بشرى سارة لكافة اعضاء ورواد منتدى العرب المسافرون حيث تعود إليكم من جديد بعد التوقف من قبل منتديات ياهوو مكتوب ، ونود ان نعلمكم اننا قد انتقلنا على نطاق arTravelers.com
وهو النطاق الوحيد الذي يمتلك حق نشر كافة المشاركات والمواضيع السابقة على منتديات ياهوو مكتوب وقد تم نشر 400,000 ألف موضوع 3,500,000 مليون مشاركة وأكثر من 10,000,000 مليون صورة ما يقرب من 30,000 ألف GB من المرفقات وهي إجمالي محتويات العرب المسافرون للاستفادة منها والتفاعل معها كحق اساسي لكل عضو قام بتأسيس هذا المحتوى على الانترنت العربي بغرض الفائدة.

لمزيد من التفاصيل يمكنكم مراسلتنا من خلال نموذح الاتصال, العرب المسافرون على Facebook



mody sh mody sh
تقرير : رحله شبابية : vip :: بوكيت & بتايا & بانكوك ::
13-12-2014 - 09:47 am

السلام عليكم ورحمه الله وبركاته

هذا التقرير الاول لي بالمنتدى وان شاء الله ينال على اعجابكم

حبينا نكتشف الوجه السياحي لتايلند
طبيعه + مساج + تصفيه الذهن + التأمل + ممارسه الرياضات والالعاب اللتي لم نعتادها
نتعود عالمشي + نطبق اساليب حياه صحيه
النتيجه راح تكون
تغيير بالنفسيه وتجديد الطاقه وتعلم اطباع جديده من الدول اللي نزورها مثل بساطة اسيا

.......

لي فتره وانا افكر بكل التفاصيل
زي كذا بالزبط

وهالمره زادالعدد انا واصدقائي الثلاثه ومجموعنا اربعه شباب وطبعا انا المدير


اتفقت ان خط سير الرحله راح يكون الرياض
>بانكوك يوم
>بوكيت 7 ايام
> بتايا 7 ايام
> بانكوك يومين
وبعدها العوده للرياض

حطيت بوكيت الاول لاني كنت ابي اشوف شي جديد ومابي ارجع لبتايا لاني سبق وحفظتها حفظ
ولا المفروض العكس

مده الرحله : 16 يوم من بدايه يونيو
الميزانيه كانت 120 الف ريال سعودي للاربعه
وكنا نبيها vip بكل شي
وكل شخص ميزانيته 30 الف ريال بدون تسوق تقريباً
الخطوط الناقله هي : الخطوط الاماراتيه

انا وصديقي سعد كنا مخططين للرحله قبلها بشهر
وحجزنا عالخطوط الاماراتيه على الدرجه الاولى بسعر 14000 ريال سعودي وكسور لكل راكب

كانت رحلتنا الفجر من الرياض ودبي ترانزيت تقريبا ساعه ونصف
وصلنا دبي واستمتعنا شوي بالمطار
وجلسنا في كفي علامته هنكن لانه بجنب بوابه الطائره

طبعا كالعاده الاخوه الخليجيين لازم نتأخر ومانحسب للوقت حساب
مع اني دقيق جدا بكل شي لكن منبه الجوال مادق !!
وجينا للبوابه
وهم لهم ساعه ينادون
اول مادخلنا الطايره
جت مضيفه
قالت اكيد انتو عرب باسلوب مزح وقالت عشان كذا تاخرتوا !
ودتنا لمقاعدنا واللي كانت جنب بعض
وقلنا النوم كذا بيجي على اصوله وخصوصا لاننا مواصلين
طراز الطائره كان بوينق 777
طبعا حالتي الصحيه كانت سيئه
ماستمتعت وانعكس هالشي على نفسيتي بشكل
وقلبتها فرفره بالطايره كل شوي اقوم اطلق رجولي
الطايره ماكانت مليانه وسوالف مع هالمضيفين عشان انسى

وهذا محدثكم


والاخوه الجميلين بعد ماصحوا من النوم




ماكثرت صور لاني ماكنت رايق صراحه مع المضادات الحيويه اللي اخذها هدت حيلي
النظام الترفيهي حق طيران الامارات خراااافي
والخدمه خرااافيه وهذي اهم نقطه تميزهم



لي عوده ..

