قصتي مع الحارثي للكاميرات واقسم بالله ان هذا اللي حصل بالحرف الواحد وعندي التسجيل موجود وروح شوف سعر الكاميرا الان مع الراتب في محل الحارثي اللي في شارع الوشم
ابي اشتري كاميرا نيكون دي 600
عندهم رقم جوال وثابت اتصلت على الجوال قال لي سعرها8900 قبل الرواتب بأسبوع
طلعت الرياض لأن عندي مقابله في السفاره الكنديه قلت امرهم واخذ الكاميرا
اتصلت عليهم بيوم قبل الراتب على الثابت قال لي سعرها 9500 قلت له ايش الاسبوع اللي راح كان سعرها كذا قال ممكن كلمت رقم ثاني قلت له هذا رقم الجوال قال نعم رقمنا لكن ماندري من رد عليك قلت في نفسي يالله ماعندي دليل ومشيتها
قفلت وانا زعلان قلت بأتصل برقمهم الجوال واستفسر لكن هالمره قلت اسجل المكالمه
كلمته قال لي سعرها 9200 قلت اوكي بكره امركم الصباح اللي هو يوم الراتب
مريتهم الساعه 10 الصباح قلت له كم سعر الكاميرا دي 600 قال 9800 ريال وحاطين السعر على الكرتون
هنا عصبت وقلت له انا مكلمكم البارح وقلتو لي ب 9200 قال لا ماكلمتنا ممكن غلطان
هنا طلعت الجوال وسمعته المكالمه وطلع هو نفسه اللي قال لي السعر قبل الراتب
قال خلاص مو مشكله خذها 9200 قلت والله انكم نصابين 600 ريال زود مع الراتب
اعطاني الكاميرا مع شنطه مع ميموري 16 جيجا ب 9200
حتى تعرفو نصب المحلات على الناس
لو ماسجلت المكالمه كان كذبني عيني عينك
عندي تسجيل المكالمه وعندي الوصل اني اشتريتها ب 9200 وهو سعرها في المحل ومكتوب على الكرتون اللي اخذته 9800
واعطاني معها الاغراض اللي كتبتها مسبقاً
كتبت الموضوع للفائده من النصب في السعر مع الرواتب
تحياتي لكم