ايطاليا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
مريومة-قطر
09-12-2022 - 04:07 am
السلام عليكم ورحمة الله تعالى وبركاته
أنا جديدة وهذا أول موضوع لي المرجو المساعده عندي شوية أسئلة لا هنتو لا تقولون ماقريت والله قريت وفريت المنتدى كله حتى المنتديات الانجليزية ماخليتها بس لأنه محمليني مسؤولية ترتيب الرحلة
رحلتي ان شاء الله من 10 اكتوبر
الدوحه-روما
الرجعه 18 اكتوبر
ميلان الدوحة
سعر التذاكر 9650 ريال
البرنامج ان شاء الله
من 10 الى 13 روما
من 13 الى 15 فلورنس
من 15 الى 18 ميلان
السؤال شرايكم في الجدول من خلال هالمدن ابي ازرو بيتزا فينيسيا دمول اوتليت ولوغانو هل يمديني اسوي هي كله من اي مدينه ازور وشو
مشكورن على المساعدات الله يجزيكم خير


التعليقات (9)
tab_el
tab_el
وعليكم السلام ورحمة الله وبركاته ..
هلا مريومه نورتي المنتدى ..
بيزا تقدرون تزورونها من فلورنس ..
وفينيسيا تقدرون تخلونها بعد فلورنس أو تخصصون لها يوم من ميلان مع العلم المشوار بيكون 5 ساعات تقريبا رايح جاي بالقطار ..
لوقانو ساعه بالقطار من ميلان .. تقدرون تخصصون لها زيارة
التسوق خلوه آخر شي بميلان ... عندكم الفوكس تاون قريب من لوقانو .. وفيه السيرفالي آوت لت .. تطلعون له بالباص من الدومو يحرك الساعة 10 الصبح ويرجع الساعه 5
لا تحاتين أي سؤال حنا بالخدمة ..

مريومة-قطر
مريومة-قطر
مشكورtab_el أخوي والله كنت أشوف انك تجاوب على طول على كل الاستفسارات بس قلت الله و أعلم حضي شلون بيكون
يعني في رايك مو بوايد الأماكن الي قلت ولا ألحق عادي
وتقسيمس للأيام على المدن أوكي ولا ؟
أنا قلت بودي شنطة وحده كبيرة عشان يسهل علي التنقل في القطار من المدن يعني ماودي الشنطة الصغيرة CABIN LUGGAGE بنت الشنطة الكبيرة مع اني ابي اصيح تدري ايطاليا بلد الفاشن خاطري اودي كل ملابسي شرايك ؟؟
وحجزت الفندق في روما وفلورنسا وباقي لي ميلان بكتب كل شي للناس للإستفادة بعدين
وسوري

مريومة-قطر
مريومة-قطر
يعني بالعربي (ماانعطى ويه ) ممكن تساعدني احط جدول وانا FLEXIBLE على الايام في كل مدينة بليز

tab_el
tab_el
الترتيب زين .. وثمان ايام ماتوقع بتحتاجين واجد

مريومة-قطر
مريومة-قطر
عشان قلنا فينيسيا يعني وايد مشهورة ويبيلها بس شكلي ماعندي وقت
الحين اذا تختار بين بيزا او فينيسيا بحكم تجربتك شنو تختار ؟؟
ولوغانو يبي لي يوم كامل يعني في اشياء اسويها في لوغانو ولا بتملل ؟؟
وشكرا وماقصرت أخوي وان شاء الله اخر سؤال

مريومة-قطر
مريومة-قطر
مريومة-قطر
شكلي بكنسل بيزا لأن كل الي فيها leaning tower وبروح فينيسيا من فلورنس شرايكم ؟؟ أي اقتراحات

tab_el
tab_el
لوقانو عندكم قرية سويسرا المصغرة حلوة وفيه جبل Bre وفيه جبل سالفاتور وعندكم السنتر لو حابين تتغدون وعندكم شارع via nassa فيه ماركات حلوة
فينيسيا حلوة اذا خاطركم فيها روحوا لها (خاصة لو معاريس) .. تاخذون لكم جولة بالجندول (القارب المائي) وعندكم ساحة سان ماركو (حلوة للسكن) ..

أم عيوني
أم عيوني
بسم الله الرحمن الرحيماخونا الفاضل كفى ووفى ..لكن اعطيكي رأي بسيط ..انا أرى أن فلورانس وبيزا ليس فيها لأي شئ مميز ! لو ما كان عندكم وقت ممكن تكنسلوها كلها من الفكرة ..لا أعني أنها لا تستحق الزيارة او ليست جميلة .لكن إذا كانت لديكم أيام قليلة ستضيع في التنقلات من مكان لآخر .اعرف الواحد يطمع يشوف كل شي وكل المدن ..لكن بكثرة المدن لا انتم رأيتم المدن التي زرتموها كلهاا وتنقلتم بها جيدا ولا انتم ركزتكم على مدينة او مدينتين واستمتعتم بها كاملة ..الله ييسر لكم السفر .. وان شااءالله تكون رحلة سعيدة

فيصل
فيصل
مريومة-قطر
وعليكم السلام ورحمه الله وبركاته
الله يوفقك يا شيخه
والله مبين من كلمه لا تقولون ماقريت والله قريت
ماقصر عبدالرحمن وام عيوني
ينقل للاستفسارات


خصم يصل إلى 25%