البحرين المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
علووش المنفووش
14-12-2022 - 07:58 am
آلسلآم عليكم ورحمه آلله وبركآته
يآ أخوآن نويت أخذ إجازه خفيفه من آلدوآم وأطلع أنا وزوجتي للشرقيه مع آلأجوآء آلطيبه هذي ,,
وأنا ككنت نآوي على دبي بس هآ آلفتره آلأسعآر طآيره من سكن وطيرآن ،
فقلت دآمني وصلت آلشرقيه خليني أنقز يومين للبحرين نتفرج سينمآ ونتمشى ونلفلف شويتين ،،
أول ششئ هل تنصحوني أسكن في آلبحرين ولآ خلآص أطلع كل يوم من فندقي في الشرقيه
ولو تنصحوني بالسكن أبي لآهنتم فندق حلو وقريب من الستي سنتر أو السيف
ثآني شئ أبي جدول محتررم لمدة يومين أو 3 ويششمل ( كوفي فيه معسسلآت + سينمآ + أماكن تستحق الزياره وتككون شعبيه زي منطقه آلبلد في جده ، أبي سوق يبيع جلاليب نسائيه )
ودمتم سآلمين ..


التعليقات (9)
علووش المنفووش
علووش المنفووش
مآبووه أحد يرد علينآ

FANDA
FANDA
اهلًا بيك في البحرين
حلو تسكن يومين في البحرين كنوع من التغيير وتجنب زحمة الجسر
فندق رامي جراند جديد فاتح قبال السيف شوف تقرير مشرفتنا توبليرون عشان تاخذ تفاصيل عنه

mahmeed99
mahmeed99
  1. وعن الأماكن إللي ممكن زيارتها خلال هاليومين


وعليكم السلام ورحمة الله وبركاته
بالنسبة عن الفندق نفس ما قالت أختنا FANDA فندق رامي جراند جديد وسعره مقبول

وعن الأماكن إللي ممكن زيارتها خلال هاليومين

الكوفيهات، طبعاً ما عندي فكرة عن الأماكن إللي فيها شيشة (معسل) بس راح أعطيك عن الكوفيهات المعروفه في البحرين:
  • ليلو كافيه موجود في عدة أماكن بس أجربها لك بيكون الفرع الموجود في مجمع العالي
  • لو شكولا عند إشارة تقاطع السيف
  • كوفي شوبات في جزر أمواج مثل نادي الشاي (Tea Club) وأنغام بيروت وستاربكس وبعد فيه بس ما تحضرني اساميهم
  • الكوفي شوبات الموجودة في مجمعي السيف والستي سنتر
  • منطقة الرفاع فيوز فيها مجموعة من الكوفي شوبات قعدتهم حلوه وتستاهل منها دوم كافيه (Dome) وفي يمه اثنين بس ما أذكر اساميهم

وبالنسبة عن السينمات أفضل شي سينمات مجمع السيتي سنتر كبيرة وفيها أنواع منها العادية ومنها ال VIP
بالنسبة عن الأماكن الشعبية ممكن تزور سوق المحرق شعبي وفيه تلاقي كل شي تبغيه
بعد عندك سوق المنامة
وعندك بعض المطاعم الشعبية (تقدم أكل شعبي بس ستايلها جديد) منها مطعم زعفران في سوق المحرق وفي باب البحرين وفي قلعة الرفاع
مطعم فريج بن رشدان في ممشى دوحة عراد (ممشى على البحر بالقرب من مطار البحرين)
مطعم نصيف في باب البحرين، وفي مطعم شعبي في جزر أمواج
وعندك مطعم فيلا ماما في منطقة سار
وحياك الله في ديرتي وديرتك البحرين

علووش المنفووش
علووش المنفووش
آلله يجزآكم بالخير ياغالين ،،
بس أبي اسأل الاماكن هذي تنفع للعوائل ولا لآ

mahmeed99
mahmeed99
أي نعم تنفع للعوائل إلا مطعم أنغام بيروت القعده الخارجيه فيه المطلة على البحيرة رغم إن المنظر حلو إلا إن ريحة التدخين فيها تضيع هالمنظر الحلو، بس قعدته الداخلية جيدة

لورد الخبر
لورد الخبر
وعليكم السلام ورحمة الله وبركاتة
بتنورون البحرين بطلتكم وأتمنى لكم رحلة جميلة
ماقصروا اخواني mahmeed99 و FANDA كفو ووفوا ربي يعطيهم العافية
بالنسبة للإقامة فأنا أفضل أن يكون السكن في البحرين لتجنب زحام الجسر
وبالنسبة للإقامة فالأفضل ان تكون في ضاحية السيف وأرشح لك بجانب فندق رامي جراند أجنحة هاني سويتس الفندقية أو فندق هاني رويال

علووش المنفووش
علووش المنفووش
آلله يسعدكم جميع وينور دربكم وبصيرتكم ويبعد عيال الحرام عنكم
مآ قصرتوآ وآلله
بس مسساعدة بسيطة الحين أنا ما أدري كيف توزيع جدولها يعني وش الاشياء اللي قريبه من بعض
يعني لو أحد يبسطلي الموضوع ويحط لي الاماكن اللي قريبه من بعض من مطاعم ومحل معسل ولو ابي اسوي مساج
ومشككور مقدمآآ

mahmeed99
mahmeed99
هلا أخوي
منطقة السيف فيها:
  • مجمع سيتي سنتر
  • مجمع السيف
  • مجمع العالي
  • جزر الريف (فيها مطاعم وكوفي شوبات)

محافظة المحرق فيها:
  • سوق المحرق
  • جزر أمواج
  • ممشى دوحة عراد
  • منتزه الأمير خليفة

الرفاع فيها:
  • الرفاع فيوز
  • ذا ووك (The Walk) مكان حلو فيه مجموعة من المطاعم والكوفي شوبات وموقعه في منطقة بوكواره بالرفاع

المنامة فيها:
  • سوق المنامة
  • باب البحرين


علووش المنفووش
علووش المنفووش
يا شيخ يسسعدك ربي والله يحرم وجهك عن النار


خصم يصل إلى 25%