صباح الورد
التواريخ متى ؟
عشان نقدر نبحث معاك
بخصوص سبانجا
https://www.booking.com/hotel/tr/richmond-nua-wellness-spa.ar.html?aid=1300939

ماجد الفهد
هلا بك اخوي ماجد شاكره لك ع الرد ..
فندق ريتشموند حلوو وعجبني بس مدري احترت بسعره حسيته
غالي شوي .. يعني ودي بسعر فندق لالي من 1200الى1400..
بس لو مافي راح اشوف لاالي او ريتشموند لان يهمني المكان
قدام البحيرة مابي منطقة معزولة ومرعبة ..
لكن الفندق الثاني الي ع نظام فلل وش رايك فيه .. انت
ووين موقعه نقدر نروح البحيرة مشي ..
واقدر اتمشى بسبانجا مع تاكسي . او بقروب لوالقى هناك يرتبون
لان اليوم الاول بس بخليه للبحيرة
والثاني كارتبة وركوب التلفريك ومنتجع ناتور كوي والغداء فيه
وكيف المسافات بينهم وهل احصل تكاسي والا ماحصل ..
التاريخ 27-29مايو .. بسبانجا ..
شغلة ثانيه

راح أرجع لك
بس عطيم وقت وخليك صبورة أختي
والسيارة مطلب
أوفر لكم
أبيها من إلى
قسم راح توفرون بدال التكاسي
وبرامج الملاحة راح تريحكم
شوفي هالموضوع
وصدقيني راح تغيري رأيك أو على الأقل زوجك يقتنع
https://artravelers.com/p/re/557868
وإذا عندك آيفون راح أعطيك برامج ملاحة مجربة
موفقة

ماجد الفهد
هلا اخوي خذ راحتك والله يعينك ..
اناالحين مخي محتاس بسبة الفنادق
اللي اخر ايام تقسيم وسبانجا
ابي سعر مناسب
الشيء اللي ابي اوضحه لك اني بوسط الرحلة
4ليال
ليلتين بخليها بورصة وانا مرتبه برنامجي فيها
اول يوم بيكون ميدان كنت ونتغدى عنده والتسوق فيه
وبلليل نتمشى في لونا بارك .. ونتعشى بحجي دايخ ..
اليوم الثاني بنزور الجبل والشلال الصغير
ونتغدا بمطاعم الشلال . وبعدها تسوق في زافر مول
واللي حوله البازارات ..
طبعاً لاني من قبل زرت بورصة وشفت اغلب الاماكن
وهالحين بنرجع لها ليلتين علشان المهم ان سوقها عجبني
ومطاعمها والهدوء الممزوج باالصخب ..
عقب بنزور سبانجا لاني انا مصرة اني ازورها
وبقعد ليلتين
اليوم الاول .. المنتجع واللي حوله
الثاني كارتبه وناتور كوي ونرجع للبحيرة
بس
فعلشان كذا برنامجي بسيط وماحسيت ان السيارة
تستاهل
شيء ماقلت لك ببورصة حصلت فندق ليلتين بسعر مناسب
قريب من زافر مول ومن عند زافر مول احصل الباصات
اللي توديني الجبل بسعر مناسب ومن فندقي الى ميدان كنت
سعر بسيط حوالي 7ليرات ..
لكن الشلالات مادري كم بتكلفني لارحت لها من الجبل
لان بلرحلة اللي قبل سويتها مع قروب وبسعر ممتاز مع الغدا
ب اسطنبول السيارة ابداً ماراح تنفعني غير الزحمة والمشاكل
مع بعض السواقين وهالشيء شفته بعيني يتحارشون في بعض
وقت الزحمة .
وانا مستخدمة المترو والباصات العامه والحمدالله مرتاحة معها
انا جهازي ايفون .. واذا في طريقة
اقدر اوفر فيها من بورصة الى سبانجا بسيارة خاصة
عطني اياها .. يعني اخذها ثاني يوم لي في بورصة
وازور فيها سبانجا ليلتين .. وبعدين وين اسلمها
وهل فيها توفير .. لثلاث ليال فقط ..
طولتها والله احس ب احراج
اسفة ع الازعاج

بلنسبة لتقريرك ف اناا تابعته عند نزوله ومتابعه لتقاريرك وتراني من عشاق ماليزيا سابقاً,
والهوى تركي صار
امزح امزح لايزعلون علي

فيه رد ، بس عطين وقت طال عمرك
يبي لك مخمخة وأنا ودي أبرد على قلبك
بحاول أشوف موضوعك بالتفصيل
بكرا الصباح بحول الله
ذكريني لو تأخرت عليك
والعذر والسموحة

والله اخوي ماجد انت مااجا منك الاكل خير وماحصلقصور
بس اهل الخير واجد مو معقولة محد يقدر يساعدني
عموما اخوي انا حجزت حجز مبداي اخر 3ليال
بتقسيم سكوير هوتيل .. سعره حلو وموقعه رهيب
لكن خايفة من نظافته ..

بسم الله الرحمن الرحيم
عدنا طال عمرك
والإجابات تحت كل إستفسار
كلي طيب
حياك طال عمرك
وصدري رحب لإستفساراتك
لكن عطين وقت كافي
لإني أحب أرد عليك وأنا مروّق