برشلونه المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
صعب الانجليزي
08-12-2022 - 05:57 pm
عيدكم مبارك وكل عام ونتو بخير
اخواني ايش الافضل استخدم مترو او سيارة اجار من مطار برشلونة
انا مسافر لحالي
السيارة الخفيفة كم تكلفني يوميا بشكل تقريبي وكم تعبية البنزين هناك
في حالة اني اخترت المترو لما اجي لمطار برشلونه الحافلات الكبار هل لهم نسبة امان الشنطة في الشحن تحت ماتضيع او ياخذها غيري لاني عندي شنطه كبيره مره ماهي صغيرة
وانا ساكن بالرامبلا يعني اي محطة اختار ؟؟؟
وصولي مطار برشلونه 10 اوقست


التعليقات (7)
صعب الانجليزي
صعب الانجليزي
مره مافي رد ياحلوين شكلكم تعيدون

مهاجر المدينه
مهاجر المدينه
المترو افضل واوفر .. نصيحه .. خصوصاً انك لوحدك ..
من مطار برشلونه تركب الباص ب 5 يورو ويوقف بكذا محطه .. وانت تنزل بالرامبلا .. بس تأكد اي باص اللي يروح للرامبلا..
والشنطه ماتشيل همها .. لآنها بتكون قدام عينك ..
بالتوفيق ..

صعب الانجليزي
صعب الانجليزي
مهاجر المدينه
كل عام ونت بخير ياطيبومشكور عالنصيحة
التنقل من برشلونة الى مادريد بيش تنصحني قطار او طيار او باص
وكذلك بعدها من مدريد الى باريس تنصحني قطار او طيارة او باص
وايش الخطوط الي تمدح فيها
والله يجزاك الجنة

مهاجر المدينه
مهاجر المدينه
هلا وغلا .. وكل عام وانت بخير وصحه وعافيه ..
من برشلونه لمدريد من رأيي تروح بالقطار افضل .. سريع .. وتكحل عيونك بالقرى والمناطق اللي بالطريق .. بس خل رحلتك بالنهار ..
ومن مدريد الى باريس انصحك تروح طيران .. خصوصاً بالطيران الأقتصادي .. بس لآزم تذكر عند الحجز ان معك شنطه كبيره علشان يخصمون منك رسومها .. والآ ممكن يتدبل عليك السعر بالمطار ..القطار بيكون غالي .. ووقت الرحله طويل جداً
بالنسبه للطيران .. خذ عندك هذي الشركات .. جرب ابحث وشوف السعر المناسب ..
Easyjet
Iberia
Air France
Vueling
Ryanair
ودرب السلآمه ..

صعب الانجليزي
صعب الانجليزي
مهاجر المدينه
والله يالغالي نفعتني كثير اشكرك من الاعماق
ايها الكاتالوني بالنسبة للقطار حجز مسبق على الانترنت يبيله ؟؟؟
عندك موقع لهم ؟؟
وتعرف اقرب منطقه له في كتالونيا لاني جديد يعني عند الرامبلا
اسف طولت عليك

مهاجر المدينه
مهاجر المدينه
معليش تأخرت عليك بالرد طالع بر ومافيه نت
عموماً التذكره تقدر تشتريها من النت بيكون ارخص وتقدر تشتريها من محطة القطارات
بس اختار القطار السريع ave
وخذ هذا موقعهم في برشلونه .. من كلام مشرفنا ابو خالد
المحطة اسمها Sants Estació, Barcelona ويمكن الوصول لها بالمترو الأزرق L5 أو المترو الأخضر L3

مهاجر المدينه
مهاجر المدينه
وهذا موقعهم على النت
http://www.renfe.com/


خصم يصل إلى 25%