1. حجزي كان


2. 3 ليالي كوالا ( فندق رويال بنتانغ - غرفة ديلكس مع الإفطار )


3. اليوم الأول 1/9/2006


4. مر الوقت هدأ الوضع وبعد نصف ساعة إلا الصاعقة ...

بداية أشكر جميع القائمين على هذا الصرح الكبير الذي لو لا فضل الله ثم هذا المنتدى لما تكلل سفري بالنجاح وكل هذا بتوفيق من الله سبحانه وتعالى ...
وثانيا أشكر الأعضاء الكرام على كل معلومة إستفدت منهم ولو بطريق غير مباشر ... فلكم جزيل الشكر وثالثا تقريري المتواضع سيكون أجزاء فكل جزء سيكون عبارة عن أحداث ذلك اليوم مع الصور ...
وأخيرا أعذروني على ردائة بعض الصور لان الصور مأخوذه من الكاميرا الديجتال مع تلفوني ( سوني إيركسون ) ...
وأتمنى أن يستفيد ولو عضو واحد من ولو معلومة واحدة فأحمد الله وأشكره على ذلك ...بداية التقرير
بداية فكرة الرحلة أتت من سراب فأسمع من فلان وفلان ذهبوا لماليزيا سحر الطبيعة ...
وأنا :11ccer: ولا هامني شئ ... بس عندما قرب العرس وبعد ثلاث سنوات من العمل بدون إجازة :36_11_13: قلت يا ولد لازم تحللها عدل فأول شئ تريح نفسك من هالضغط الا أنت فيه وثاني شئ تروح تشوف هالأرض الا الكل يتحدث عنها ( وانا من محبين الطبيعة بجنون :36_3_1: ) وفعلا رحت أسال مكاتب السياحة عن عروضهم ... بس للأسف كان تفكيري أن أروح في الموسم معناتها الاسعار نار :36_1_17: واهني شفت كل مكتب يحاول يستغل الوضع الا انا فيه فكل واحد يعطيني سعر خيالي ... حتى وصلت لمكتب لا بأس فيه ... وحجزت معاهم التذاكر على طول وكان المفترض في شهر 7 ولكن وقبل إتمام بقية الإجراءات ... :36_1_4: صادنا حدث مأساوي ... أجل كل مشاريعي حتى الزواج ... فتأجل الموضوع كله لشهر 9 وقلت يالله كل تأخيرة فيها خيرة ... وصرت أضبط أموري كلها ومن ضمنها الزواج والسفر في شهر 9 ...
كان تخطيطي أن تكون الرحلة 12 يوم ... هي صدق قليلة بس كنت مسوي جدول ما فيه مجال الواحد ياخذ نفسه لدرجة كنت كاتب حتى وين ومتى موعد الغذاء أو العشاء ...

حجزي كان

3 ليالي كوالا ( فندق رويال بنتانغ - غرفة ديلكس مع الإفطار )

3 ليالي لنكاوي ( فندق برجايا لنكاوي - جناح الرئيس يكون على الشاطئ والبلكونه مقابل البحر مع الإفطار ) بدلا من لنكاوي لاقون ( مالقينا حجز ) بس ما ضاعت لفلوس في برجايا كان أفضل فندق أرتحت فيه مع المدام من جميع النواحي ...
ليلتين جنتنغ ( فندق أروانا :112: - غرفة ديلكس في البرج مع الإفطار )
3 ليالي كوالا ( فندق رويال بنتانغ - غرفة ديلكس مع الإفطار )
تكاليف التذاكر 2950 ريال على الماليزية ( تشمل تذكرة داخلية للنكاوي ) *2 = 5900 ريال
تكاليف السكن مع المواصلات = 6340 ريال
المجموع 5900 + 6340 = 12240 ريال

