اخوي .. حتى لو كانت الرحلة من نفس المطار الله يوفقك كيف تحجز الرحلة الثانية بهالوقت ..
انت بتوصل 7:55
واحسب لين توقف الطيارة 30 دقيقة .. !
صارت : 8:25
..
توجهت لصالات الدخول تحتاج 15 دقيقة
صارت : 8:40
نزلت ورحت سويت إجراءات الفيزا والدخول تحتاج لفوق الساعة
صارت : 09:40
..
الشنط والامتعة حول النصف ساعه :
صارت 10:10
فضلاً عن اهم شيء وهو انك تحتاج تكون على الرحلة الثانية قبل 40 دقيقة
يعني : 10:55
منطقياً ورقمياً ماتلحق يا اخي لو كنت في نفس المطار فما بالك في مطار ثاني
مع ضرورة مراعاة انك ماتحشر نفسك وتضايق نفسك في الوقت ياغالي
اعطي نفسك وقت ما تعرف تتاخر الطيارة شوي تقلع بعد عشر او ربع ساعه يصير في تغيير مفاجئ بالمواعيد
وانصحك دائما بإنك تنام ليلة في بانكوك وثاني يوم تتوجه إلى بوكيت ويفضل يكون فندق قريب من المطار
بالتوفيق .

مشكور اخوي tiramsue على الرد يعني مافي حل اقدر اسويه راحت علي الطيارة والتذكرة؟
وبخصوص الفيزا اذا كنت تقصد التأشيرة ماراح ياخذون علي تأشيرة لاني من البحرين

السلام عليكم
الله يعينك يا غالى
شوف المسافه من مطار بانكوك الدولى الى المطار حق اير اسيا يبيلك ساعه او اكثر اذا فيه زحمه لاكن تواصل مع اير اسيا يمكن يعدلون لك الرحله
هذا رابطهم
http://www.airasia.com/ot/en/home.page
للمعلوميه اكثر الشباب يصر على اير اسيا حتى بدون تشيك على الاسعار
انا حاجز في اكتوبر على اير بانكوك الحقيقه شيكت و حصلت الفرق بسيط و ممكن ادفعه التكسى الميزه انك تطير من المطار الى تنزل فيه
توقيتى مثل توقيتك النزول 7:55 صباحا و اخترت 12:30 مع انا فيه طياره 10:45 دقيقه لاكن الوحد ياخذ احتياطه
تحياتى و سفره موفقه

مشكور اخوي الفارس بس بغيت اعرف في حالة اني ما لحقت على الطيارة هل تروح علي التذكرة واخذ تذكرة ثاني ولا ادفع مبلغ اضافي لأقرب رحلة

شوف نظامهم
التغيير الوقت و التاريخ مسموح قبل 48 ساعه
ادخل على حجزك و اعمل تعديل او تصل فيهم و غير الموعد الى 12:30 ظهرا
موفق خير
Promo (Lowest fare) / Regular
Permitted up to 48 hours before
the scheduled departure time
Note: Subject to change fee chargeable per guest per sector, plus any applicable fare difference
Premium FlatBed
Permitted up to 48 hours before
the scheduled departure time
Note: Subject to any applicable fare difference

مشكور اخوي الفارس حصلت اقرب حجز بوقت 14:40 بتوكل على الله باغير الحجز ولا ان تروح علي التذكرة

احسنت بتوفيق
اى استفسار انشاالله نقدر نفيدك