سنغافورة المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
ام سلوم قطر
15-12-2022 - 10:51 pm
  1. السلام عليكم ورحمه الله وبركاته


السلام عليكم ورحمه الله وبركاته

حبيت اكتب تجربتي عن رحلتي الى سنغافوره الي كانت وسط رحلة ماليزيا روعه بدايه الرحله الى ماليزيا تاريخ 14 اغسطس و كانت رحلتي الى سنغافوره من تاريخ 20 -23 اغسطس 2013 يعني بالنص تم حجز الطيران ع خطوط ايراسيا من مطار بيانج الى سنغافوره عن طريق موقعهم في النت وكانت التذاكر سعرها بسيط جدا لعدد 6 اشخاص 3 كبار و3 صغار بحدود 1090 ريال توجهنا الى مطار بيانج 6 صباحا ومتجهين الى المطار للعلم المطار ياخذ له ساعه ونص تقريبا لان الطريق زحمه والا حطو بالكم اطلعو بدري عشان ماتتاخرون وصلنا وكان المطار حجمه صغير لكن مثلج برد خلصت اجراءات الجوزارت بسلام واسالتني وين متجهين قلت لها سنغافوره قالت مافي فيزا قلت لها لا احنا قطريين مايحتاج فيزا حسيتها عليميه ههه وسالت عن خدامتى سريلانكيه الجنسيه قلت لا عادي ماتحتاج وعندها تاشيره ماليزيا لمده شهر ذهاب وعوده المهم بعد ماخلتنا ننقع والبرد ذبحنا مده 15 دقيقه وانا مب عارفه اشسالفتها تم كل شي ع ما يرام والحمدالله وع طول قاعه الانتظار ودورنا مطعم يبيع سندويشات للفطور وفطرنا وموعد الاقلاع ع الساعه 9 صباحا وللعلم ولا خليجي او عربي معاي في الطياره قلت بس عينا خير المهم انا متحمسه لاني بجرب بلاد جديده وثقافه جديده ان شاء الله لو بروحي رايحه رايحه اقلعت الطياره ع الوقت الحمدالله مده الرحله كانت ساعه وثلث تقريبا لانها من بيانج لو كانت من كوالمبور في العوده مدتها 45 دقيقه تقريبا وصلنا مطار سنغافوره كنت متخوفه اشوي بس عندي مقوله افتخر يها من سال ماتاه كان مطار كبير وحلو وايد ومشي وايد وايد بس التعليمات واضحه في المطار واللوحات الارشاديه مبينه وين تروح وين تطلع وصلنا الجوزارت الموظفين عادين وماكانو يرحبون فينا مع اني ابتسامتي على كبر ويهي لكن الترحيب عادي وكانو صارمين نوعا ما وطلبو كل واحد منا ياخذ جوازه ويتقدم حتى عيالي 11 سنه و9 سنوات و2 سنه طبعا معاي وانا اقول خلصونا بس هذا اولكم ياخوفي ع تاليكم استلمنا شنطنا وطلعنا عند البوابه حجزنا فان او مايسمي كار كاب كبير من مكتبهم في المطار بسعر 60 دولار الى الفندق في سنتوزا طبعا كنا تعبانين من قومه الصبح وهلكانين نبي نوصل ونرتاح المسافه كانت بسيطه الى سنتوزا ثلث ساعه تقريبا وصلنا المناظر حلوه وموقع الفندق حلو وايد ونصيحه الي بيروح سنغافورا مع اليهال يسكن في منطقه سنتوزا وصلنا الفندق راقي جدا ولكن المفاجاءه وصنا بدري 11 ونص ورحت الاستقبال اهلا ومرحبا وبعدين مافي حجز غرف متصله قلت لها مب مشكله لو جنب بعض عيالي كبار ومعاهم شغالتهم رراضيه بس جنبي ماحصلت عطتني في جهه ثانيه بس نفس الدور وقالت لين بكره او اذا تبين جنب بعض اخذي غرفه نوع عائلي وجنبها غرفه متصله كم الفرق قالت 600 دولار طبعا رفضت لان مبلغ الغرفتين لمده 4 ايام 8900 ريال مع الضرائب قلت خلاص بس خلصينا واحنا ميتين تعب مفاجاه اخرى قلت ياليل الطويل الغرف راح تستلمونها ع 2 ظهرا ليش احنا تعبانين لو غرفه وحده قالت مافي وزحمه طبعا عصبت حدي اوف وين اروح مالنا الا نكتشف المكان وندور مكان ناكله طبعا عيبه المكان مافي مطعم حلال كلش غير ماكدونالز قلنا معليه الشكوى لله ايام بسيطه وتعدي والواحد مسافر اي شي ياكله المهم زاد تعبنا اكثر المكان وايد حلو من التعب مااقدر افكر ومالي خلق اتمشي حتى انطر الوقت لين 2 ظهرا الناس زحمه ووافقين عن بوابه ملاهي اليونفيسال الاكثر من روعه طبعا وصلت ع الساعه 2 وعلى طول الاستقبال وخذنا غرفنا ووصلنا الفندق يسون صيانه من الظهر لين المغرب وتعال الاصوات المزعجه طاخ طاخ وطرطر وبعدين انزعجت جدا لكن نمنا لين العشاء تقريبا قمنا مرتاحين وبدلنا ونزلنا نكتشف المكان كان كل شي مسكر خلاص ماغير المطاعم خذنا لفه في المكان ودورنا مطعم شفن ناندوز ساتهم قالوا الاكل مب حلالوفي مكان مقابله مكتوب عليه ماليزين فود قالت لي دخليه وشوفي دخلته لقيته قاعه مطاعم جنب بعض كلها ماليزيه وكنت اشوف الصور يمكن احصل اكل يعجنبي واو مطعم مكتوب عليه حلاال طلعت من بوابه الخروج خ وعند الخروج حصلت لستته المطاعم والي عليهم حلال حفظته وعلى طول رحت له هم عددهم 2 جنب بعض رحت حق الهندي لقيت عنده رز دجاج برياني وخبز بوراته او مايسمى جباتي المهم قعدنا كلنا لين امتلات البطون وطلعنا نمشي في مكان اسمه الوااك الممشي يوصلك الى الجهه المقابله في مطاعم والاعياذ بالله بار ومجمع فيفو احنا مشينى فيه وممكن الذهاب له بالمترو اسرع المناظر بالليل في الممرات كانوا ناس يشربون وسكر
نصيحه الاولاد والممشي بالليل وبعدها قررنا العوده للفندق والنوم والراحه لين بكره ويوم جديد واشوفكم بكره بتقرير جديد


