السلام عليكم ورحمة الله وبركاته
احب ان اقدم شكر لكل من ساهم في مساعدتي في تخطيط رحلتي في شهر مايو 2013 واستفدت كثير من تجاربكم واقتراحاتكم وراح اطرح الموضوع لإيجابيات وسلبيات الرحلة والتي اعتبرها قليلة او شبة منعدمة ..
اول شي تم التخطيط لرحلة بوقت كافي تقريبا شهر وتم الحجر ع الخطوط الاتحاد بسعر 2750 للشخص وطبعا سافرت انا وزوجي ولكن فجأة قرر زوجي الغالي نأخذ معنا ولدي العسل فحجزت له ب2500
وبدأت ترتيب أغراض والشنطة وعموما انا ما احب كثرة العفش واستغرب من الي يأخذون معهم عده وعتاد ترى السوبر ماركات مليان وطافح وكل شي عندنا عندهم بس وجهة نظر
المهم كانت محطة الانطلاق من الرياض الساعة 4 عصر الوصول ابو ظبي 6:45 بتوقيتهم ترانزيت 7 ساعات وهذا أكثر شي ضايقني ما احب الانتظار مهما كان لكن بعد ما قرات بالنت لقيت ان الوقت جداً كافي اطلع واتمشى بأبوظبي وفعلا أخذنا تكسي ورحنا مارينا مجمع جميل لفينا وتسوقنا وصليت المغرب والعشاء وكنت بروح مسجد زايد لكن قال لنا التكسي يقفل بعد العشاء بس الساحات مفتوحة فكنسلنا الفكرة وركبنا باص من مارينا يشبة باصات لندن الدورين يأخذك لفه مجانا في ابو ظبي لمدة ربع ساعة
طبعا بدينا نتعب وقربت الساعة 1 الليل وأخذنا تكسي ورجعنا للمطار وجلسنا ننتظر لكن بصراحة تجمدنا من البرد مطار ابو ظبي ثلج نصيحة بطانية صغيرة وجاكيت معاكم
وطبعا بدا النداء الرحلة الساعة 2 تقريبا ركبنا الطيارة من ابو ظبي الى جاكرتا مدة الرحلة 7 ساعات وشوي
طيران الإتحاد راىع كل كلمات الثناء لا تكفي سواء من ناحية ترفية او وجبات او خدمة