بشرى سارة لكافة اعضاء ورواد منتدى العرب المسافرون حيث تعود إليكم من جديد بعد التوقف من قبل منتديات ياهوو مكتوب ، ونود ان نعلمكم اننا قد انتقلنا على نطاق arTravelers.com
وهو النطاق الوحيد الذي يمتلك حق نشر كافة المشاركات والمواضيع السابقة على منتديات ياهوو مكتوب وقد تم نشر 400,000 ألف موضوع 3,500,000 مليون مشاركة وأكثر من 10,000,000 مليون صورة ما يقرب من 30,000 ألف GB من المرفقات وهي إجمالي محتويات العرب المسافرون للاستفادة منها والتفاعل معها كحق اساسي لكل عضو قام بتأسيس هذا المحتوى على الانترنت العربي بغرض الفائدة.

لمزيد من التفاصيل يمكنكم مراسلتنا من خلال نموذح الاتصال, العرب المسافرون على Facebook



مداوي الجروح مداوي الجروح
تعرف على اللهجة الحجازية
24-06-2014 - 09:26 am


حبايبي حبيت أنقل لكم موضوع عن اللهجة الحجازية حابب أعرفها لكم :101: واتمنى تعجبكم
....تاريخ اللهجه الحجازيه ....
هي لهجة أهل المنطقة الغربية في السعودية وتتمركز بالذات في مكه وجده والمدينة والمدن القريبة منها اكثر من باقي المدن اللي في الغربية وهي لهجة تأخذ من اللهجة البدوية و اللهجة المصرية ولكنها تميل الى المصرية والسبب انه ايام العثمانيين كان فيها مصارية كتير قد الجبل
وطبعا تختلف لهجة العجايز عن الجيل الحاضر ..
لهجة العجايز تحسوها معتقة ومصطلحاتها القديمة ما تنفهم وما يستخدموها الا عتقية البلد اما الشباب حقون دحين ما عاد صار يستخدموها . وكمان ما ننسى ان اللهجة الحجازية فيها الكثير من الأمثال القيمة
....مصطلحات حجازية ....
في كثير من المصطلحات الحجازية اللي من الصعب انو اي واحد غير حجازي يفهمها واتفضلوا هذي بعضها :
ما لي دعوة ... اللي ما يفهم و لا اللي يقرأ غلط .......أخلي مسؤوليتي
قوام = بسرعة
حُقْ =علبه
بلكن = يمكن
أقيس = أظن
دحين= الآن ..
الديقيسي = غرفة في السطح (وفي روايه اخرى) الفراغ اللي تحت الدرج أو المخزن
مصرفد = مستعجل
دولا أو دُولْ =هؤلاء أو هم
أمزع رقبتك=سبه
داير مدار أو داير مايدور = حولين الشيء
دغري = على طول
امصع أدنك=يعني أجرها
مخمج = معفن
جغمه = تقريبا شفطه أو رشفه من الشراب
وي=للتعجب
الدحديرة = النزلة
ناولني = أعطيني
ازهملي= نادي لي
زنبيل = الكيس
منضره = نظاره
يواد=ياولد
الصمرقع = الجنان
وخرلو = ابتعد عنه
اشبك=ماذا بك
سكر المحل = قفل
بسط المحل = فتح
سيبوا=اتركه
أندر = اخرج
أفرشك فرش=أضربك ضرب
حزر فزر = يعني توقع
محزقر= ضيق
قُصرو = اختصار الشيء
دحلسة= تملق وتقرب لأخذ شئ ما
ايشكلو = إيش هوا
عبال = إلى أن
بطران = ما يحمد ربه
زهمني = ناداني
مقرحف = ناشف زي لما تقول العيش زي وجهك مقرحف
اتشعبط = أتسلق
متاقه = أخت مجاغه= واحد دمه ثقيل
اتاري = لها معنيين الأول كمبيوتروالتاني لما يقولك آآآآآه اتاري الهرجه كداااااا
بحلقت=فتحت عيني بقوة
قِر=اهجد
فارقي=انقلعي_ روحي
كدش = الشعر الكثيف المخربط
مخدة=وساده
أقيد الرقم = اسجله
ما بلعتو من زور = ما عجبني
اهبدك الين أجدد إيمانك = تهديد عنيف
يتتريق : يستهزء
اللغوصة : نقل الكلام وتسبيب المشاكل
الدحلسة : اذا كنت بتتمصلح مع واحد عشان تبغى منه شي تقول يدحلس
كُندرة = جزمة ( الله يكرمكم)
مجاغه = يعني إنسان ثقيل دم لكيع :109:
كرُت = فستان

