السلام عليكم
اخواني الاعزاء
لايخفي عليكم بان الانترنت علي الهاتف اصبح شي من الضروريات في الحياة
في كل مره ازور الفلبين ما تعب نفسي
اروح اقرب مكتب للاتصالات واخليهم يبرمجون البطاقة لي
المهم
في اخر مره توهقت
وصلت اول يوم وما برمجة البطاقة سواء جديده او القديمه التي عندي
ونمت من العصر وما جلست الا الساعه 2 بليل
المهم كلمت الرسبشن عن النت قالو لي بفلوس
المهم سكرت منهم ونزلت تحت الفندق اتمشي قلت بذهب الي اي بقاله باخذ منهم بطاقه وشحن وبخليهم يضبطون لي التلفون
ورحت ولكن للاسف تبهدلت مع موضف البقاله طلع مايعرف شي
خلاني اشتري بطاقه جديده مع العلم باني عندي بطاقه من السفره التي قبل كنت محتفظ فيها
قال لي مايصير اخذ جديده وحط فيها لود (شحن) وبتشتغل
ومع المحاولات ما اشتغلت
قهرني وطلعت منه رحت مطعم وجلست فيه اكل شي كنت جوعان
وكان عندهم نت وشبكة مع النت وجلست ابحث عن طريقة برمجة الانترنت علي بطاقة غلوب
حصلت بعد عناء طويل
وهنا فكرت قلت خل اذا رجعت بكتب موضوع علشان
الشباب يشوفون الصور وبعرفون الطريقه بسهوله
اعذروني طولة السالفه وهي قصيره
هذا الموضوع خاص بشركة
globe.com.ph
اتصل علي هذا الرقم وبتطلع لك الخيارات
وباذن الله سوف تعمل معاك الخدمة
===========
هنا طريقة اسهل
ترسل مسج وتكتب فيه احتياجك
تكتب التالي :
يوم واحد
Supersurf50
خمسة ايام
Supersurf200
شهر
Supersurf999
وفي الختام اشكركم جزيل الشكر علي التكرم بمشاهدة الموضوع