اليوم الأول 1/9/2006

سفرنا كان مقرر يوم الجمعة الموافق 1/9/2006 الساعة 5:05 صباحا بتوقيت البحرين ...
وليلة الجمعة أخوكم قلبه يدق شلون الواحد ينام وهو يترقب السفر :36_1_5: ... مر الوقت بطئ وانا خايف يثقل الراس وأنام وتروح علينا السفرة ... وصلت الساعة 2 صباحا والمدام :36_1_50: راحت في سابع نومه وتقول معتمده عليك وانا مقابل العرب المسافرون موضوع موضوع وأراجع كل الا فيه حتى وصل الوقت وتوجهنا وانا رايحه عليي :36_1_49: وصلنا المطار الساعة 3:20 صباحا وأنهينا إجراءات الوزن وقبل ما نتوجه للجوازات إلا :36_13_1: إتصال للمدام من أهلها إنتظري أحنا بالدرب ... وضلينا ننتظر وكان معي أخي والوالده الله يحفظها ... المهم وأحنا ننتظر والوالده تسأل ليش مكتوب في لوحة الماليزية كوالالمبور - وتحتها مكتوب دبي ... قلت لها لا تهتمي طال عمرج الجماعة يمكن عندهم رحلتين من أهني لدبي ومن أهني لكوالمبور ... لان حسب كلام المكتب الا كنت حاجز من عندهم ان الذهاب مباشر والرجوع ترانزيت في دبي ... مر الوقت وصلوا أهل المدام وودعونا وخلصنا موضوع الجوازات الساعة 3:50 صباحا وبعدها قلنا ننتهز الفرصه ونصلي أفضل لنا ... وأحنا بطريقنا للمصلى إلا المكان عالم نايمه :thumb_ico زين في طريق نمر فيه ... أذن وصلينا واحنا رايحين للبوابه 14 لقينا عالم :bounce8: :bounce8: شسالفة كانو على البوابه 12 المتجهة لبشاور وأخذت كم صوره لهم قلت لازم نشارك ربعنا بهالصوره الا كأنهم متجمعين على خباز ... وقبل لانوصل لبوابتنا (14) إلا واحد نفسه خايسه موقفني تعال يا عمي امسح الصور قلت له أي صور قال الا من لحظات أخذتها للبوابه 12 .... :112: وخلاني أمسح كل الصور ... بس قلت للمدام حتى لو مسحتهم راح أخبر المنتدى عنه .
خلصنا البوردنج بعدها ركبنا الطائرة إلا كأنها نقل عام وصار حظ المدام الكرسي الا قاعده فيه مكسور قلت هذي أولها وخبرنا المضيفه قالت بعد ما نطير غيروا كراسيكم ...
وبس تحركت الطائرة إلا المدام :36_1_25: لأن أول مره أركب معاها في طائرة ... وانا عامل فيها عنتر ليش خايفة بس الصراحه :36_1_7: كان رعب أول مره ... بعد 20 دقيقة قدموا لنا وجبة إفطار الله الكافي ... مع إني كل شئ آكله لكن هالمره صراحه ما قدرت أكمل السندويشة ، المدام بس شربت عصير وأنا اقول لها إكلي شئ بتجوعين لكن أكلت شوي وباقي شوي وأرجع ... وهذي شكلها ...

مر الوقت هدأ الوضع وبعد نصف ساعة إلا الصاعقة ...

الكابتن يقول جهزوا نفسكم لان باقي شوي ونوصل دبي ... وأحنا :36_1_25: شنو دبي ... وأهني تذكرت الوالده وكلامها عن اللوحه فكانت الرحله ذهابا وإيابا ترانزيت في دبي لمدة ساعة ونصف تقريبا ... وصلنا في حدود الساعة 7:20 صباحا بتوقيت دبي ...
وقالو لنا حدكم 20 دقيقة تروح فيها على السوق الحره وتوصلوا للبوابة 33 بسرعة ... أحنا نزلنا وسألوني عن نسختي من البوردنق بس كنت نسيتها في الطائرة بس الحمدلله إني كنت حامل التذاكر فمشوا لنا الموضوع وأهني أحب اذكر اخواني بأهمية الاحتفاظ بالنسخة لآخر الرحلة وأخذت منها درس لان جمعت كل شئ ولا ورقة نسيتها ...
رحنا على الحمامات أعزكم الله إلا طوابير من البشر وين نخلص وكلها 20 دقيقة والمسافة فعلا طويله وركضه ركضة خلصنا وعلى طول عند البوابة 33 وفي النهاية يخلونا ننتظر 30 دقيقة بعد لان الجماعة ما وصلوا كلهم ... وأنتظرنا حتى الساعة 8:30 صباحا وتوجهنا للباص وبعد خلونا ننتظر 15 دقيقة وبعد إنتظار 15 دقيقة في الطائرة ...
وأقلعنا بحفظ الله ورعايته بعد ما أخذنا معانا كم مسافر وبعد ساعة قدموا لنا وجبه لا بأس أحسن من إلا قبلها ...

