الكويت المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
توبليرون
17-12-2022 - 04:44 am
اهلا بجميع الأعضاء
اهلا فيكم
بتقرير جديد من تقاريري
اليوم باخذكم لمطعم جديد
المختص بالمطبخ الكويتي
مطعم زوارة
في السوق القديم بالافنيوز
ملاصق لكافيه بزة
نشوف الصور وسامحونا كان زحمة
مرينا على المطار والقلب يخفق لي شاف طيارة

وهذه اعلام الكويت احتفالا بالاعياد الوطنية

واجهة المطعم

رقم طاولتنا وفضلنا ناكل برة

وهذا اللي حببني بالمطعم
فلفل بوديج
الأول في الكويت

الحين نشوف المنيو
شكل دفتر المدرسة القديم ...وكاتبين فيه
الاطباق
مع بعض التعليقات الطريفة ...اللي غالبا الكويتين يكتبونها
باي دفتر يطبح بايدهم

إكل بإيدك

معبوج خطر

الصحن

وصلت المشروبات .....انا لبن منعنع

الحار والبارد

كبة بطاط عجيبة

شبس كويتي

ورق العنب...او الدولمة الكويتية

بطاطا حارة

خيار باللبن

صورة جماعية للمقبلات

طلبنا 3 مجبوس دياي

و2 مموش ربيان
واحد لي

وهذا دقوس الطماط
ودقوس الصبار للربيان....ممكن هذا او هذا

وهذا المعبوج

وهني شوفو الآجار والفلفل المدقوق الأخضر
والمعبوج الآحمر

ووصلنا للشاي

والكرك

وهذي استكانتي

وهذا كرك البنات

وهذا طبق الحلوو
الرانغينه

وهذا بعد ما توحدت فيه
مو تمر لا رطب ....أحب هالطبق وايد
وخاصة لما تشرب معاه لبن خاثر .....واو

وهذه طلبية العيال كنافة

وهذا حسابنا

وهذا كرت المطعم لقيته بالخيشة مالت الفاتورة

واتمنى ان يعجبكم التقرير قبل المطعم
حياكم الله جميع


التعليقات (9)
هدوء العالم
هدوء العالم
هلا والله مشرفتنا الغالية ام حسين
أتحفتينا بتقريرج إلي مثل دائما روعة
وعليكم بألف عافية خوش طلبات
والمنيو بعد خوش تعليقات
يما هالمطاعم بسطرة بزه و حليب وهيل و زوارة مستحيل اقعد فيها
لأنه الطاولة على الطاولة ما أخذ الراحة
وبإنتظار تقاريرج الجاية
بالتوفيق

Usas
Usas
(أقول إكل بإيدك وخل عنك الذرابه!)
تسلم الايدي ام حسين على التقرير الممتع , بس كأني احس اسعارهم غالية شوي

مستر كفي
مستر كفي
تقرير رائع وصور تفتح الشهيه
اهنيك على اختيارك الجميل

النمسا
النمسا
ما شاء الله تبارك الله عوافي
فكرة المطعم جميلة وعبارات المنيو مستوحاه من عبارات جميلة مستخدمة في ماضينا
لم يسعفنا الوقت لزيارة هذا المطعم الجميل
مشرفتنا القديرة ممكن تقييم مذاق الأكل من 10 ؟

ارمـــ ARMANI ـــاني
ارمـــ ARMANI ـــاني
يعطيك العافيه مشرفتنا توبليرون
وعوافي عليكم الاكل واهنيكم على الاختيار الموفق وتعجبني هذي المطاعم الشعبية
عاشت ام حسين تقارير حصرية
عاد تصدقين اني ناوي اذا زرت الكويت عما قريب اني أكل في هذا المطعم
وحاب اضيف معلومة لك
ترى صحب المطعم الفنان الكويتي عبدالله بهمن
الله يبارك له ويرزقه وجميع المسلمين

واصلي ابداعك
فنحن على احر من الجمر لمتابعت جديدك
اخوك : https://artravelers.com

ابوحمد.
ابوحمد.
الله يعطيج العافيه ام حسين
دائما مميزه وحصريه
قبل جم يوم كنت فيه

هاوية الاسفار
هاوية الاسفار
يسلم ايدينج على هالتقرير الاكثر من رائع
و مكان جميل و رائع للاسف ما دريت عنه الا يوم رديت دبي
ان شاء الله نزوره
بس مجبوسهم لونه يشبه مجبوسنا مب نفس اللي في فريج صويلح
بانتظار باقي التقارير اقصد المطاعم

FANDA
FANDA
يا حلو زواره ويا حلو أكله ومنيوه بعد
رحناه ريوق الي يعجبنا التعليق نطلبه بس الحمد لله كله كان تمام
تسلمين ام حسين عالتقرير

q8ya metnaqla
q8ya metnaqla
عاشوا
عليكم بالعافيه خوش غدا مبين
خلوا عنكم الذرابه ودبوا بالخمس
قائميه ام حسين من 10 مع انه شكله يقول 10 على بوديچ والمعبوچ


خصم يصل إلى 25%