- اشيا ممكن تسويها في مونار :
- 1- متحف الشاي
- بالنسبة للمدينة هذه صغيرة وزحمة
- فيها ثلاث اسواق
الز كان على طيران الخليج
من واقع تجربة للسفر من جدة - البحرين - كوتشين والعودة نفس الاتجاة
دقة في المواعيد وخطوط نظيفة ومقاعد مريحة
بالنسبة للسائقين في الهند
الخيار الاول يكون عندك بكج وترتاح من قروشة البحث عن سائق والمكاسرة في السعر
الخيار الثاني تبحث عن ارقام سواقين وتبدأ تتفق معاهم على :1- اليومية
2- المسافة المسموحة يوميا ( تاخذ في الحسبان بداية العداد عنده من موقع المكتب وليس من مكان ما تتقابلو ) ( كل كيلومتر زيادة يحسب ب 16 روبية )
3- عدد ساعات العمل (قيمة الساعه الاضافيه تقريبا 100 روبية )
4- اللغة اذا يهمك لازم يكون عربي او بس انجليزي
كوماركوم : قرية صغيرة جدا يكفيها يوم واحد تقضيه في منتجع رايق بالنسبة للمطاعم فيها الافضل تاكل داخل المنتجع ولا تبحث عن مطاعم خارجية
البي : كمان برضوه مدينة صغيرة والشاطئ اللي فيها مرة طفشان الشي الوحيد فيها الهاوس بوت واعطيكم عنه نبذة صغيرة :
عبارة عن منزل ريفي في شكل بوت ياخذك في جولة لمدة يوم كامل شامل الافطار والغدا والعشا بالنسبة لاختيار الهاوس بوت لازم تاخذ بالك من كم شغلة :
1- عدد الغرف ( يجي منه غرف نوم وحدة وغرفتين وثلاث ) حسب الكلام اللي سمعته هناك بأنه اغلب الهاوس بوت المصنوعة حديثا من غرفتين وانت طالع يعني لو اخذت بوت بغرفه نوم وحدة ممكن تحصله قديم ونصيحة مني خذ لك لفة على اكثر من واحد واختار اللي ترتاح له
2- عدد الجلسات فيه يجي منه جلسة تحت بس وفيه بعضها يكون جلستن فوق وتحت
3- السعر شي مهم كمان ( تقريبا متوسط اسعار الهاوس بوت بالنسبة للغرفتين في حدود 12000 روبية ) حسب النظافة طبعا وشطارتك في السعر
4- بالنسبة للوجبات تبدأ بالغداء ( دجاج وسمك ) العشاء ( دجاج ) الفطور ( افطار هندي )
راح يوقفك راعي البوت وانتو وسط البحر بمنطقة فيها محلات سمك ممكن تاخذ من هناك اي شي زيادة بالنسبة للعشاء على حسابك طبعا ( سمك او روبيان او استكوزا ) والطبخ يكون مجانا، اسعار الاستكوزا تقريبا ( 1100 روبية )
5- نظافة البوت وهذا شي مرة مهم ارجع أاكد عليه اختار شي نظيف عشان انت راح تجلس فيه يوم كامل ( بعضها فيها جاكوزي ترى )
مونار : منطقة جبلية باردة حلوة ما فيها شي كثير بصراحة بس انك تستمع بالجو والمطر في منتجع افضل شي ( انصح بمنتجع camelot موقعه خيالي في اعلى نقطة في مونار اكله كويس مشكلته الوحيدة طريق الوصل صعب ، ثلث المسافة الاخير مافي اسفلت ، لو معاك سيارة اينوفا او شي مشابه ممكن تطلع
اشيا ممكن تسويها في مونار :
1- متحف الشاي
2- افضل بهارات ممكن تاخذها من الهند حتكون في مونار ( سعر مناسب وجودة كمان ) اسال عن حدائق البهارات ( هذه عبارة عن حدائق او مزارع للبهارات تشوف اشجار البهارات فيها على الطبيعة بعد كذا تجي على المحل الخاص بالحديقة وتشتري اللي تحتاجه من البهارات
3- سد مونار : ممكن تاخذ البوت السريع هناك ب (500 روبية ) ياخذ بك لفة في مياة السد
4- forest fun او الفوريست فن : عبارة عن ألعاب جبلية : تسلق شبكة الحبل وتمشي على الحبال واشيا زي كذا برضو حتكون تجربة حلوة
5- سفاري ( الفيلة ) : عندهم كذا مكان لتجربة الركوب على الفيل
كوتشي :ودي اتكلم على رمادا اللي طايرين فيه الناس ترى قديم صح انه رايق ومرتب بس قديم وغالي كمان
بالنسبة للمدينة هذه صغيرة وزحمة
فيها ثلاث اسواق
- اكبرها لولو مول سوق مرتب وحلو واللي يبغى ساري والا بنجابي يروح محل اسمه celebrate
- اوبرون يجي في المرتبة الثانية من ناحية الحجم
- سوق الذهب يجي في المرتبة الثانية ، بالنسبة لهذا السوق فيه محلين انصح فيها الاول محل اسمه ethincity فيه انواع الملابس الهندية باسعار مقبولة والمحل الثاني اسمه شباب تحصله عنده دهن العود وبخور العود شي كويس وسعر مقبول
فيه مطعم اسمه مجلس قريب من اوبرون مول عنده اكلات عربية
ملاحظات بالنسبة للمسافر للهند :ممكن تاخذ معاك دولار وتصرفه هناك وانتبه تصرف في المطار كثير بس حق المشوار بعد كذا اصرف من برا من اي مكان
بالنسبة للمسافات بالوقت مو بالكيلومترات لانو طرقهم صغيرة وتدوخ
كوتشي المطار - كوماركوم ساعتين
كوماركوم - مونار 5 ساعات
مونار - كوتشي 4 ساعات
من الموبايل