جاكرتا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
9N_
11-12-2022 - 03:29 pm
السلام عليكم ورحمة الله وبركاته
اكلمكم من قلب الحدث بونشاك
طبعاً رحلتي كانت بتاريخ 2013/09/30
كانت رحلتى ع الخطوط السعوديه
الساعه 12 يوم الاثنين
وكان توقيتهم دقيق
على طائرة بوينج 300 777
وقت الوصول كان الساعه 1 ظهراً
كان فيه شوي قروشه بخصوص استخراج الفيزا لان نسينا نكتب الاوراق
وخلصها لنا واحدمن موظفينهم و مشا امورنا ب 300 الف
المهم توجهنا الى فندق متنق 2
, كان وصولنا للفندق الساعه 4 العصر
طبعاً حجزنا 3 ايام بالفندق بقيمة 1.150.000
كان اول يوم في وصولنا صرف المبلغ اللي معنا بمبلغهم
سعر الصرف بالريال 3000روبيه
حلو مرتفع الصرف
طبعاً تعشينا في مطعم الجزيره تقيمي للمطعم 91%
بعدها رجعنا نانام
في اليوم الثاني كانت وجهتنا مدينة الألعاب دنيا فانتازي
يعجز عنها الوصف قمه الألعاب على مستوى العالم
و كان وصولنا لها الساعه 1 الظهر وطلعنا منها الساعه 6
و قيمة التذكره كانت 150 الف
لجميع اللاعاب
بعد ما انتهينا من دنيا فانتازي توجهنا
الى مطعم بندر جاكرتا المشهور بالاطعمه البحريه الشهيه
و بعدها ذهبنا للسكن
اكمل لكم تفاصيل لاحقاً
و اي استفسار انا حاظر


التعليقات (9)
AL-MosBah
AL-MosBah
الحمد لله على السلامة وأخبار جميلة .. شكراً على التواصل والله يحفظكم جميعاً ..
ما هو تقييمك للفندق !! ..

البرنس المسافر
البرنس المسافر
ما شاءالله والحمدالله على السلامه
ومن البداية في التقرير انها بداية شيقة وجميله
وننتظر تكملة يومياتك الاندونيسيه الجميله
سجل متابع بشغف ولا تحرمنا باضافة الصور
دمتم بود محبكم / البرنس المسافر

*ابولينا*
*ابولينا*
الحمدلله على السلامه بدايه رائعه
بأنتظار جديدك
دمت بكل خير

9N_
9N_
طبعاً تقيمي للفندق 4/10
كان ودي اظيف صور لكن اكتب يومياتي من الجوال لعدم وجود لاب توب معي
المهم اليوم الثالث من رحلتنا
سحبنا امها نومه الى العصر ههه
ف كانت تمشيتنا في شوارع جاكرتا
الى الساعه 9مساءً
بعدها توجهنا لمطعم الباشا تقيمي للمطعم 8/10
بعدها توجهنا للفندق
اليوم الرابع
ظهراً توجهنا الى بونشاك (الجبل)
اول ما وصلنها كانت الامطار بكثره شي خيال ما يصدق طبيعتها الا اللي يسافر لها
حتى لو شاف مقاطع او صور
يا جمالها
توجهنا الى منتجع كوتا بونقا
طبعاً تقيمي للمنتجع 9/10
جداً جميل من ناحية الامان وقلت الحشرات
واخذنا فيها فله
وجود wi.fi وسخانه للمويه لان اغلبية الفلل ما فيها سخانه
بتعطيها دبكه من برودة المويه
كان اجار الفله اليومي 600 الف
اخذنا سواق ب 400 الف
والخدامه ب 150 الف ريال
طبعاً اليوم الرابع في رحلتنا اللي هو اول يوم بالجبل كان اشترا
مستلزمات الرحله من رز وسكر وغيرها وكانت غاليه لانا نسينا العزبه
ورانا وهاذا اكبر غلط
المهم رجعنا نتعشى و نشوي دجاج
في ها المطر والاجواء اللي ينشرح صدرك لها
اليوم الخامس
كانت وجهتنا للبرشوت وصادف ها اليوم الجمعه
ذهبنا للصلاة يوم الجمعه في مسجد التعاون
بعدها طلعنا للبرشوت وهو قريب من المسجد
كان رسوم البرشوت 300 الف
لكن والله ممتع الي ما يجرب البرشوت هاذا ما استمتع ابدن بالرحله
طبعاً بعد البرشوت
اخذنا هذاك التيس اللي يحبه قلوبكم
وذهبنا للفله
وسوت لنا الخدامه هاذاك الغداء اللي يحبه قلبك
المهم بعدها توجهنا لشلال شيببوداس اعتقد هذا اسمه
وكان رحله ممتعه بين الشلالات والطبيعه الخلابه
يالله استاذنكم وراح اكمل باقي رحلتنا
في وقت لاحق

