مكة المكرمة المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
توبليرون
12-10-2022 - 02:10 pm
مكة ...العشق الروحي
تقريرنا اليوم عن عمرتنا العائلية
انا وبوحسين والبنات وولدي مع زوجته
وكان في عرض 135 دينار كويتي مع السكن في فندق سويس هوتيل
بس لقينا العرض فل ومافي مكان
وقلنا بنشوف حجز بروحنا بس اوقات الطيران كلش مو حلووة
وقلنا خل نجدم الايام وخليناه من الاربعاء بدل الخميس
وقالت الموظفه اي في عرض
وشفنا اوقات الطيران طلع انسب شي لنا الطيران السعودي
يطير من الكويت الساعه 4 الا ربع العصر
ومن جدة الى الكويت الجمعة الساعة 6 ونص المساء
اتفقنا على الطيران وجا اتفاق الفندق سويس هوتيل مافي مجال
وقلنا لها الفيرمونت قالت يطلع اغلى
وحجزنا على الموفنبيك وطلع السعر اغلى
غرفتين مزدوجتين بسعر الشخص 180
لاربع اشخاص
و3 اشخاص ب165 غرفة ثلاثية ...
الاسعار مو متأكدة بالضبط بس طلع الكلفة كلها 1250 دينار
قال بوحسين يلا حجزي وحجزت الموظفة لنا
وهذه تذكرة الطيران

وهذا الفندق

وحان وقت السفر
والشوق لمكة فاضح
وكان في هذا التاريخ المميز

قربنا من المطار

والمغادروون

هذا المكان يمكن 10 صور ههه
وهذه اخرها

نزلنا ابوحسين وراح يوقف السيارة بالمواقف
بعد ما رجعنا اخذوا منه 12 دينار للي حاب يعرف تكلفة المواقف لثلاثة ايام
دخلنا المطار لكاونتر الطيران السعودي
وقال وين عايلة فلان اللي هم احنا
وقال كم شنطة قلنا 6 لاني انا وبوحسين بشنطة
سلم بنتي البوردينغ ورحنا ........للعلم الطيران السعودي
من بوابة خارجية قريبة من المدخل الرئيسي للمطار
ومشينا لحد داخل لبداية البوابات دخلنا وعند الكاونتر قال 6 تذاكر قلنا لا قال بس 6
واللي مو موجود البوردينغ له هو هو المحروسة انا
ليش يا بابا ......وقالت الموظفة لازم تروحون تاخذون البوردينغ من الطيران السعودي
ورجعنا انا وولدي وما سمحوا له يطلع الا بورقة
راح جاب الورقة ونرجع للمدخل ومنه للطيران السعودي
بس وصلنا عنده قلت له تعبتني يا ولد ههه
ليش يعني اسمي غير شنو يعني ههه
دايما حظي مو شي .......الحمدلله على كل حال
وهذه الصورة قبل لا ندخل البوابات اول مرة
كنت مستانسة

وهني بعد ما رحت صليت بالمصلى واللي كان مزحوم من المعتمرات لان
معانا رحلتين لجمعيتين من الكويت
بس مو كلهم بطيارتنا لا
واللي صادف ان وحدة جمعيتنا اللي مساهمين فيها
بس ما يعطونا خبر دايما ....وعاد استلمناهم بالحش ليش ما يدقون علينا
وبس حق الانتخابات لمصلحتهم يدقون
واذا في شي لمصلحتنا ما عرفونا بس حق ربعهم وبوحسين خلاص سكتوا
خلوهم عنكم انتو رايحين تعمرون لا تخترب عمرتكم
قلنا خلاص خليها على الله
وهني شرينا ماي وكاكاو على ما يفتحوو
البوابة

ركبنا الطيارة وعلى ما يقعدون المسافرين
عطوني كاكاوة فيروورو

وهذه حركة المطار

وتحركت الطيارة
وشفت الورد قلت بصوره

شووفووه

ومنظر الشمس عجيب مع انعكاس كأنها لؤلؤة

والغيوم

قدمووا الوجبة

الحلوو بقلاوة

الشاي

الوان الغروب....والفاصل بين السماء والارض

الحين صور بنتي دانة

وهذه انا مصورتني دانه وانا اصور

نرجع لتصويري
الشاشات للمسافة

شوفوو الالوان سبحان الله

ودخلنا بوسط السحاب علشان ننزل

وهذه جدة غير

ووطبت الطيارة

تابعه لفريق سكاي تيم

صورة وحيدة بالمطار لانه المطار متروس عوايل
ولدي بكاميرة زوجته

وهني أخذنا سيارة أجرة
ورحنا لمكة اعتقد ب150 ريال
صور من الطريق

وهني محاولة فاشلة لتصوير برج الساعه من الشارع

من الطريق تصوير بنيتنا الجديدة زوجة ولدي

وراح نتابع بعد ما نوصل للفندق
خليكم معاي


التعليقات (9)
توبليرون
توبليرون
ونكمل معاكم
وصلنا للمواقف في النفق وبوابة الموفنبيك

