جزيرة بالي المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
juventini10
12-12-2022 - 09:30 pm
السلام عليكم و رحمة الله وبركاته
قد تستغرب أخي و أختي القارئه من كتابة هذا العنوان بالذات لموضوعي ..
لأن موضوعي بيكون خاص بثلاث منتجعات زرتها في سفرتي هذي .
لنبدا من فكرتي في السفر دائما وهيا عكس كثير من الناس وهي السفر لأجل المنتجعات الساحرة و السكن الفاخر اولا
ثم استكشاف المناطق و الذهاب للرحلات السياحية ..
دائما ما اسمع السكن اهم شي نظيف فقط .. بدون النظر لما يشمله هذا السكن من فعاليات و رفاهية
و فخامة تعطي للنفس الهدوء و الاستقرار المبدئي و الانطلاقة الحقيقة لأي رحلة كانت ..
هي نقطة مهمشة لداء كثير من العرب ومن يزور دول اسيا تقريبا ..
سنبحر في موضوعي هذا وسنمر ببعض النقاط التي ذكرتها بالوصف و الصور وسأترك لكم الحكم و الرد في نهايته ..
بسم الله نبدا ..
تزوجت ابشركم و الحمدلله ..
قبل الزواج بفترة واثناء فترة الملكة طبعا جالس اكلم المدام ووين شهر العسل ان شاءالله وانا بالي في بالي ..
عاد النظرة عندنا كثير ما تكون لاندونيسيا انها عاديه جدا وما تستاهل السفر و كذا ..
فجلست اقنع و اقنع و عاد انا عندي رصيد جميل من زيارات قديمة لبالي و موثقها بالصور وشوي شوي الين هاه لانت الحمدلله ..
واقولها عن بالي بالتحديد لأن علاقتي مع بونشاك مش ولا بد بيني وبينكم ..
و على بركة الله و احجز على الخطوط الأمارتية الي خذلتني للسنة الثانية على التوالي ..
و انا عندي من اهم الأشياء في السفر الخطوط الي طبعا و بدون مقارنة عندي الأولى بعد التجارب هي القطرية ..
نظامي في السفر يا حبايبي احجز اخر مقعد في الطيارة لإسباب عده ..
1 . قربها من الحمام اكرمكم الله .
2 . محد يغثك يكون وراك ويقولك لا ترخي الكرسي على الأخر .
3 . تكون كاشف الوضع وانت متزوج و اخذ راحتك لأن اخر مقعد في اليمن و اليسار يكون كرسين فقط والي قدامها ثلاثه .
4 . افضل نقطة وهي الي قد تصادفك وصارت معاي ,, يكون في الاخير مافي ناس و الي راحت عليهم الرحله لأي سبب وتكتشفها انت وتروح تاخذ اربع كراسي وتدق امها نوومه مع طول الخط هذاك .
ليش اقولكم خذلتني الامارتية لأن اول شي مو مضمون عندك بتسافر بالطائرات الجديدة والا القديمة واذا بالقديمة ..
فهي تزعل بالعربي شاشات سيئة جدا افلام اكثرها مو مترجمة .
عاد رحلة السنة الماضية رحت بجديدة ورجعت بقديمة و ها السنه ابشركم رايح جاي بالقديمة .. غير كذا وجباتهم مو ذاك الزود
وتحس مافي اي كرم اوقات يعطوك اكل قليل ومافي تطلب زيادة ..
ها الأمور كلها في القطرية العكس تماما تطلب الي تبغاه ووجباتهم كلها حلوه و تسافر في الجديد .
.....................
قررنا من بدري و عاد انا من اول كنت اقرأ عن تقارير هنا وهناك وادخل بوكينق و اشوف تصنيفات وهكذا ..
كله ابغى منتجعات تصنع لي الرومنسيه وتهيئ لي الأجواء المناسبة ..
احترت في البداية بس فيه منتجع صراحه عيني عليه و كان هو الأختيار لأول ليلتين و راح اقولكم ليش اختيار الأيام عندي ..
( فندق ايانا Ayana resort )
هذا المنتجع الخرافي بكل ما تحمله الكلمة من معنى ,,,
ستجمع كل ما تبحث عنه في الرحلة في هذا المكان و سنبدا بالصور و سنحكي اهم المميزات ..
هذا طريق المنتجع
وهذي البوابة الداخلية للمنتجع لأن دخلنا في البداية من بوابة و نسيت اصورها
وهذا الاستقبال
سوينا اوراقنا والحمدلله و كان الحجز من بدري من بوكينج واهم شي من بدري لأني بالصدفه خشيت قبل شهر
من حجزي على ها المنتجع ما لقيت ولا جناح فاضي
اتركم مع صور للجناح
عاد وقتها كنا واصلين الظهر وتعبانين وكان عندي حلم من سنتين في مطعم في بالي ..
وناوي عليه مع زوجتي ان شاءالله وجا هذا اليوم ..
نظام ها المطعم تحجزه من بدري و يكون لك بس في ها اليوم محد يجلس غيرك ..
نمت وصحيت على الساعة 6 المغرب وقت دخول المطعم ..
جاني طباخ جميل الين غرفتي و اخذني .. اتركم مع الصور و طريق المطعم
في نفس المنتجع طبعا
هذا تلفريك ينزلك الى جهة المطاعم و المسبح و اماكن كثير
طبعا مجاني اكيد تطلع وتنزل بكيفك فيه و حركه حلوه وتقدر تنزل مشي اذا فيك نشاط
هذا تحتي على طول مطعم ثاني و انا نازل من التلفريك شي خيالي اطلاله مجنونة ..
اتوقع الصوره حتى ما اعطته حقه ابدا ..
اتركم مع هذي الصورة وراح اتابع معاكم ان شاءالله قريب لأن الصور كثير ومتعبه جدا
قريب مع مطعم الحلم ان شاءالله ..


التعليقات (8)
Usas
Usas
شيء جميل , ومتابع بإذن الله

الايماان
الايماان
مبروك
الله يهنيكم ويسعدكم
سجلني من المتابعين

زائر
فاتك نص المتعه لو مازرت water boom اللي في بالي
افضل حديقة مائية في أسيا كلها
والمنتجعات اللي في نوسا دوا افضل بكثير من اللي في كوتا
تحياتي

البرنس المسافر
البرنس المسافر
أول شيء الحمد لله على السلامة
والف مبروك الزواج ربي يهنيكم وعقبالنا
ماشاءالله الفندق واضح انه فخم نمبر ون ^^
وفي انتظار التفاصيل من التقييم والاسعار والخدمه وكيف الاكل والفندق واطلالة الغرفه او الجناح وكم الاسعار
وكيف طريقة حجز المطعم بخصوصيه اعجبتني نسجلها في النوته وعطنى الطريقه ^^
سجل احد المتابعين في هذا التقرير الواضح من البداية تقول هناك روعه وابداع
واحجز لي في الصفوف الامامية

jaka
jaka
بداية رائعة وتوثيق مرتب وجميل
سجل معك راكب متابع بشغف

طارق2004
طارق2004
الف مبروك الزواج والله يوفقكم في حياتكم ...
من وجهة نظري السفر المترف لا يكتمل الا بالحجز في الدرجة الاولى او رجال الاعمال لتكتمل الفخامة
متابع معك يا عريس

juventini10
juventini10
عسل2020
تسلملي اخوي

juventini10
juventini10
Usas
تسلم و ان شاءالله تستمتع اكثر ..


خصم يصل إلى 25%