يعتمد على طيرانكم من وين وبعدين نحدد لك المسار 15 ليلة كافيه للنمسا وسويسرا والمانيا ولو زدتوها كويس لكن اشوف انه زينه

خزامى المسك
7يوم حلوين تقدرين تروحين 3 دول بس نقطة الوصول تكون غير عن المغادره
يعني اذا وصلتي ميونخ تغادرين من جنيف
هذا رابط الجداول
https://artravelers.com/p/re/881878
و هذا رابط الفنادق
https://artravelers.com/s/329

طيب انا طيراني السعوديه بس انا ابي ترتيب تمام ابي استمتع بالرحلة يعني ماهي مشكله انتم اخبر مني أبدا من ألمانيا ولا سويسرا عادي اللي الأفضل وبعدها رتبو لي الرحله لاتنسين زيارتي الأولى يعني ابي استغل كل وقتي ومعاي اطفال الله يسعدك بسرعه ابي أحجز وبعدين شفت الجداول أحس اني متلخبطه ابداء بسويسرا ولا ألمانيا اختاري لي الأنسب ورتبي لي المدن بسرعه بدون امر

اختي عندج 17 ليلة
ما قصرت مشرفتنا هاوية الأسفار
الله يجزاها خير
الجدول
الوصول ميونيخ والمغادرة جنيف
من مطار ميونيخ أستئجار سيارة و إلى سالزبورغ ليلتين
زيلامسي 5 ليالي
ميونيخ ليلتين
روست ليلتين لزيارة ألعاب يوربا بارك للأطفال والكبار بعد
أنترلاكن 4 ليالي
ليلتين جنيف
وإن شاءالله لنا عودة للسكن وترتيب جدول يومي

شكراً يابعد قلبي بس ابي اسأل ليه ميونخ مرتين ليه ما اقعد فيها من البدايه وبعدين أكمل وفيه شغله بعد ف سويسرا فقط انترلاكن ليه ماتزودين كم منطقه هناك أسئلتي كثير بس ما استغني عن رأيكم لان زوجي رمى كل المهمه علي ما ابي اطلع مب قد المسووليه تخبرين

العفو أختي العزيزة
لا ميونيخ بس مرة وحدة تجلسون فيها
والمقصود من مطار ميونيخ الألماني مباشرة إلى سالزبورغ
ليلتين سالزبورغ
المسافة
من مطار ميونيخ ===> سالزبورغ == 144 كيلو ساعة و 31 دقيقة
ثم
5 ليالي زيلامسي
المسافة
سالزبورغ ===> زيلامسي == 108 كيلو ساعة و 21 دقيقة
ثم
ميونيخ ليلتين لأنها بالوسط بين النمسا وسويسرا
المسافة
زيلامسي ===> ميونيخ == 167 كيلو ساعتين و 11 دقيقة
ثم
ليلتين روست لو تحبون ألعاب يوربا بارك
المسافة
ميونيخ ===> روست == 381 كيلو 3 ساعات و 51 كيلو
أو
إذا ما تفضلون ألعاب
ليلتين كونستانس الألمانية تزورون منها زيورخ السويسرية
المسافة
ميونيخ ===> كونستانس == 259 كيلو 3 ساعات
ثم
4 ليالي انترلاكن
المسافة من روست
روست ===> انترلاكن == 244 كيلو ساعتين و 27 دقيقة
المسافة من كونستانس
كونستانس ===> انترلاكن == 195 كيلو ساعتين و 11 دقيقة
وأخيرا
جنيف ليلتين
المسافة
أنترلاكن ===> جنيف == 219 كيلو ساعتين و 18 دقيقة
فيصير أختي العزيزة جدول
( نمساوي مدينتين ،، ألماني مدينتين ،، سويسري مدينتين )
ما يحتاج زيادة مدة بس لو تقدرون تزيدون ليلة وحدة للرحلة ولتكون ل روست أو كونستانس ولتكون 3 ليالي بدل ليلتين
وما قصر مشرفنا شخص ما عن كونستانس
بموضوع الجداول
https://artravelers.com/p/re/881878
اختي على أي طيران ترغبون
و كم عمر أطفالج الله يخليهم لكم
بس تنتهون وبعد أراء بكل تأكيد باقي الأخوان بتخطيط الجدول والليالي
نكمل السكن
رحلة موفقة بإذن الله

تسلمين لي يابعد قلبي والله اما أطفالي بنتي 7 سنين وولدي 9 والطيران ودي السعودي ابي دايركت والسكن مو لازم فنادق لو الشقق أحلى واكبر عادي لانا بناجر سيارة يعني ما ابي ف السنتر يعني بس يهمني يكون قريب خدمات والموقع بعد يعني مثلا بزيلامسي لو ع البحيرة يكون أحسن وراح أتعبك معاي ابي ف كل مدينه من ذولي للي رايح اول مره وين اروح ابي أحلى الأماكن عشان ما أضيع وقتي ابي أرتب جدول وبعدين بعض التقارير يقولون كابرون أفضل للسكن اش رأيك وفيه نقطه بعد انا أتكلم الانجليزية تنفع هناك ولا لغتهم فرنسيه

العفو أختي الغالية
الله يخليلج عيالج الحلويين
السعودية وميونيخ للأسف مافيها رحلات مباشرة للخطوط الجوية السعودية ( وأهلنا في السعودية أعلم يارب ما يقصرون )
مثل الكويتية شعبينا يحبون ميونيخ والنمسا ولا فيها رحلات للأسف يارب يتطورون
ينصح بالإماراتية وترانزيت بمطار دبي ساعتين
وأطفالج الحمدالله كبار أفضل من إلي تعب عليهم وعلينا تحت 5 سنوات في الترانزيت
السكن
الشقق بكل تأكيد أفضل وأكبر وفيها مطابخ خصوصا الأرياف
سالزبورغ
;
وهنا إن شاءالله تلاقين الإفادات
https://artravelers.com/s/170
و أنترلاكن وجنيف
بعد إن شاءالله خبراءها يفيدون
https://artravelers.com/s/118
اللغة
يتحدثون الأنجليزي حتى بفرنسا يتحدثون الأنجليزي
إن شاءالله لنا عودة للجدول السياحي
ما فيها تعب أختي أي إستفسار كلنا موجودين لا تترددين بالسؤال
وهذا موضوع لمشرفنا الربيش عن المعالم السياحية
https://artravelers.com/p/re/879497
رحلة موفقة بإذن الله

مشكوره الله يخليكم لي يا أعضاء المنتدى الرائع بس ابي اسال اذا ابي اسكن ف قارمش بدل ميونيخ هل جوها بارد عشان الأطفال وكابرون بعد والجو عموماً ف الصيف ف اوروبا كيف عشان الملابس وبالنسبة للسكن انا دخلت ع البوكينق الشقق عموما او حتى الفنادق كيف اختارها قصدي الاطلاله مثلا ب زيلامسي ع البحيره وف كابرون كيف لانها من التقارير تعتبر جبليه صح ؟! وانترلاكن بعد ابي آراء الأعضاء عن السكن ف قارمش وكابرون وهل اسكن ف روست اذا ابي اليوربارك ولا بادن بادن او كونستانس وبعد انترلاكن مالي جنيف الا يوم السفر هل فيه مكان ثاني اروحه ولا اجلس فيها وأزور اللي حولها وهل تستحق جنيف الاقامه فيها ولا بس تسوق أسئله كثيره بس اتحملوني اول مره اروح مابي احوس هناك ولكم خالص الحب