ان شاء الله نجد تفاعل منكم





المشاركات

Muallim Muallim
تقرير : رحله شبابية : vip :: بوكيت & بتايا & بانكوك ::


أولا حمد الله على سلامتك وماتشوف شر

وسجلني أول المتابعين

باين من التقرير إنه كامل الدسم خاصة بأسلوبك المشوق في السرد


حسن الحمادي1 حسن الحمادي1
تقرير : رحله شبابية : vip :: بوكيت & بتايا & بانكوك ::


الف الحمدلله علي سلامتكم
انطلاقة جميلة و رائعة لتقرير v.i.p لبلد الابتسامات تايلند
سجلني متابع
بارك الله فيكم ""


ABO-TALLAL ABO-TALLAL
تقرير : رحله شبابية : vip :: بوكيت & بتايا & بانكوك ::


الحمدالله على سلامتكم

سجلنا متابعين على الاولى

مقعد رقم 3


ولد_البحرين ولد_البحرين
تقرير : رحله شبابية : vip :: بوكيت & بتايا & بانكوك ::



بداية موفقة ،،

ننتظر تقريز مميز من شخص مميز ،،

وانضم لقافلة المتابعين ،،


*الفارس* *الفارس*
تقرير : رحله شبابية : vip :: بوكيت & بتايا & بانكوك ::


هلا هلا vip لو سمحت احجز مقعد 5 فى انتظار التفاصيل كل التفاصيل

تحياتى
من الموبايل


mody sh mody sh
تقرير : رحله شبابية : vip :: بوكيت & بتايا & بانكوك ::


يوم وطني سعيد للكل

اشكر الجميع على التفاعل الطيب منكم
وماحبيت اني ارد عشان ماياخذ الموضوع مساحات ردود غير مفيده للقاري
بس اتمنى انكم تاخذون وتعطون بالمشاركات

..................

طلعنا من الطايره ونزلنا المطار حسيت ان المطار فيه ريحه مقرفه
وانا مريض يعني الوضع قرف صراحه !

رحنا لتعبيه الفيز قلت مستحيل اعبي الفيزا ارخيت ريالي لتايلندي وضبط لنا الفيز
وتوجهنا للصاله
حجزنا رحله بالظهر على الطيران التايلندي ومالقينا درجه اولى على نفس الرحله
كان سعر التذكره من المطار ارخص من موقع النت !! بحوالي 700 بات !!

واخذت عن طريق شركه اقرب تكسي لفندق قريب من المطار
ماحبيت احجز واروح بوكيت بنفس اليوم
حبيت ادخل بوكيت وانا نايم زين ومنطلق وتشوف بوكيت وجزرها بالنهار



.............


ركبنا التكسي وكان فان
اخترت فندق قريب شوي من المطار بس مو مره
وهو Booking.com: فنادق Best Western Premier Sukhumvit , بانكوك, تايلاند - 488 آراء النزلاء . احجز فندقك الآن!#

بست ويسترن كان خيار سريع نوعا ما لان غرضنا الراحه شوي
وصلنا وريحنا بالفندق حق كم ساعه
وقالوا العيال لازم نطلع برا نتعشى
قلت اوكي نروح نتعشى بالنانا ونرجع ننام
طبعا هنا كانت الطامه
يوم وصلنا النانا لقيناها بوضع مقرف على ماهي مقرفه اصلا
صارت وجيه العيال كذا
صدمه عنيفه جدا
قرف وانحطاط بعض العالم الموجوده هناك !
وامطار خفيفه = روائح مقرفه بشكل غير طبيعي

هم اعتقدوا ان تايلند كلها كذا
في لحظتها قاعدين يفكرون انهم يغيرون الوجهه لاندنوسيا

لانهم في حاله صدمه الحين
هنا كانت غلطتي وكانت شنيعه بصراحه
قلت تعوذوا من ابليس وامشوا نتعشى
اخترت مطعم شهرزاد اللذيذ
والبرياني حقهم فعلا الذ والذ


ومابين الاكل كانوا متضايقين كثير من الوضع
قلت انا خلونا ناخذ فره عالشارع اللي قريب من النانا
وكان كله بارات طبعا جيت ابكحلها عميتها انا
يوم دخلنا الشارع شفنا الوضع اوصخ من اللي كان بالنانا !!
نقدر نقول زريبه حيوانات بدون ملابس

اخذنا اقرب تكسي ورجعنا للفندق
طبعا الشباب كانوا ماخذين وضعيه ال (بوذا) من اللي شافوه اليوم !
تمنيت اني ماسويت هالمصيبه
بس قلت لنفسي لا انشالله بكره بينبسطون
انا الخبير والمعلم مستحيل احد ماينبسط معي


...............

