ستراسبورغ المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
om aljazy
12-12-2022 - 07:49 pm
السلام عليكم ورحمة الله
ابي اسوي جدول لمدة اربع ايام في باريس
من تاريخ 21 مارس الى تاريخ 25 مارس
ايش افضل الفنادق ؟؟
وايش احسن الاماكن السياحيه في باريس
وابي اسواق حلووه والاوتلت
وهل يوجد سوق مثل بري مارك في باريس او في ستراسبورغ
اسفه على الاطاله
الرحله 3 كبار و2 صغار


التعليقات (9)
FANDA
FANDA
وعليكم السلام شنو اهتماماتكم وشنو تحبون تشوفون يعني متاحف او حدائق ....ممكن اول يوم تاخدون جوله في الباص السياحي .....دائماً احب أخذ الجوله في اي ديره انزلهايوم فرساي الصبح والعصر مونمارت والحي اللاتيني ايفل وجوله في النهر ممكن مع عشا عشان الأطفال لازم يوم بديزني
بريمارك مو موجود بس فيه c&a أسعاره معقوله السكن شوفي فرايزرهارموني لاديفانس ممتاز للعوائل بس حاسبو للبرد

om aljazy
om aljazy
الله يعطيك العافيه يارب وماقصرت
احنا نبي نشوف كل شي في باريس بما انه اول مره اشوف باريس
ايش رايك في هذا الفندق
Derby Alma
وايش احسن الاسواق في باريس واسعاره معقوله

FANDA
FANDA
الرد ملخبط شوي لانه من الموبايل السموحه
دام تبون كل شي فأحسن شي الباص السياحي الأحمر او الأصفر يلف بيكم اهم المعالم والي يعجبكم تنزلون فيه
وباقي الايام للأماكن الي ما يوصلها الباص او الي عجبتكم وتبون تتمهلون في زيارتها
الاسواق عندك مول الفصول الاربعه أسعاره معقوله والاوت لت
جاليري لافاييت روعه للتسوق كل الماركات تلاقينها هناك ونفس الفتره الي بتروحنها كنا هناك العام وكان عندهم تخفيضات تصل الى 60 لبعض الماركات
باريس وين ما تروحين بتلقين محلات بس طبعا الأسعار تتفاوت

om aljazy
om aljazy
طيب ايش رايك في الفندق كويس ؟

فيصل
فيصل
الفندق جيد وقريب ايفل يسارك
وتعبر النهر الي الشانز او اللوفر
مكانه حلو
اختنا ام ريم تقصد هالفندق
https://www.booking.com/hotel/fr/frasersuitesharmonie.ar.html?aid=1300939

om aljazy
om aljazy
الله يعطيك العافيه يارب
طيب كم المسافه بين استراسبورغ وباريس في القطار

فيصل
فيصل
ساعتين وربع او ثلث
حسب وقتك
تفضلي هالرابط
http://www.raileurope-gcc.com/spip.php?page=sales&re_domain=ptp&re_oper=results

om aljazy
om aljazy
اخ فيصل لو استئجرنا من مطار جنيف نقدر نسلم السياره في ستراسبورغ؟؟

فيصل
فيصل
ايه تقدرون
الافضل تستاجرونها من القسم الفرنسي بمطار جنيف وتسلمونها باي مدينه فرنسيه
بس بباريس السياره لا ينصح بيها


خصم يصل إلى 25%