- صحيح النادي كان يمر بمرحلة ترميم خارجي بسيط بس مشى الحال
الاسبوع الفائت وجهت لي دعوه لحضور محاضرة تقام في النادي الثقافي الادبي بالدمام وفكرت اروح او ما اروح
خصوصا انه ماسبق لي زيارة النادي وماكنت متأكده من وجود قسم نسائي بالنادي مع ان الدعوه كان تشير الى وجود اماكن للسيدات .. وبعدها قلت خل اروح واشوف ومنها اتعرف على النادي .. وبالعكس انبسطت جداا لكوني حضرت المحاظره خصوصا انها قلبت فكرتي عن النادي رأسا على عقب
صحيح النادي كان يمر بمرحلة ترميم خارجي بسيط بس مشى الحال
كانت المحاظره الساعه 8.30 مساءً ووصلت الساعه 8.35 بالضبط وكنت خايفه تكون فاتتني بداية المحاظره لكن الحمدلله كانوا حاسبين حساب الي بيتأخرون وبدت تقريبا الساعه 8.45 وكانت عن الخيال العلمي العربي ومستقبله ..
هذي صورة النادي من الخارج وهو يقع على مدخل الدمام من جهه حي المثلث وعنوانه جدا سهل وبسرعه وصلت
هذي صوره المدخل وكان لسه يصبغون فيه والناس تدخل للمحاضره !! .. العرب يحبون اللمسات الاخيره تكون بحضور الضيوف
هذي صوره النادي من الداخل
هذي صوره لأصدارات النادي كانت معلقه على الجدار ومرقمه وتحتوي على تقريبا جميع اصداراته
وهذي لوحه معلقه تبين اصدارات النادي وموقعهم الالكتروني ومن الدرج نقدر ننزل لموقع المحاضره الخاص بالسيدات
هذي المنصه الي كانت جالسه عليها عريفة المحاضره وكانت همزة الوصل بين الحاضرات والمحاضر
هذي صوره لطريقة البث ويظهر فيها المحاظر وهو يلقي محاضرته وكانت ممتعه بصراحه
هذي صوره للمكان اللي كنا فيه عدد الحاضرات كان قليلاً نسبيا وطبعا ماصورتهم
وبعدها اخذت جولة في مكتبه النادي وكانت تحتوي على موجودات قيمه من الكتب
وحوالي الساعه العاشره مساءً انتهت المحاضره .. بعد عده مداخلات من الجانب الرجالي والنسائي واجابة المحاضر على مداخلاتهم ..
بصراحه استمتعت بحضور المحاضره وحبيت انكم تعيشون جو المحاضره معاي
يا
مثقف
ههه