....أمثال حجازية ....
إذا جيت رايح كتر من الفضايح.
بعد ما أكل واتكا قال ريحته مستكا .
حاجه ما تهمك وصي عليها جوز أمك.
ست وجاريتين على قلي بيضتين.
أعمى ويلضم خرز.
دلع الكبار زي الشقدف على الحمار.
اللي ماله أم حاله يغم.
كنس بيتك ورشُو ما تدري مين يخشو.
كل حبه مسوسه لها كيال أعور.
على قد زيتوا سرجلوا.
الخايبه تتعلق بالحبال الدايبه.
عقربه في الغار ولا ضره في الدار.
خاتم بفصو وكل شي ترصوا.
أهري وانكتي يا جاره وأنا ثابته زي العماره.

....القاب حجازية ....
في الحجاز وخصوصا مكه في اسماء يعطوها كنيه او لقب ... وهذي بعضها :
عبدالرحمن : الوجيه ...<<<ياناااااااااااسوو عليه
عمر : أبوسراج
حسن : أبو على
حسين : أبو هلال
عبدالله : عبادي او ابو عابد
عبد الرحيم : أبو رحمه
فيصل : أبو عبدالله
عبد العزيز : عزيز أو ابوسعود
فاطمة : فتو
مريم : منّة
ابراهيم : أبو خليل
علي : أبو حسين
أتمنى أنكم أستفدتم وعرفتوا اللهجة :36_1_13: :smile125: آآآآه الله يرحم أيام زمااااااااان
وتحياتي لكم
مداوي الجروح - جدة





المشاركات

صــقــر صــقــر
تعرف على اللهجة الحجازية


مشكووووووووووووووووووووور اخوي على هالموضوع الحلو..

فعلا اللهجة الحجازية لهجة لذيذة..واستمتع مررررررررة اذا سمعتها


محبكم احمد محبكم احمد
تعرف على اللهجة الحجازية


حقيقة فيها قرب من عدة لهجات بس حاوة هذا الكورس وما قصرت اخي وبارك الله فيك


ناسس ناسس
تعرف على اللهجة الحجازية


مجهود رائع منك اخي لكن اعتقد طاش ما طاش تناولها بصورة سيئة


نسيم الشرق نسيم الشرق
تعرف على اللهجة الحجازية


مشكوووووووووووور حبيبي :24:

تصدق دحين ما صرنا نسمع هاذي الكلمات ولا حتى الامثال بل للاسف صرنا نستورد امثال من غير بيئتنا الحجازية

احنا لازم نسوي معهد لتعليم اللهجة الحجازية لاي واحد يبغى يعيش في الحجاز:ranting2: حتى نفرض عليه لهجتنا واذا مو عاجبه يشرب من موية البحر او نهبده :109:


بارك الله فيك

تحياتي:101:


نسيم الشرق نسيم الشرق
تعرف على اللهجة الحجازية


على فكرة اخي ناسس

وانت الصادق طاش ما طاش تناول اهل الحجاز بالاساءة والسخرية المتعمدة
وصدقني اهل الحجاز اعترضوا على الاساءة ولكن يبدو ان بعض المتعصبين ومنهم مسؤولين ناسبهم الوضع
ولكن تظل الحجاز شامخة شموخ الجبال ويظل الصغار صغارا بين الحفر


aboaziz aboaziz
تعرف على اللهجة الحجازية


العفو "رد" مكرر


aboaziz aboaziz
تعرف على اللهجة الحجازية



مداوي الجروح :x1: يسلموا على هذا الموضوع الجميل:x1:


