شنو نوع الاسواق اللي تحبينها ؟؟ والاكل اللي تفضلونه عشان اقدر اساعدكم وحياكم الله

q8ya metnaqla
وحياكم الله
شوف ناكل كل شيء الا الهندي والبحري والصيني/الياباني
نحب الاسواق الملابس والاشياء الغريبة الي ما نلقاها في السعودية

الاماكن السياحيه في
حلبة سرب بالشويخ تلاقيها بتقريري بالبوابه
وكذلك عندك متحف بيت العثمان وفي تقرير عنه بالبوابه ايضا
المطاعم في الافنيوز عدة مطاعم جديدة وكلها تلاقيها بالغراند افنيو
والسوق اللي يكون على شكل الاسواق القديمه بالافنيو وراح تحصل المطعم التركي
في مجمعات مطاعم جديده كذا واحد على الشريط الساحلي من الفحيحيل الى الفنطاس
وهذه المجمعات كلها مطاعم جديده وكمان تلاقي تقارير عنها بالبوابه
في بشارع التعاون مجمع مطاعم جديد عند فندق النخيل واضافه الى المطاعم اللي عند الموفنبيك
في مجموعه مطاعم اسم المكان ذا فيلج بابو الحصاني منطقة ابو الحصاني
وتقدر تسال الفندق بيعلمونك عن هذه الاماكن
وسلامتك

1. بالنسبه للأسواق :

قواها الله ام حسين على الرد والمعلومات اللي ضافتهم وانا راح اكمل عليها وأضيف لكم
بالنسبه للمطاعم وايديين انا بكتبلچ وعن تجربه
1- ميلنزاني ( كاتبه عنه الإيمان تقرير ) إيطالي والأكل لذيذ مكانه 3 أفرع البدع يم فندق موفنبيك و واحد في الأفنيوز و واحد في برج الحمرا ( افضل فرع البدع بحكم الجلسات الخارجيه )
2- فيلا فيروز ( لبناني ) الأكل لذيذ له فرع بالافنيوز وفرع في منطقه الشعب على خط فحيحيل باتجاه الكويت ( افضل الأفنيوز)
3- b+f في مول 360 ( الأكل لذيذ امريكي على انترناشينونال ) منطقه جنوب السره بالتحديد في الزهرا على الدائري السادس
4- نينو (إيطالي ) الأكل لذيذ له كذا فرع الأفنيوز الجابريه الخليج العربي ارابيلا ( افضل ارابيلا القعدات الخارجيه والمكان توه يديد وحلو نظام اوربي
5- ليلى ( لبناني ) - لورينزو (إيطالي ) - someday (كافيه) كلهم بالصالحيه مجابل برج الصالحيه القعدات خارجيه وأكلهم لذيذ.
6- كافيه بزه ( كويتي ) الأكل لذيذ الافرع بنيد القار - الشامية - السوق بالافنيوز ( افضل الأفنيوز )
7- breakfast club من أقوى والذاطابق الريوق يفتح من 7 الصبح الى 5 مساء برج كيبكو منطقه شرق بجانب برج الشهيد اللي على شارع خالد بن الوليد (بصراحه مايتطوف وخصوصا بان كيك بالكندر) والشيف كويتي
8- فريج صويلح ( كويتي ) السالميه بجانب ماركس اند سبنسر
9- شوكلت بار - البدع او الأفنيوز او برج الحمرا او سبونز في الفنطاس
10- تعبت لان وايد مطاعم وكل واحد يقول الزين عندي ومثل ما كتبت ام حسين ذي فلج في ابوالحصانيه ومنيو وسبونز في فحيحيل والافنيوز

بالنسبه للأسواق :

عندچ خياط الكويت ( سوق السالميه - مجمع النقره الشمالي والجنوبي - مجمع العثمان في حولي - البلوكات الصفاه فوق في خياييط وعندهم أشياء جاهزه وحلوه
وإذا تبين مصممات كويتيات في محلات ( برج التجارية بشرق - وبرج جاسم في المرقاب في محل دار يوشا وغيره- برج كيبكو منطقه شرق - محل هديل اشكناني في الشعب البحري قطعه 8 شارع بن سالم 92 - في بوتيك 33 صاله وفيها 33 بوتيك في جمعيه السلام جنوب السره خلف بنك برقان في وحده نفانيفها حلوه اسمها 4chic - محل ردن في الشعب البحري شارع الخليج دانه بلازا - في صوب هوم سنتر اللي في شويخ بعد محلات في ليلى سنتر سوق 15 ) طبعا هذيل اشوي اسعارهم مرتفعة لان تصاميم مصممات كويتيات
والمجمعات : الأفنيوز - برج الحمرا - 360 - سوق شرق - المارينا - الفنار - السالميه شارع سالم المبارك - مجمع زهره- السالميه القديمه - الحوش كله محلات چواتي أعزكم الله - الفروانيه الحمرا والعربيد- الكوت وأسواق فحيحيل .
المباركيه
وحياكم الله وإذا ذكرت شي بكتبه لكم

باذكر أشياء لم يذكرها الاعضاء والعضوات الكرام
المطاعم كثيرة ومنها:
ميس الغانم على شارع الخليج العربي
برج الحمام على البحر ونسيت والله أي مكان!!!
مطعم روبي تيوزدي على شارع الخليج ويطل على البحر
فيه مطعم بسوق الجمعة شعبي ومختص بالفطائر متواضع جدا
ومثل ما قالوا لك فوق
فريج صويلح لاتخلينه
بالنسبة لأماكن التسوق
طبعا
سوق الجمعة
وفيه سوق حلو في الفحيحيل اسمه (الكوت مول)
عالم البحار لاتخلينه (متحف واكواريوم رهيب)
طبعا أنتم يالسيدات تدورون المشاغل (الصوالين)
فلا تتعدين السالمية
ان شاء الله أكون أفدتك