صحينا الصباح
وسويت القهوه العربيه الخطيره وافطرنا من المعلبات اللي جبتها من السعوديه
وبصراحه هالشي مهم جدا جدا بتايلند
خذلك معلبات مثل التونه والقشطه وجبنه سايله .. الخ
وراح تحتاجها كثييير هناك لان فطور فنادقهم 80% غير حلال

بعدها توجهنا للسبا حق الفندق وكان مساجهم رووووعه صراحه ماتوقعته

سوينا تشك اوت وعطونا اوراق وتقول روحوا للبار ويعطونكم عصير ببلاش
قلت لها بدري المفروض يوم دخلنا !
رحت البار وعطيتها
وسوت لنا عصير فرش اناناس مع زنجبيل طازج الطعم خطييييييييييير رووووعه مرره مرره
اتعب وانا اقول لذيذ مدري وش حطت بصراحه بس وعدت نفسي اني اجرب واخلط هالمزيج واشوف وش يطلعلي !

طلعنا عالمطار وركبنا الطايره عالتاي ايرويز
وفيه بعض الرحلات اسمها سمايل تاي
وتتميز بانها طيارات صغيره ونظيفه وجديده
لكنها مافيها درجه اولى او بزنس


وصلنا مطار بوكيت واللي تمنيت ان الحكومه تهتم فيه اكثر لان بوكيت وجهه مهمه ومعروفه
والمطار بنظري لايليق باسم بوكيت
اخذنا سياره خاصه
وانطلقنا للفندق

.........................


mody sh mody sh
تقرير : رحله شبابية : vip :: بوكيت & بتايا & بانكوك ::


......................

وصلنا الفندق
وكنت حريص جدا جدا بتفاصيل الرحله وخاصه الفنادق
لدرجه الوسوسه


اختياري لهالفندق هالمره كان له شروط
1- يكون الفندق يطل على منظر حلو او مسبح
2- فندق حيوي وغير كئيب
3- قريب من كل شي
4- فخم وحديث
ولقيت فندق the kee الرائع جدا
طبعا ماينفع للعوائل لانه قريب من شارع البنقلا ومو مناسب للي يحبون المناطق الهاديه

وهذي صوره اللوبي




طبعا لو تلاحضون اجواء الفندق اجواء شواطئ تصميم الفندق مثل ممراته
تحسسك انك بنادي وتحس انك منتعش




كان سعر الليله 350 ريال تقريبا للغرف اللي تطل عالمسبح

كل واحد فينا كانت له غرفه
الا انا وصاحبي احب اجواء المشاركه وماحد اقعد لحالي :6b08cdd459:
غرفه النوم


المطل من البلكونه المسبح كان كثير حيوي
وتحسك عايش فعلا وهذا اللي بغيته







دورات المياه ماكانت فيها خصوصيه شوي

كانت ابوابها كلها دواليب





رتبنا اغراضنا وعينا من الله خير

طبعا في ميزه بالفندق ان الغرفه فيها شاشه وكيبورد لاسلكي
للدخول على النت وانت على السرير وتصفح يوتيوب وكل مايخطر عبالك
اضافه جميله للفندق

نزلت محل المساج تحت بالفندق
حلفت اني اتمسج من اهل تايلند كلهم هالمره
صدق من قال انه ادمان



.....

...............


بعدها رحنا للباتونق وقت الغروب كان منضر جدا جميييل
اسمتعت بنظافه الشاطي وشاعريته مع انه بوسط منطقه حيويه
مزيج جدا جميل

بعدها توجهنا لمطعم القاهره وهو افضل مطعم بالنسبه لي
جدا جميل كانت فاتورتنا فيه كل مره بحوالي 4000 بات




ريحنا شوي
##################

واخذنا جوله جميله بالباتونق بتأني

ورجعنا الفندق ابتداءا ليوم جديد ومرتب اكثر واكثر




.............


nashmiotb nashmiotb
تقرير : رحله شبابية : vip :: بوكيت & بتايا & بانكوك ::


جميل استمر


Muallim Muallim
تقرير : رحله شبابية : vip :: بوكيت & بتايا & بانكوك ::


رحلة vip بكل المقاييس

منتظر تفاصيل أكثر وجنون أكثر

المسألة شبابية يعني جنون الباراشوت والدبابات والرحلات

ماشاء الله عليكم

واااااصل إبداعك



يمكنك فتح موضوع جديد للمناقشة او الاستفسار والمشاركة.

احجز الفندق بأعلى خصم:
خصم يصل إلى 25%

Share

تقرير : رحله شبابية : vip :: بوكيت & بتايا & بانكوك ::