ميونيخ المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
النمساوي
05-08-2022 - 05:12 am

سؤال لاهل الخبرة
اود معرفة كم ساعة بالقطار بين ميونخ وباريس ؟ وهل الانتقال بالقطار اوكي ( من ناحية الراحة ) بين المدينتين وإلا بالطياره اريح ولكم جزيل الشكر مقدماً




التعليقات (7)
المسافرة
المسافرة
هلا فيك أخوي.... أنا ماعندي خبرة (تجربة) بس اللي سمعته أن المسافة بعيدة وايد بالقطار
وبالطيارة وايد أريح لك..........وعلى فكرة لو تكون في ميونخ وتحجز من مكتب سياحي
package من هناك يكون أرخص....
في مكتب سياحي في فندق Forum أسعاره وايد مناسبة
مع تحياتي
المسافرة

النمساوي
النمساوي

هلا فيج اختى المسافرة ما اتوقعت ان المسافه تكون وايد بعيدة قلت في القطار وبنشوف الطبيعة في الدرب ، بس مدام انها متعبه الرحلة اعتقد اني بنتقل بالطيارة اريح ومشكورة اختي على النصيحة ومرورج الكريم

Hesham
Hesham
  1. حياك الله اخوي النسماوي وحيا الله اختي المسافرة ...


السلام عليكم

حياك الله اخوي النسماوي وحيا الله اختي المسافرة ...

الواحد منا لما يسافر يحاول بقدر المستطاع انه يستمتع بالمناظر الجميلة ويحاول بقدر المستطاع انه مايفوت أي فرصه لرؤية مناظر نفتقدها في بلادنا الخليجية ..
من كلامي هذا أنا انصح وبشدة القطار ... الطائرة " حمل الشنط + الذهاب للمطار قبل الموعد بساعتين + انتظار الأقلاع + مدة الطيران+ الوصول وانتظار الأمتعه والجوازات ان كان هناك جوازات " كل هالأمور راح تآخذ بما لا يقل عن 4 ساعات ...
نقدر نخلي هالأربع ساعات برؤية مناظر ولا أروع ... بمقدورنا قطع التذاكر قبل الموعد بربع ساعه او قبل الموعد بيومين ولا يحتاج منا حضور قبل الموعد بساعتين الأمر يتطلب منا الحضور قبل الموعد بربع ساعه لان القطار بالأصل لن يكون موجود ...
على كل حال المسافة راح تكون على حسب القطار وسرعته بمقدر " 700 كيلومتر " ولكن وين التعب خلال هالمناظر الطبيعية الجميلة واللي ترد الروح ..
لكن صدقني بخالف رأي أختي المسافرة وأقول مافيه تعب ولو بتجرب اللي جربته أنا وهو " 27 ساعه " بالقطار ومن مكان لمكان في أوروبا ... شو بتقول ...!!!!! مررنا بنهار وليل أوروبا ..... واللي تعبنا بس هو مكان النوم ولو كنا عارفين الوضع كان مآخذين غرف نوم في القطار ... لكن انت اطلع بالنهار والخيار طبعاً أولاً وأخيراً لك ..
طولت عليكم
تحية وتقدير

KABAYAN
KABAYAN
أنا أأيد كلام أخوي ياماس 100%

النمساوي
النمساوي

اخوي ya-mas
اخوي كبيان
الصراحة انا وايد احب اشوف المناظر الطبيعية ( مثل بلاد هايدي ) بس في نفس الوقت ما احب المرمطة ، مع العلم اني سافرت من هولندا إلي بلجيكا ومن بلجيكا إلي يورو ديزني بالقطار وكانت الرحلة وايد مريحة بس اعتقد ان المسافة اقل من بين ميونخ وباريس ، وان شاء الله براجع حساباتي في القطار .
ومشكورين وايد على النصيحة والمرور الكريم

المسافرة
المسافرة
السلام عليكم ورحمة الله وبركاته
أخوي النمساوي.............إذا كانت سفرتك عائلية يعني فيها أطفال ما أنصحك تاخذ القطار
أما إذا كانت لشباب فالقطار أحلى!!!!
وبالنسبة للمكتب اللي ذكرته قبل...........صديقتي جربت التعامل معاهم
وخذت تذكرتين لبالغين وتذكرة لطفل مع الاقامة في فندق في الشانزليزية (مع الافطار)
لمدة خمس أيام ب 3000 دهم
بس بغيت أفيدك
مع خالص تحياتي المسافرة

النمساوي
النمساوي

مشكورة اختي المسافرة على النصيحة


خصم يصل إلى 25%