التعليقات (8)
شارلوك هولمز
شارلوك هولمز
بداية رائعة .. معلومات ونقاط مهمة كل الشكر ام سلوم
متآآبع معآآك ..
هولمز

ahmad2004
ahmad2004
تقرير سريع وظريف ياريت تفيدنا بالصور للفندق - والمكان ونوع الغرف - وسعرها
لاني افكر اروح لها في الصيف القادم ان شاء الله

ام سلوم قطر
ام سلوم قطر
  1. اليوم الثا ني 21 اغسطس


هلا والله اخواني واخواتي تاخرت اشوي بس لعدم تواجد جهاز كمبيوتر في البيت فاانزل تقريري بالدوام والدوام يمنع تنزيل اي صوره فيه فااسمحولي بدون صور اهم شي الافاده بالنسبه لنوع الغرف كانت 2 غرفه ديلوكس مزدوجه او توام تم الحجز من موقع بوكينق قبل 4 شهور يسعر 2400 دولار سنغفوري بدون الضرائب نرجع نستكمل تقريرنا

اليوم الثا ني 21 اغسطس

استيقظنا مبكرا نشيطين بعد اليوم الاول المتعب تجهزنا ونزلنا اللوبي للفطور فطلب منا اختيار احد الفنادق للفطور الهارد روك او الفندق الثاني لعمل الصيانه في فندقهم فااختنار الهارد رود لان الاقرب لنا وله مدخل قريب لنا ففطرنا وكانت الساعه 10 ونص بالنسبه للفطور جيد لكن مايميز سنغفورا الاكل الحلال قليل فاانتبهوا للنقطه هاي السوال قبل الاكل جدولنا مقرر الي اليونفيسال ستديو ذهبنا لشباك التذاكر وانتظار الدور لمده 45 دقيقه فحجزنا تذاكرنا والي الملاهي دخلنا حسييت داخله ديزني لاند فرنسا لكن جزء من اجزاءها واول مادخلنا اخذنا الخرائط للالعاب وجدول عروض الشو ابتدينا بالدخول ابتدانا اول لعبه الباخره حلوهه وايد للاطفال وبعدها عيالي شرو مراوح تشتغل بالماء البارد والثلج حلوه وممكن تعبونها مجانا في اي مكان في المدينه وبعدها لعبنا وثم قلعة فار فارأواي تقدم لكم فلم رباعي الأبعاد مع المؤثرات والماء والإضاءة وإهتزازالكراسي تهبل والله استانسوا اليهال عليها عالم جراسيك بارك اول لعبه هيدوليتك بلانت فيرش وبعد ماتطلعون بتحصلون مكان للتنشيف بمبلغ 2 دولار وممكن تشترون من داخل اكياس بلاستيك تلبسونها قبل الدخول للعبه وبعدها خرجنا الي عالم الفراعنه الالعاب كلها حلوه بس احنا كنا نختار الالعاب الحلوه وبعدها رحناعالم ستار بوت جيف يجنن فيها لعبه السياره الزرقاء تجنن بس اليهال لعبو فيها انا تميت برع مع ولدي الصغير لان مسكين كم لعبه ماادخل معانا ومشينا اشوي الا ندخل عالم مدينه نيويورك العاب وايد دخلنا لعبه الاطفال حق عالم سمسم والا نشوف عرض البوب للشباب اللطيفين شاهدنا هالعرض كان حلو والكل يرقص وصورنا مع شخصيات