كوينزتاون المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
طارق-عبيد
17-12-2022 - 06:18 pm
السلام عليكم
معاكم اخوكم طارق من الكويت
انا ان شالله سوف اتجه الى auckland في شهر ابريل من تاريخ 17 الى 28 وحبيت اروح منطقتين
auckland
queens town
ابي النصائح من ناحية طريقة الذهاب حق كوينز تاون ، وهل أحتاج اني أقوم بتأجير سياره او اتفق مع تاكسي او ان اركب اي تاكسي متوفر خلال استقراري في المناطق ، اغلب السفره راح تكون رحلات للطبيعه والاماكن المشهوره
احتاج نصائح وشكرا


التعليقات (5)
mjjazm
mjjazm
وعليكم السلام
انت تدري ان اوكلاند بالشمال وكوينز تاون بالجنوب؟؟؟ يعني المسافه بعيده بالسياره بس طبعا رحله ممتعه
وضح النقطه هذي وان شاء الله نعين

طارق-عبيد
طارق-عبيد
mjjazm
اي اخوي عندي علم فيها ام يعني اخذلي قطار افضل

mjjazm
mjjazm
هلا اخوي
مافي قطار بين الجزيرتين؟
طيران يكون افضلك واذا تبي طبيعه الجنوب احلا واجمل بكثير
باوكلاند ممكن تتفق مع شخص يكون تكسي لك يراويك الاماكن ؟
اذا تاجر سياره يكون افضل وحنا هني نسوق من جهة اليمين ؟ يعني السكان ع اليمين
طبعا في رحلات عن طريق الباصات بس ممكن تكون شوي متعبه من اوكلاند لكوينز تاون تقريبا يوم ونص
تاخذ باص من اوكلاند لوالنجتون رحله تسع ساعات وبعدين تركب باخره تعبر للجنوب ساعه او اقل
لمدينه اسمها بيكتون ومن هناك لكوينز تاون ممكن 11ساعه او اكثر شوي
واعتقد في نفس الخط عن طريق القطار بس ما اظن يوصلك لكوينز تاون وراح يكون شوي بطئ؟
المعذره ممكن طولت عليك بالشرح

طارق-عبيد
طارق-عبيد
ام من الافضل اخذلي طيران داخلي اسرع حق كوينز تاون
بخصوص الجنوب شنو تنصحوني في المناطق غير كوينز تاون انا هدفي من الجنوب الطبيعه والمغامره مع العلم اني مسافر لحالي مو معاي أحد

mjjazm
mjjazm
طيب اخوي
اجمل منطقه بالعالم لعام 2012 هي ملفورد ساوند شي سبحان الله خيالي من اروع المدن طبيعه تبعد عن كوينز تاون 3ساعات بالسياره في رحلات بالباص او طياران؟
وعندك مدينه اسمها وانكا جميله جدا تبعد ممكن ساعتين من كوينز تاون وفي مدن كثيره حولين كوينز تاون حلوه مثل اروو تاون وهيستن
بلكلوثا وعندك ماونت كوك بس ارجع اقولك الملفورد ساوند اذا وصلت هناك اركب الهليكوبتر والقارب روعه


خصم يصل إلى 25%