ايطاليا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
salehbinali
12-12-2022 - 06:08 am
السلام عليكم ورحمة الله وبركاته انا حجزت الى ايطاليا ب 28 مارس
الى روما ومدة رحلتي 12 يوم وبطلع لباريس اخر ثلاث ايام وبرجع للرياض من باريس وما ادري من وين اروح لباريس هل من روما او فينسيا او ميلانو
طالع شهر عسل ان شاء الله
ياليت يا اخوان جدول مناسب للاماكن
وكيف اقص التذاكر لو بطلع لباريس
وكم يوم اجلس بروما وميلانو وفينسيا البندقيه
هل الميزانيه 30 الف تكفي ؟
اول مره اطلع ل اوروبا ولغي الانجليزيه لكم عليها
وش تنصحوني اسوي بالضبط ب 12 يوم\
والله تعبت ساعدوني الله يجزاكم خير
او تنصحوني اروح من ايطاليا للنمسا واكنسل باريس او اروح لهم كلهم
تكفون الفزعه الله يرضالي عليكم جميعا
ابي لا هنتو تريب للسفره جعل والديكم للجنه
بعتمد على الله ثم عليكم
لكم جزيل الدعاء


التعليقات (6)
أم عيوني
أم عيوني
السلام عليكم
يمكنكم زيارة موضوعي جداول ومخططات لشهر العسل ..
الميزانية بإذن الله كافية
لكن احسب حجوزات الفنادق بحيث لا تتعدى 10 الاف ..

مقدام
مقدام
ما قصرت المميزة ام عيوني
وبعطيك كذا مقترح واختار اللي يناسبك منها
الاول ,, روما 2 - فلورانس 2 - البندقية 2 - ميلان 3 ,, ومنها طيران الى باريس
الثاني ,, روما يومين - فلورانس 3 - سيرموني 3 - ميلان يومين
من سيرموني تزورون البندقية وفيرونا وحديقة جاردا لاند
وهذا الجدول الافضل تكون عندكم سيارة وتستأجرونها اخر يوم في روما وتسلمونها عند الوصول الى ميلان
الثالث ,, روما 3 ايام - البندقية يومين - ميلان 4 ايام
ومن ميلان ممكن تزورون حديقة الالعاب جاردا لاند وتبعد ساعه ونصف بالقطار تقريبا
وايضا تزورون كومو ولوجانو
ومن وجهة نظري تلغون النمسا من المخطط لان الجو بيكون بارد فيها وتكتفون بزيارة باريس
وبالتوفيق

salehbinali
salehbinali
أم عيوني
يا جعلك للجنه

salehbinali
salehbinali
مقدام
الله يجزاك خير ان شاء الله اخوي بخلي السفره ان شاء الله لايطاليا بس ،،،،الطياره بتنزل بروما وبجلس كذا يوم وبعدين فينسيا وبعدين ميلانو؟تقترح افضل كذا اخوي ،،معليش بتعبك شوي معي بالنسبه للفنادق اللي بروما وفينسيا ويميلانو وش تنصحني فيها ودي اتنقل بالمترو افضل

مقدام
مقدام
المخطط بهذي الطريقة بحيث تسكنون في ثلاث مدن
روما - البندقية - ميلان
البندقية يوم او يومين تكفيها طبعا على حسب برنامجكم فيها
ومن ميلان ممكن تزرورن حديقة العاب جاردا لاند وكومو ولوجانو واوت لت سيرفالي
افضل اماكن السكن
روما ,, بالقرب من المدرج الاسباني
البندقية ,, بالقرب من ساحة سان ماركو
ميلان ,, بالقرب من ساحة الدومو
وبالتوفيق

salehbinali
salehbinali
مقدام
الله يعطيك العافيه للاسف ما حصلت بنفس اليوم لروما واضطريت احجز لميلانو والرجعه برضو من ميلانو وافكر ما اروح لروما عشان المسافه قلت اروح للبندقيه وزي ما قلت اروح لجاردا والاشياء القريبه لميلانو بس المشكله بالتنقلات بالمترو والفنادق بتتعبني شوي اذا عندك اقتراح لاهنت


خصم يصل إلى 25%