكيد انه مب مثل الاومليت لان هذاك احنا متاكدين ان ناس قبلنا امسوين لهم مع خنزير .. لان بنفس المقلاه هم يقلون لحم الخنزير ونجي احنا بعدهم وناكل .. الله يغفر لنا ان شاءالله ... اتمنى هالشي اللي انا اكتشفته يفيدكم اخواني وخواتي العرب المسافرون
ثانيا عندي استفسار لوسمحتوا
ان شاءالله بإذن الله الواحد الاحد ناوين نسافر مع اعيالنا في الصيف وهي اول سفره لهم معانا لدوله اوروبيه واحنا كلش ماعندنا خبره في سفر الاطفال
ولدي بيصير عمره 5 ان شاءالله في الصيف وبنتي عمرها 3 ونص اذا اجرنا سياره لازم ناخذ لهم كرسي اطفال ولا عمرهم مايحتاج
ثانيا .. شنو احسن نسكن فندق ولاشقه للي جرب سافر مع اعياله .. انا خايفه ينكبونا في حركه مايعطونا غرف جنب بعض وفي هالعمر مستحيل مايكونون جنبنا لانهم صغار
وشاكره لكم جميعا مقدما دخولكم موضوعي ولكل شخص بيرد علي