الكويت المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
مدريدي2011
11-12-2022 - 11:48 pm
انا اخوكم المدريدي جايكم من السعودية وعندي استفسارات انا من اول مرة اجي الكويت بس من اول كنا نجي شباب وعزاب وماتفرق نروح وندور ونتاخر مو مشكلة هالمرة غير معي الوالدة لازم يكون كل شي مرتب علشان ماتزعل علينا الغالية المهم ياغالين اسئلتي :
1 مجمع النقرة وين صاير هل يستاهل الزيارة او لا
2 مطعم ريوق
3 هل يوجود محلات زي المخازن نسائية
4 ابي مطاعم شعبية وحلوة حق الشيبان تستاهل الزيارة
5 واخر شي ابي قهوة شيشة طيبية
المهم لايجين برشلوني متعصب يعطيني وصف ما اوقف الا في الاردن
بارك الله فيكم


التعليقات (6)
مدريدي2011
مدريدي2011
نسيت بعد ابي محلات تفصل ملابس رياضية ابي افصل لي ولدي

Usas
Usas
حياك الله
1 مجمع النقرة وين صاير هل يستاهل الزيارة او لا
فيه مجمع النقرة الشمالي والجنوبي (يفصل بينهم شارع) بحولي , اشوف المجمع قديم ومافيه شيء مميز
2 مطعم ريوق
جرب بزة بالافنيوز او فريج صويلح بالسالمية
3 هل يوجود محلات زي المخازن نسائية
الاخوات يفيدونك اكثر
4 ابي مطاعم شعبية وحلوة حق الشيبان تستاهل الزيارة
بالمباركية (مدينة الكويت) فيه مجموعة طيبة
5 واخر شي ابي قهوة شيشة طيبة

نسيت بعد ابي محلات تفصل ملابس رياضية ابي افصل لي ولدي عندك مركز النصر (خلف الافنيوز) ومحلات الرياضي بس مااعتقد تحصل عندهم الا ملابس جاهزة
سفرة موفقة

توبليرون
توبليرون
مجمع النقرة ممكن يصلح للوالدة اذا تبي دراريع وملابس نسائيه
مع ان المجمع قديم
المخازن النسائيه اشلون يعني بس ملابس
عندك مارك سبنسر وبي اتش ام
محلات الطاهر وانور بكل المولات
مطعم ريوق في الشعب البحري عند مطعم فيلا فيروز
مطاعم شعبيه عندك فريج صويح وكافيه بزه وايام زمان والستينات
تفصيل الملابس الرياضيه بمجمع شاهه السالميه
يخيطون لك كل ما تبي من الملابس الرياضيه
وطباعة الاسماء بعد
ان شاءالله افدتك بالردود

مدريدي2011
مدريدي2011
Usas
بارلك الله فيك ماقصرت

مدريدي2011
مدريدي2011
تربيلون
ماشاء الله عليك وفيتي وكفيتي عاد تحمليني اشوي
مطعم ريوق في الشعب البحري عند مطعم فيلا فيروز
يعني تنصحي بالزيارة
مطاعم شعبيه عندك فريج صويح وكافيه بزه وايام زمان والستينات
بزة وايام زمان والستينات وين ه>ولاء
تفصيل الملابس الرياضيه بمجمع شاهه السالميه
يخيطون لك كل ما تبي من الملابس الرياضيه
وطباعة الاسماء بعد
ممكن توصف ين محلات شاهة

danah_
danah_
كافيه بزه له فرعين
فرع بشارع الخليج جدام كنتاكي (مطل على البحر)
والفرع الاخر
بمجمع الافنيوز (التوسعه الجديده *السوق*)
اما مطعم الستينات بحولي ،
جميع المطاعم والكافيهات العالميه بالافنيوز
وايضا شارع الخليج العربي على طوله مطاعم وكافيهات !


خصم يصل إلى 25%