الكويت المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
عطشى !
12-12-2022 - 06:48 am
السلام عليكم
كيف الحال جميعا
وكيف اهل وزوار الكويت
عندي شوية اسئلة وان شاءالله ماتكون ثقيلة عليكم :
1- ماهي فروع مطعم فريج صويلح؟
2- ابي اعرف افضل مكان لشراء اقمشة ثياب الرجال والخياطين
3- وين ممكن القى محلات الصرافة غير المطار لأني بجي عن طريق البر
4- احنا جايين الكويت ومشتهين المجبوس الكويتي والدقوس وهالامور
فجمعت هالمطاعم اذا عندكم اضافة ياليت تفيدوني
كافيه بزه - فريج صويلح - السبعينات - حليب وهيل -كاشونة البيت
5- ابي وصف محل تروفاليو true value
6- مطعم السبعينات حسب بحثي حصلت فرعين الاول بسليل الجهراء والثاني بفحيحيل .. ابغى اعرف وس الاحسن والاكبر
7- ابي وصف شاورما الشويخ
اسفه الاسئلة كثيرة بس انتم كريمين وانا استاهل


التعليقات (3)
dalia200185
dalia200185
مطعم فريج صويلح
في السالميه في شارع سالم المبارك بجانب المارينا مول
ونصيحتي روح له بدري لانه زحمه موت
اقمشة ثياب الرجال والخياطين
الغالب الي اشوفه ياخذون من المباركيه
محلات الصرافة
اصرف من بلدك قبل ما تروح افضل لك
ما قد سمعت مطعم السبعينات ...لكن اسمع عن مطعم ( الستينات ) بعد للمأكولات الكويتيه في حولي شارع بيروت بجانب بنك بوبيان

q8ya metnaqla
q8ya metnaqla
مثل ما قالت داليا عن الاجوبه
تروفاليو بمنطقه الري اللي فيها الافنيوز في دوار وبزاويته محل النصر الرياضي خلوه يمينكم وكملوا اشوي سيدا تروفاليو يمينكم ..
شاورما الشويخ في منطقه الشويخ السكنيه عند الجمعيه مقابل المسيد وتليفونهم 66366612 تاخذون الدائري الثاني باتجاه الشويخ من بعد منطقه الشاميه تكون الشويخ السكنيه وراها
وفي مطعم كوت واي kout way
طبخ كويتي 100% ومعابيج على اصولها مطعمهم حيل صغير ممكن تقعدون في او تطلبون توصيل
السالميه شارع بغداد بجانب فلافل دودو ولابجيت رقمهم 94006767
وحياكم الله

[المهندسة]
[المهندسة]
الصرافه متكودين بالمباركية وشكرا


خصم يصل إلى 25%