عملنا التشيك ان السريع
وكمان خلانا في طابق واحد وغرفنا يم بعض
وكنا متخوفين من الاستقبال يقطنا كل غرفة بدور
مثل قبل كم سنه وعاند معانا ليش بغيناهم يم بعض
أشكر الأخ فادي سعودي الجنسية على حسن اداءه وسرعته في انهاء التشيك ان
اي وأخذ منا تأمين 1000 ريال مع ان الغرفة 500 ريال بس
قال ابي بس 1000
جداا شخص عارف كيف يستقبل المعتمرين بنفس حلوة وسرعة في التشيك ان
الشاي المغربي كان في استقبالنا

برج هاجر

نسيت اقول لكم اننا احنا بالطابق 28 بعد ال11 اللي فيه الريسبشن
مال الفندق

غرفتنا

الأضاءة خفيفة

اضاءة فلاش الأيفون

بوحسين مستعيل يقول يلا
قلت له انا جاهزة بس بنتعشى اول

اكمل تصوير لحد ما يجهزون الربع

إطلالة الغرفة

القهوة والشاي

تكرمون الحمام

طاولة الاوتي والاوتي......الاوتي مربوط بالطاولة بواير لوللبي
وغرفة ولدي ماكان فيها طاولة اوتي ......اخذوا اللي عندي ورجعوها بعدين

الخزنة

وادوات الخياطة وادوات للحذاء

الكبت والممر للغرفة

يعني المطبخ الصغير

باب بين غرفتنا وغرفة البنات طلبنا يفتحونه بس
ما افتحووه

التلفون وفيه الاستقبال بالأسم

غرفة البنات ثلاثية

مكان للانتظار عند المصاعد

هذا يطلعنا على مصاعد السوق

وللحين بوحسين ينطر الربع

تجمعوا الربع ورحنا اول شي ناكل لانهم ياعو
وما يصير ما نخليهم ياكلون بعدين يطيحون علينا
صورت بس هالصورتين

وإلى

تابعوني
خليكم قريب

ابوحمد.
ابوحمد.
بدايه حلوه تقبل الله طاعتكم
متابعين معاج

توبليرون
توبليرون
mr.q8
منا ومنك صالح الاعمال
شكراا لمرورك يا مسترنا
وان شاءالله الباجي اجمل

Usas
Usas
بداية جميلة وتقبل الله طاعتكم
متابعين ياام حسين ,,,

توبليرون
توبليرون
Usas
تقبل الله منا ومنك صالح الاعمال يابو عبدالله
وجزاك الله خير على التشجيع المستمر

طارق عنايات
طارق عنايات
تقبل الله طاعتكم
عمرة مقبولة ان شاء الله
تفرحين بأولاد ابنك حسين ان شاء الله
بداية رائعة وصور وافية وكافية
متابع معاك بانتظار تتمة التقرير
دمت بخير

ام هلاله
ام هلاله
تقبل الله منكم صالح الاعمال
عن جد الاسعار مبالغ فيها الله يعوضكم وان شاء الله دوم الروحه لها
وحابه اقول لك شئ
انت وردة المنتدى صدقا والله لما اشوف لم موضوع اشعر براحه
وانا من زمان اتابع مواضيعك بس ما كنت ارد
حابه اقول لك شي اني احبك بالله
,,,,
,خليلك اهلك وزوجك ويحفظك ن كل مكروه

oceanus
oceanus
الحمد لله على سلامة الاسفار
عمره مقبولة ان شاء الله
اختياركم موفق للفندق ..
وماشاء الله قدومكم كان في فترة شوي باردة ..
ومعاك يام حسين

تونسية متنقلة
تونسية متنقلة
الحمد الله على السلامة أختي أم حسين
عمرة مقبولة وسعي مشكور وذنب مغفور إن شاء الله
تقبل الله طاعتكم بإذنه تعالى
متابعة معك التقرير الجميل . ولا أوصيك كثري من التفاصيل والصور
مودتي


خصم يصل إلى 25%