دامع الطرف
دامع الطرف
يعطيك الف عافية أخوي على التقرير الرائع خصوصاً وانه من قلب الحدث
بس عندي ملاحظة بسيطة انت تقول تاريخ الرحلة 30/10/2013 واحنا اليوم 06/10/2013
اكيد في خطاً مطبعي ...
المهم أخوي ياليت ما تنسى تكلمنا على السواق في الجبل اسمه ؟ ورقمه ؟
ولا تنسى كل التفاصيل ..
متابع بشوق

عاشق الرياض11
عاشق الرياض11
تقرير جميل ومختصر
ننتظر التكمله

فيصل
فيصل
دم الولهان عه
الف شكر لصاحب التقرير
وتم تعديل التاريخ

9N_
9N_
حياك اخوي دمعه الولهان اشكرك ع التنبيه
ايوا خطا مطبعي رحلتنا كانت 30/9/2013
طبعاً السواق اللي معنا تقيمي له 4/10
ما انصحك فيه يعني من سيارته وغيرها
طبعاً
نكمل لكم التفاصيل
تكملة اليوم الخامس
توجهنا الى الفله واشترينا بعض الاغراض
وبعدها وقت العشاء ومتابعت بعض الافلام
وبعدها نوم
اليوم السادس
اليوم هذا جميل
كانت وجهتنا الساعه 10:30 صباحاً
الى بحيرة جنقاري
لبعد مسافة الطريق
طبيعه لا توصف بالكلام ولا بالصور
ما تقدر تحس بطبيعتها الا اذا ذهبت لها
كان ركوب القارب 450 الف ويدور فيك البحيرة
طبعاً فيه مطعم عربي تقدر تستفسر عنه عن طريق صاحب القارب ويدلك عليه
تقيمي للمطعم 8/10
السمك يصيده لك من البحيره طازج جداً
كان الكيلو 150 الف مع الطبخ والرز
بعدها توجهنا ع القارب لجزيره كاملها كلها اشجار موز يعني
قم اكل لين يطلع من الموز من اذنك ههه
كان مدة الرحله على القارب 3 ساعات
المنظر جميل جداً
بعدها انتها برنامج رحلتنا اليوم السادس وتوجهنا
الى الفله ووصلنا بعد بداية الليل
المشكله قلنا ما راح نجوع وكلمنا الخدامه
قلت روحي للبيت
المهم جات الساعه 10 وبدا الجوع علينا
قال واحد من اخوياي نبي نشوي
المهم ولعنا الفحم وقطعنا اللحم وحطيناه في الشوايه
ودخلنا حق 5 دقايق الا امطرت ههه
وجينا نشوف اللحم الا طالع كانه لستك ههه
وبعد التعب ذا كله قلبنا الشغله جبن وقشطه
كان يوم ممتع جداً
وبعدها رجعنا ننام
اكمل لكم تفاصيل اليوم السابع
في وقت لاحق
اشوفكم ع خير واي استفسار تحت خدمتكم

9N_
9N_
الله يعطيك العافيه اخوي فيصل


خصم يصل إلى 25%