عالم سمسم حسيت وقتها رجعت 15 سنه وراء خ عاد مب كبيره انا لاتضحكون توني صغيره عموما في الحديقه كل شي متوفر فيها من محلات لبيع التذكارات والهدايا بعد كل لعبه وجزء لاخذ الصوره الي صوروك في اللعبه ومرافق عمومية وخزانات وكشكات لبيع البرد والعصير الباردوالمثلجات السائلة ، الشخصيات الكرتونية المحببة للأطفال تملأ المدينة وتلاقونهابعد كل لعبة تلعبونها.
المطعم الحلال الوحيد الي تغدينا فيه هو mels De rius in مثل ماكدونالز عموما يمكن تحصلون غيره بس الصراحه مادورت هاي نصيحه اخونا ابو سعود الله يجزاه خير بتحصلونه في نهايه جزء نيويورك واذا دخلتو من الحديقه بتحصلونه على يمينكم مكتوب اسمه مايضيع طبعا لاتنسون تصورون مع الشخصياات في كميراتكم نظام حلو واذا تبون من كميرتهم مايمنع قلنا تو الناس بندور لنا عروض رحت ادور عرض الدونكي كان حلو وممتع كله رقص ختمنا فيه العابنا والساعه وصلت7وقرب موعد اغلاق الحديقه كان يوم حلو وممتع مع الوناسه فتعبنا من اللعب وقررنا العوده للفندق خلاص البترول نفذ رحنا نرتاح اشوي وخلاص الشمس غابت والتعب هلكنا رحنا الغرف ارتحنا والصغير نام قلنا خلاص مانقدر نطلع بس انا فيني حيل اطلع خذت ولدي ونزلت ادور مطعم حلال للعشاء ومالنا الاماكدونالز قلنا يالله ننزل نبحث ونكتشف الا اشوف عرض النافوره الراقصه بداء ووينك يالارض جان نبسط انا وياه فاتهم والله يهبل العرض صورته اشوي وبعدين قمنا ندور المطاعم صكرت باقي مطعم ماكدونالز اخذنا عشاء ورحنا نتعشى ونرتاح استعداد ليوم ثالث جديد الجدول مليان بس الوقت ضيق جدا يالله تابعوني اليوم الثالث احلى

ابن فطفوطه
ابن فطفوطه
الحمدلله على السلامه
سنغافورة خياليه وبلد متطور جدا وعلى الرغم من صغر البلد الا انه ينافس البلاد المتطوره من جميع النواحي
وكم اتمنى العوده لها مره اخرى

ام سلوم قطر
ام سلوم قطر
هلا والله ابن فطوطه سنغفورا بلاد حلوه وايد بس حاره اشوي لكن لامانع الواحد يجرب يشوفها ترى فيها اماكن وايد حلوه لكن وقتي ضيق حاولت اروح اماكن وايد بس ماقدرت لي لها زياره اخرى ان شاء الله

lionking911
lionking911
تقرير جميل ماشاء الله لكن تمنيت انه يكون له دعم بالصور لكي نستمتع اكثر ان شاء الله انا بكون في سنغافورة نوفمبر مع العلم اني زرتها قبل 4 سنوات
وزرت المدينه هاذي لمدة 3 ايام وحسيت انها ماتكفي بصراحه
عموماً حاب استفسر عن تذاكر اليونيفرسل
للكبار والصغار
اكرر شكري للموضوع