صحيح إني أنا من سكان جدة لكن ليس من أهلها:)

ولكن للهجة الحجازية نكهة خاصة مميزة

و أكثر ما يعجبني هي أمثالهم الغريبة والمضحكة والتي فيها مغزى

وهذه بعض الأمثال الجداوية القديمة مع شرح لمفرداتها

*إذا حلقوا لغيرك بل راسك وأستنا

*إيش عرف الحمير بأكل الزنجبيل

*حاجه ماتهمك وصي عليها جوز أمك

*ست وجاريتين على قلي بيضتين

*إذا تعاندوا الحمير يابخت الركاب

*أعمى ويلضم خرز

*حبيبك يمضغلك الزلط وعدوك يعدلك الغلط

*حمارتك العرجا تغنيك عن سؤال اللئيم

*دلع الكبار زي الشقدف على الحمار

*ياريتني بيضه وعرجه أصلوا البياض فرجه

*من محبته في عبيدو جعل العمر والرزق بيدو

*اللي ماله ام حاله يغم

*كنس بيتك ورشو ماتدري مين يخشو

*مين في حالك يالي في الظلام تغمز

*على قد زيتوا سرجلوا

*الخايبه تتعلق بالحبال الدايب

*عقربه في الغار ولا ضره في الدار

*الصرمه والقبقاب صارو اصحاب

*يا داق الموية في المهراس يا مربي وليد الناس

*أكلو ملوخيه وصاروا أفنديه

*يقطع الخل عالخردل على بياع المخلل

*ألف سبه ماتشق توب

*اهل البيت صبروا والمعزين فكرو

*وقت الكباب صكوا الباب وقت الملوخيه أجمعوا الأهليه

*إلا ما يحطك فوق راسه تاج لا تحطه في رجلك شبشب

*حزمة كرات ولا صنيعه نخولي

*سوي الخير وأرميه في بحر جاري...إذا ما تمر مع المخلوق يتمر مع الباري

*مال ماتتعب عليه يروح ما تندم عليه



معاني الكلمات:

*الدقديق:البطانيه
*كرويته:كرسي خشب كبير
*اللنقطه:حلاوه قديمه
*الدقيسي:مكان تحت الدرج
*المرمشه:نهش ما على العظام من بقايا اللحم
*زبلحه:التوقح في الكلام
*العكننه:إثاره شخص لإخر
*الدردبه:الدحرجه
*اللغوصه:نقل الكلام
*اتلسلس:تباطأ
*تتكصوع:تتمايل في مشيتها
*جاعوره:البكاء بصوت عال
*حسكل:كيس من الجلد يستخدم لحفظ النقود
*حرمصه:دخول مكان ضيق نفسك تشوف إيش جوة

مع تحياتي:


[glint]Aboaziz[/glint]


bagher bagher
تعرف على اللهجة الحجازية


ماشاء تبارك الله على جده ام الرخا والشدة .
بارك الله فيكم وفقتم كثير في الحصول على مفردات اللهجة الحجازية .

من الامثلة الشعبية الي كنت اسمع الوالدة الله يعطيها العافية تقولها :

بنى وعلا وراح خلا .

ربي ياخايبة للغايبة .


dnger dnger
تعرف على اللهجة الحجازية


مشكور أخوي مداوي الجروح
وياليت تدورلي سكن عندكم :109:



يمكنك فتح موضوع جديد للمناقشة او الاستفسار والمشاركة.

احجز الفندق بأعلى خصم:
خصم يصل إلى 25%

Share

تعرف على اللهجة الحجازية