Blue Angel
13-12-2022 - 05:59 am
السلام عليكم ورحمة الله وبركاته
حبيت أخذ استشارتكم ونصيحتكم ياأهل الخبره
انا مخطط في نهاية مارس اروح شهر عسل لمدة 12 يوم وبما ان الجو بارد في اوربا وانا مو من النوع ألي أحب البرد والثلوج وكذا,, احب الاجواء المعتدله والبارده نسبيا ف لقيت أدفى دوله هي اسبانيا ولكن بنت الحلال تريد يومين او ثلاثه في باريس وبعدها انا محتار في اسبانيا او ايطاليا
ابي نصحيتكم في ترتيب الجدول
وهل تنصحوني احجز تذاكر قبل استخراج الفيزا
وهل ميزانيه 18 ألف ريال تكفي هذه الرحله غير شامله التذاكر
وشكرآ جزيلا لكم
يعني الوصول برشلونه و المغادره من باريس مثلا
بما انها رحله شهر عسل فانا اقترح عليك عدم التنقل كثير يكفيكم باريس و برشلونه وحجزوا بفنادق ديزني خوذوا لكم يومين توسع الصدر و تصلح لكم كعرسان
واقتراحي يكون ست ايام لبرشلونه و سته لباريس اربعه منها بباريس و اثنين منها بديزني
بالنسبه للميزانيه انت اللي تحددها باختيارك للفنادق و نسبه صرفك اسبانيا بشكل عام رخيصه وتقدر تلقي فنادق كويسه باليوم بحدود 100 يورو
مبدايا ان شاءالله تكفيك
وبالنسبه للحجوزات افضل شيء تحجز من الان الفنادق لانها بيرتفع سعرها
و التذاكر ايضا لازم تحجزها قبل تروح تستخرج فيزا لانها من متطلبات الفيزا
وخلي باريس وجهتك الاولى عشان تستخرج منها الفيزا اسهل وافضل من الاسبانيه
انصحك بالحجز التذاكر بيناير على الخطوط القطريه بذاك الوقت تسوي تخفيض وتطلع لكم التذاكر بحدود 5000 للشخصين ذهاب واياب
لكن احجز موعد للسفاره من بدري حتى قبل حجز التذاكر
ونصيحتي لاتعتمد على مكتب انت رتب امورك بنفسك افضل
وبالتوفيق