- ثانيا
السلام عليكم
اخواني اخواتي رحلتي ماباقي عليها غير كم يوم
اولا وهو اهم استفسار بالنسبه لي
انا فكرت استأجر سياره من المطار تبقى معاي ليوم الرجعه بس فيه ناس قالتلي لازم رخصه دوليه هذي من وين اطلعها بالسعوديه ؟؟ من ادارة الرخص ولا مكتب سياحي ؟؟ ولا هالرخصه اللي معاي من السعوديه تكفي ؟؟
ولا ماله داعي بما اني لحالي استأجر سياره واروح مراكش بالقطار ومن هناك اشتغل عالتكاسي ؟
ولا تعطوني رقم سائق ويكون دليل سياحي واتعامل معاه احسن ؟
واذا بغيت اروح بتاكسي لمراكش اقصى شي كم ادفع اجره ؟؟ 1000 درهم كثيره ولا قليله عليه ؟؟
لاهنتم وفضلا لا امرا جاوبو على استفساري واعطوني نصايحكم بعدها من ناحية استأجر او لا ,
ثانيا
رحلتي 10 عشر ايام الميزانيه 15 الف سعودي و حاليا لوحدي وممكن يجي معاي صاحبي اخينا بالله للحين ماقرر المهم ابغى اخلي فترة اقامتي مابين مراكش واغادير واخر يومين كازا ,, تنصحوني اغلب الايام اقضيها بمراكش ولا اغادير ؟؟ وافكر اروح مدينة افران عشان الثلوج واجواء الشتاء بس سمعت ان منطقه اوكيمدن فيها ثلج وحلوه وربما تكفي ولا اروح افران لانها احلى بالشتاء ؟؟ واذا لازم امر افران على طريق ايش وكم تبعد عن مراكش ؟؟
بالنسبه لبنك الشعبي عادي وبكل سهوله افتح حساب عندهم لاوصلت المغرب ؟ لاني ناوي اخذ فلوسي كاش بجيبي وهل المطار لاوصلت يسويلي زحمه عالمبلغ ولا عادي ؟
بالنسبه للسكن انا ابغى شقه بمراكش او اغادير ما ابغى فندق وناس تمدح بالنخيل 3 وناس تذم وناس تقول منطقه امنه ومنطقه غير امنه ,, وانا تهت بحكم ماعندي خبره ,, الزبده تكفون ابغى سكن بحدود مابين 600 الى 800 ريال باليوم للكن سكن ارتاح فيه حيل حيل وما اشيل هم شي سواء بمراكش او اغادير اما كازا ادبر هذاك اليوم بأي فندق .
وفيه منتجع باغادير عالبحر اقدر استأجره يومين ؟؟ زي جده عندنا وكذا واذا فيه كم اسعارهم ؟؟
ثالثا ,, وش افضل شريحة اتصال وانترنت اشتريها من المطار لاوصلت بالسلامه ان شاء الله؟
رابعا ,, ابغى ارقام شقق وارقام سائقين ربما احتاجهم وربما لا بس للاحتياط بخزنها بجوالي وارسلو لنا لاهنتم عالخاص
وكأني قريت بموضوع عن بعض الكلمات اللي تستخدمها بالمطار لا استفزوك وحاولو يمصو دمك بكم قرش ياليت تعطوني هالكلمات لاني ناوي استخدمها كثير
فيه موضوع الرحله الشبابيه للاراضي المغربيه عجبني المنتجع اللي استأجروه ايش اسمه ؟؟
هذا رابط الموضوع
https://artravelers.com/p/re/830151 نسيت اهم شي ورجعت سويت تعديل عالموضوع
هل فيه اجرائات مطلوب اعملها من اول ما اوصل المطار ؟؟ يعني فيزا او رسوم الخ .,, واذا فيه كم المبلغ المطلوب عشان محد يضحك علي !!
وام تقريبا هذي اهم استفساراتي ولا جاء شي براسي برجعلكم
فتكم بعافيه