ام سلوم قطر
ام سلوم قطر
  1. رجعنا لكم لاكمال التقرير البسيط

  2. اليوم الثالث


رجعنا لكم لاكمال التقرير البسيط

اليوم الثالث

كالعاده استيقظنا مبكرا ونزلنا للافطار في مطعم هاردروك الرائع وبعد ذلك اخرجت الخرائط والجدول فخرجنا الي منطقه اليونسفسال ومرينا ع محل mms وشرينا بعد الكاكاو وبعدها مشينا اشوي وشرينا تذاكر الاكوريوم الصراحه كان قمه الروعه ماتوقعته نزلت لكم صور من النت اتمنى تكون واضحه اول صوره لمكان المتحف البحري الي هو الاكوريوم وثاني شي صوره غرف الفندق وخريطه المكان المهم دخلنا عباره عن متحف بحري يعرض لنا تاريخ سنغفورا قديما من ملابس وطرق التجاره القديمه والبضايع الي كانت يجلبونها من الدول الخليج والهند والسند كان معروضات حلوه وبعد ذلك دخلنا عرض بسيط ع شاشه لمده 5 دقايق يوضح لنا قصه بقولها بااختصار دخلونا قاعه سينمائيه انشوف القصه الي مدتها 15 دقيقه تقريبا وايد روعه عباره عن 4 دي هم اصدقاء في البحر كانوا يحملون بضايع اتوقع وجاتهم عاصفه في البحر واغرقت السفينه طبعا الموضوع كان مع الموثرات والاصوات وتاثيرات الماء فظيع وفجاه اغرقت السفينه ونزلت البحر ونزل المسرح فينا من غير مانحس الي اجواء البحر والسمك والاكوريوم كان الوضع فظيع وحلو تمشينا في الحديقه البحريه وانواع السمك والصراحه مكان لايوصف خرجنا منه متجهين الي صور من سنغفورا طريقه الوصول له اما مشي يمكن يبعد 10 دقايق او المترو الموجود طبعا بالبدايه سالت كيف الوصول له الكل يوديك صوب المهم رحنا الي المترو ونزلنا المحطه الي اسمها impoh الي فيها الاماكن الي ودي اروح لها كلها وصلنا حمدالله عموما السفر الواحد يتوه ويضيع اشوي بس لازم يسال الخريطه في يدي او مانزلت من محطه المترو لقيت امام تمثال الاسد مادخلته بس اخذت صور له سالت عن موقع متحف صور من سنغفورا قالوا لي اصعدي فوق بالدرج الكهربائي صعدنا تقريبا 3 ادراج وحصلته امامي وشريت تذاكر باكيج بسعر معقول لعدد 5 اشخاص للعلم الصغير 2 سنه مجانا كل شي خيروني بالالعاب اخترت 4 اشياء واحد صور من سنغفورا والمكان الثانيSentosa Luge & Skyride العربه المنزلقه والثالثه 2 عرض 4 دي طبعا انتوا لكم الاختيار ممكن توزعونهم لاماكن تحبونا اولا دخلنا لصور من سنغفورا عباره عن متحف يحكي عن سنغفورا قديما وحديثا واحتفالاتهم وايام الاستعمار الصراحه ممتع وروعه لاني احب اشوف التماثيل المتحفيه وكل ماقربت اشوي تكلم التمثال واطلعت اصوات يحسسك انك معاهم ولبعدت اختفى الصوت عشان مايصير المكان مزع والاصوات داخله مع بعضها خرجنا منه واخذنا ايسكريم ع الطريق وع طول يطلع امامك العربات المنزلقه وع طول الكل ركب لع عربه كانت وايد حلوه مغامره ماعدا ولدي الصغير مع ابوه نزلنا من فوق الي تحت وشفت امامي البحر وعرفت انها منطقه سيلوسه بس مارحت تعب اشوي وحر لعوزنا وعند العوده تركبون تلفريك ينقلكم الي الاعلي خرجنا من هاللعبه وشفنا مطاعم وقلنا بنرتاحونتغداء ونكمل المطاعم اخيرا حلال طلبنا بيتزا وباستا وبطاطا المهم الواحد يشبع وهذا الموجود لان