بريطانيا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
دحوم بريدة
13-12-2022 - 02:30 am
السلام عليكم أخواني .بعد اسبوع بإذن الله بأكون في بريطانيا (برايتون) لدراسة اللغة لمدة 4 شهر .
السؤال : إذا بغيت أهلي يحولون لي فلوس وأنا هناك وشلون ؟
أنا حسابي في بنك الراجحي وعندي بطاقة فيزا تسوق .
مبدأيا بحط بالفيزا مبلغ 1300 باوند ، ومبلغ 200 باوند باخذها كاش .
لو بغيت أهلي يحولون لي مبلغ معين يقدرون يحولونه على حسابي في الراجحي وانا أسحب من هناك ؟
انا سمعت انهم ياخذون عمولة كبيرة على كل سحبة .
طبعا هم بيحولون بالريال وانا اسحب بالباوند ما فيه شيء ممكن ينقص بسبب فرق العملة ؟
السؤال الأهم : لاقدر الله وماكينة الصراف بلعت البطاقة ، وش الحل في هذه الحالة ؟
وهل من نصيحة علشان اتجنب هذا الموضوع ؟
واعذروني طولت بس أول مرة أسافر أوروبا ولحالي
وشكرا لكم مقدماً


التعليقات (6)
iMahr
iMahr
لا عادي لاتخاف انا مثلك معي بطاقة الراجحي ومعي فيزا تسوق
جنبك في بورمث
على كل سحبه ياخذون 60 ريال , ماعليك الاتسحب على كل سحبه مبلغ كبير
عموما مادام معك الفيزا تسوق احسن لك وتحفظ فلوسك
انا ما اشيل معي كاش كل شي بالفيزا ادفعه ,
مرات اشيل 20 باوند =128 ريال
وقبل ماتسحب من الصرافه شف الشعارات مثل (فيزا, بلس) الي على البطاقه والي على الصرافه اذا تطابق بإمكانك تسحب
السؤال الأهم : لاقدر الله وماكينة الصراف بلعت البطاقة ، وش الحل في هذه الحالة ؟
انا مافيه صرافه الا وجربتها وحتى لو بلعت عندك الفيزا تقدر تسحب منها .
بالتوفيق..

دحوم بريدة
دحوم بريدة
الله يعطيك العافية طمنتني إجابة وافية وكافية ، الله يجزاك خير .
بالنسبة للفيزا انت وشلون تحول فلوسك للفيزا ؟
انا احولها عن طريق المباشر للأفراد لكن إذا سافرت وشلون ؟
لأنهم يرسلون رمز التأكيد على الرقم السعودي ؟
الله يعطيك العافية .

iMahr
iMahr
ايه احول عن طريق الانترنت
لازم يكون رقمك السعودي معك عشان تقدر تدخل رقم السري حق المباشر بالانترنت وبس
وعيش يابطل الامور سهالات.

فارس الجبيل
فارس الجبيل
هلا والله بالدحمي هاو ار يو ماي فرند ههه
اجل انجليزي وش عليك من قدك بتروح برايتون وتستمتع ان شاء الله بالاجواء الزينة
الله يوفقك ويسعدك يالسمي
اي خدمة او استفسار حاضرين وبالشوفه ماقصر الاخ ماهر بيض الله وجهه

دحوم بريدة
دحوم بريدة
الله يجزاك خير ماهر ما قصرت يالغلا :*

دحوم بريدة
دحوم بريدة
فارس ههه
الله يجزاك خير ما تقصرون انت والإخوان


خصم يصل إلى 25%