و عليكم السلام و رحمة الله و بركاته
هلا بك اخوي alshareef sultan
بصراحة وش أقول لك ؟؟
المشكلة أنك أنت اللى تأخرت في ألغاء الحجز و المفروض من البداية
بعد ما تأكدت من سفرك كان ألغيت الحجز اللى أنت مستغني عنه
و لكن الآن يتوجب عليك القبول بسياسة الفندق و دفع قيمة ليلة
و لا تنقهر و لا تضيق صدرك الله يعوض عليك
بالتوفيق أخوي و أتمنى لك رحلة سعيدة

الله يعطيك العافيه حبيبي الراهي
عموما انا رجعت توني وكلمت البوكينج بصراحه جداً جداً متعاونين
وافادني بانه كلم الفندق ومدير القيم الليلي وقاله خلاص الغيناه مجاني
بس الله يستر ليكون يلعبو عليه والا عليه
انا بهالحاله وش المطلوب مني فعله
والف شكر

هلا بالغالي ...
طالما ( بوكينق ) أعطاك العلم ... وتم الألغاء مجانا ... أطمئن بأذن الله
لو فيه خصم كان قالوا ( ماراح يخخافون ) ... ومستحيل يتلاعبون
يعني الحمد لله ... هالمرة ( مرت سهالات ) ... وأنتبه دخيلك في المرات الجاية

اكيد يالوافي والف شكر لك
طيب ممكن استشيركم برحلتي اذا ممكن
وكل عام وانتم بخير
انا رحلتي باذن الله بكره الساعة 12 بالليل
وتم توزيع الرحله علي النحو التالي
ليلتان بولايه / سيلانجور فندق صن واي لاقون
اربع ليال / ببينانغ فندق بارك رويال ( غرفه غراند ديلوكس مطله جزئياً ع البحر)
خمس ليال / كوالا لمبور فندق تريدرز (ايضاً مطله ع البرجين)
الي ابيهم منكم رايكم اولاً بالفنادق
من حيث. الافطار والنظافه والمتعه
ثانياً ابي (افضل) الاماكن السياحيه الموجوده بكل جزيره او مدينه انا عندي من خلال هالموقع او المنتدى الطيب بعض المعلومات والنواقع الجميله ولكن ابي رايكم انتم ارجوكم ابي الافضل فقط او التي تستحق الزياره ... لان المدام عندي حامل وما ابغا اروح لاي مكان مايستاهل مثل التوابل والطيور وهالاشياء
ارجوكم ارجوكم ارجوكم
وشاكر ومقدر لكم

يامرحبا ياغلانا ...
جدولك حلو ومريح ... وبأذن الله أكتب لك برنامج يناسبك
وحاول ماتزور الأماكن المرتفعة مثل ( الهضبة - الشلالات ) واللي فيها درج
وقلل من المشي ... يعني خلي جدولك عالرايق
وبأذن الله راح أكتب لك برنامج الليلة ... بأذن الله

يالوافي قسم انك وافي
ودري وش اقلك بس عاد الهضبه والشلالات كانت بحسباني وناويها إن شاء الله حتى جنتنج والا !مافيه تعويض بهالاماكن صح ..
انت. ذكرت افضل مواقع صعبه ما اروحها بالذات القطار كيف هوا؟ مره مرتفع مايصلح يعني ابداً للمدام

حياك ياحبيبنا ...
لا طبعا ( الهضبة ) مافيها خطر مرة ... يعني زورها ... بس خذوا الحذر في المشي
أنت هناك تقدر تحكم بنفسك ... هل المكان الي تزوره يستحق أو لا ؟؟؟
لكن بشكل عام ...
هي الشلالات + ومدن الألعاب ... اللي فيها خطر على الأهل

يعطيك العافيه اخوياكيدد ماراح اخليهم يلعبو لا مره لا
بس ياخوك تكفى انا بانتظار جدولك
الله لايهينك

أبشر طال عمرك ... تفضل
اليوم الأول ( سلانجور )
الوصول للفندق والراحة قليلآ ... وبعدها جولة في السوق الملاصق ( سوق البيراميد ) والعشاء هناك
اليوم الثاني ( سلانجور )
جولة على بوتراجايا لمدة أربع ساعات من ( 9 ص - 1 ظهرآ )
وبعدها زيارة ألعاب ( الصن واي لاقون ) إلى 6 مساء ..
وفي المساء التوجه إلى ( الماينز وندر لاند ) أو الراحة في الفندق ....
اليوم الأول في ( بينانغ )
الوصول والراحة في الفندق ثم التجول مساء في شارع الباتو فرينجي الشهير
اليوم الثاني في ( بينانغ )
الأفطار والجلوس على الشاطيء قليلآ ... ثم جولة خاصة لمدة أربع ساعات على بينانغ
في المساء كالعادة ... التجول بشارع الباتو فرينجي والتسوق والعشاء هناك
اليوم الثالث في ( بينانغ )
زيارة منطقة جورج تاون وهضبة بينانغ ... ثم العودة للفندق عند العصر ...
وممارسة الأنشطة البحرية إلى المساء ... ثم تمضية بقية المساء في الباتو فرينجي
اليوم الرابع ( بينانغ )
الأستمتع صباحآ بالشاطيء ... وزيارة ( شلال بينانغ ) ...
وفي المساء التسوق وزيارة مجمع ( كوينسيبي مول أو غرني بلاز ) ..
اليوم الأول في ( كوالا )
الوصول للفندق والراحة قليلآ ... ثم التوجه لحديقة البرجين الساحرة جدآ والجلوس هناك إلى المغرب
وفي المساء التوجه إلى شارع العرب والعشاء هناك
اليوم الثاني في ( كوالالا )
التوجه صباحآ إلى المنارة ثم حديقة الحيوانات ( زوو نيجارا ) ... ثم العودة للفندق
وعند العصر التوجه إلى حديقة بيردانا والجلوس هناك للمساء ...
وفي المساء التوجه لشارع العرب والتسوق والعشاء هناك ...
اليوم الثالث في ( كوالا )
التوجه الساعة ( 10 صباحآ ) إلى ( جنتنغ ) والعودة ( الساعة ( 6 مساء )
عن طريق تاكسي بسعر 100 رنقت ... والعودة بتاكسي أخر بنفس السعر
وبعدها العودة لكوالا ... والعشاء والعودة للفندق
اليوم الرابع في ( كوالا )
جولة في باص ( الهوهو ) على أشهر معالم كوالا ... في الفترتين الصباحية والمسائية
وفي المساء التوجه إلى مجمع ( تايم سكوير ) .... والعودة للفندق للراحة والنوم