ام مصصعب
29-11-2022 - 10:47 pm
السلام عليكم ورحمة الله ،،
اسعد الله اوقاتكم بكل خير
ولاول مره راح اسافر وان شاءالله بتكون وجهتنا لسويسرا والنمسا لمدة 12 يوم باغسطس بعيد الفطرر ان شاءالله وبنكون شخصين وطفل 3سنوات
تخطيط الرحله بالتفصيل بيكون اليوم الاول الوصول م مطار الرياض الى جنيف ونحجز سياره ع انترلاكن ماراح نجلس بجنيف وبنكون بانترلاكن الى اليوم الخامس وبنطلع ع قرية ماينفلد بفندق هايدي يوم نريح ونكمل من بكرا اليوم السادس الى زيلامسي واليوم العاشر نطلع ع فيينا ويوم 12 تكون العوده ع مطار الرياض ..
استفساراتي
كيف مخطط الرحله واذا فيه ملاحظات ي ليت تعطوني وبالنسبه لمحطة الوصول زوجي يبي بسويسرا ورافض اي تغيير،
2- بالنسبه للسياره كيف خطوات استئجار السياره وش افضل شركه و وش الاشياء اللي لازم ننتبه لهاا وبسال عن القارمن لازم يكون معناا ولا يجي مع السياره ووين نحصله بالمطار الاستئجار وتقريبا كم بتكلفناا بهالمده
3-ابغى فنادق حلوه واسعارها مناسبه بالاماكن اللي ذكرتها وميخالف لو تكون قرى حواليهاا وهذا شي مهم لي لاني ودي احجز هالاسبوع ابي خبرتكم
4- واهم شي كيف تعاملهم مع النقاب خاصه بالنمساا ؟؟؟
وابي اماكن حلوه تنصحوني امررهاا
ياليت ماتبخلوون عليناا بنصايحكم واعذروني ع كثرر الاسئله
وشاكره لكم مقدماً
تروحون وترجعون بالسلامة
اجار السيارة فيه مواقع ممتازه تعطي اسعار حلو مثل موقع rentcar او الذهاب لشركة سيكست مكتبهم بالرياض طريق خريص مقابل مدينةالملك فهد الطبية واستخراج رخصة دولية من مكاتب السفريات وكذلك القارمن ضروري تاخذونه من هنا لانه عربي والسيارات هناك اذا تبي قارمن تطلب مع السيارة لكن الافضل تاخذون معكم وتكلفة الاجار حسب نوع السيارة والتسليم في دولة ثانية فيها ضريبه.
بالنسبة لسكن معاك وقت انك تبحثين وتسألين بالنسبة لي في انترلاكن ارشح لكم فندق برنزرسي صدقيني تدعين لي
النقاب عادي جدا ولا احد يمكن لانكم بتحصلون هناك العرب بكثره بالنقاب والامور جدا عادية
بالنسبة للمواقع تقدرين تاخذين لفه بالمنتدى وتحصلين جميع الفعاليات المطلوبه واعملي لك جدول تنظمين فيه رحلتك
رحلة موفقة يارب