ومر الوقت بطئ وبعد ساعة وحده إلا العالم كلهم :36_1_6: ما في إلا أنا والمدام وكم شخص ... صراحه ما توقعت المسافه طويله بهالدرجه ...
وهذي بعض الصور من الأعلى من الملل :36_11_5: قمت أصور في الغيوم ... كانت روعة وجمال سبحان الله ...

وقبل لا نوصل ركبت بطاقة سيلكوم إلا عطوني إياها المكتب الا حجزت معاهم ...

ووصلنا بحفظ الله ورعايته الساعة 8:30 مساءا بتوقيت كوالالمبور ... وكان معانا كم عائلة خليجية وكانوا يمشون أمامنا بس وصلوا لنقطة ووقفوا وانا أمشي والمدام وياي حتى تقول لا يكون جيت من قبل أهني ... هي المسكينة ما تدري إني :36_13_3: مراجع زين ... وبعدين ربعنا ضلوا ورانا حتى وصلنا للقطارات وفي الجوازات صار موقف لواحد خليجي كسر خاطري صراحه هو في الصف واقف وكان متقدم شوي على الخط الاصفر الا في الارض الا وحده ناطه :36_1_15: إرجع وراء الخط لا تخليني أعصب عليك :112: أني إذا عصبت أصير :36_6_5: نمر وهو المسكين مو فاهم لها واقف مكانه وهي تصارخ ولا عندها إحترام لا لسائح ولا لغيره ...
خلصنا الجوازات والعفش وبس طلعنا إلا العالم كلها عليي كأني ممثل مشهور ولا أدري شسوي وكل واحد يعرض خدماته حتى طلع لنا واحد صغيرون إسمه فرانكي ( قصته قصه معانا ) كاتب إسمي على لوحه ... قلت يالله خلنا نشوف بس شنو سيارته والحمدلله طلعت مرسيدس ولو أنها قديمه شوي بس قدام سياراتهم تصير شيخ بهالسيارة ...
سألته عن المسافة والمده الا يقول تقريبا 55 كم والمده ساعة تقريبا :36_6_1: وأنا رايحه عليي لا تقدر تشوف شئ في هالليل وتعب الطائرة ... يالله تهون كلها ساعة وحده ....
وصلنا لرويال بنتانغ وعملت شيك إن وكانت معاملتهم سريعة ومريحه ... ولا نوصل فوق الا الغرفة صغيرة ولا تستاهل بس من التعب قال لي الموظف أنت نام الحين والصباح رباح ...
هذا الكوفي عند مدخل الغرفة ...

صورة ثانية

وهذا السرير شوفوا شلون حجمه صغير ... بس يالله من التعب رضخنا للامر الواقع ...

الحمام أعزكم الله

لاحظوا بدون شطاف سوينا لنا حل مؤقت

وهذا الشور ولاحظوا شنوا فيه إستخدمناه مؤقت كشطاف بسبب صغر الحمام يا حدق أنت ... بعدين أقولكم قصته وشنوا صار معانا ...

وهذا السفتي بوكس

وهذا البراد ... طبعا محسوب كل شئ تستهلكه ما عرفنا إلا عندما عملنا شيك أوت ...

وهذي مكواة الملابس في أحد الأدراج ...

وهذا التلفزيون ...

بعدها نزلنا شوي أخذنا لنا لفه وحده في شارع العرب واخذت بس هالصورتين ... بس ترقبوا الصور في الأجزاء القادمة إن شاء الله ...
ما لحقت وقفت اصور الا هالتاكسي حشر روحه ...

وهذي الثانية ...

وبعدها توجهنا مره ثانيه للفندق وحاولنا ننام وبعد معاناة نمنا ...
وأعذروني على بعض الصور وما أخذت صور للغرفة بالشكل المطلوب لاني ما كنت حابنها ... بس يالله شنسوي هذا الا صار ...
وانتظروني في الجزء القادم في يوميات شهر العسل ... :36_3_12:
أتمنى ألاقي تشجيع بسيط جدا حتى أكمل التقرير ... :36_3_11:
تحياتي لكم ...