مانحب اللحم فكل اكلنا دجاج المم ترسنا البطون والقرب من المطعم توجد حديقه الطيور والحشرات مادخلناها والسبب احال ادخل شي جديد وهالمكان زرته في ماليزيا لان كلنت محطتي الاولى مشينا اشوي ونحصل المكان المطلوب ودخلنا عرض 4 دي كان لنا عرضين من ضمنالتذاكر وكانت عروض حلوه الصراحه وبعدها خلاص قررنا العوده للفندق للراحه رجعنا بدري 4 عصرا من نفس المترو الي جينا فيه بس المحطه الي فيها الفندق واليونفيسال عاد نسيت اسمها رجعنا وقالوا عيالي يما نبي ندخل المسبج اشوي قبل ليسكر قالت لهم اخذوا الخدامه ونزلو وانا وابوكم بنرتاح اشوي رحوا يبدلون وانا وزوجبي العزيز فتحنا البلكونه وشربنا شاي يعدل المزاج وقلت له اشرايك ننزل نسبح قالي تعب ورانا رحله سفاره نايت بنتعب قلت له اشوي بنرجع ساعه لان اليوم كان اخر يوم لنا وبكره العوده لماليزيا قال يالله شوريج وهدايه الله نزلنا الا الاولاد مانزلوا فجاه جاو لقونا في المسبح خ ع اساس انا بنرتاح خ الواحد جاي ينبسط لاحق ع الراحه سبحنا وتمتعنا وخرجنا بعد ساعه كان المسبح تقريبا فاضي ب اكتشفت مسبح الهارد روك احلى منه لان كان مقابل المطعم الي نفطر فيه يوميا عموما خرجنا واستعدينا الي سفاري نايت مدهه الرحله ساعه تقريبا بسبب الزحمه المكان بعيد اشوي حسيت الي معاي داخو وخذو لهم نومه في الطريق بعد المسبح داخو وصلنا اخيرا وقطعت التذاكر وصفينا طابور لمده ثلث ساعه واخيرا حصلت خليجين من غلاء سنغفورا الخليجين قليل جدا وحصلت منهم في حديقه اليونفيسال بس معددين في الاصابع وهالمكان لان الي اعرفه الاغلب يسكن في شارع العرب الي هو شارع اورتشاد كان ودي ازور هالاماكن ترا الي شفته ولاشي من سنغفورا وانا حاجزة في سنتوزا المكان بروحه يبيله اسبوع اتخلصه غير برع لمنطقه انا وفرت المواصلات لاني ماطلعت كلش غير حق سفاري نايت نرجع حديثا صفينا الطابور ورجاء دورنا بعد هالامنتظار ركبونا عربات مغلقه مثل السجن خ ومشينا بالظلام الكاتم في الحيوانات الطليقه كانت رحله حلوه بس ماعجبتني كثير اعتبر افاموسا ماليزيا احلى بكثير منها خلصنا التمشي وطلعنا من المكان وحصلنا مطعم حلال طبعن الاكل عباره عن كريسبي شيكن برغر اكلنا وكلمنا السواقه نفسها لاني متفقه معاها ترجع لنا الوقت متاخر وخفت مااحصل سياره كبيره لان سنغافورا مثل اوربا لايقبلون اكثر من 4 ركاب بالسياره وعددنا 6 يعني معنات انا واحد من عيالي ناخذ سياره بروحنا مايصير نفترق المهعم ارسلت لنا سياره مع سواق اخر وصلنا الفندق وانت الساعه 11 مساء خلاص وينك يالنوم بكره طيارتنا الساعه 2 الهر فقررنا نرقد ونرتاح والصباح رباح لترتيب الامتعه في وقت عندنا

فيصل
فيصل
وعليكم السلام ورحمه الله وبركاته
نشكر علي تزويدنا بتجربتك
للصور ممكن الاطلاع علي المواضيع ادناه
https://artravelers.com/p/re/708749
شكلها ما تدري ان القطري بدون فيزا
يا حبهم للتعقيد
حلو اللي يسال ما يتهوش والافضل اطلعتي علي خريطه المطار قبل
اسوا شيء الغرف شاغره انتظر الي موعد التشيك ان 2
متابعينك ومقدرين وقتكم


خصم يصل إلى 25%