أوسلو المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
shosh-1993
04-12-2022 - 11:58 am
السلام عليكم ورحمة الله وبركاته
أخواني أعضاء هذا المنتدى ،، من ايام وأنا أراقب مواضيعكم بصمت لسبب
أنا ناويه إن شاء الله اسافر النرويج في سبتمبر ،، الرحله بتكون ل 4 اشخاص انا اكبر وحده فيهم
وبناء ع الرحلات اللي تابعتها في تخطيطي اوسلو وفلام وبيرغن مدة الرحلة 9 ايام
أبي أعرف كل شي أعد نفسي له والمصاريف المتوقع اني اصرفها يعني كم أجهز ميزانيه
واسعار تاجير السيارات أنا معاي ليسن دولي شنو ممكن يطلبون مني واسعار البترول
وافضل الفنادق والاماكن السياحيه واسعارها ونصايحكم لي
وشنو الاشياء اللي المفروض اتجنبها خصوصاً انها المره الاولى للسفر لي وراح اكون مسؤوله عن اللي معاي
وانا متكفله بالتخطيط وترتيب الميزانيه
وفي حال ماتناسبنا مع النرويج شنو الدول اللي ترشحونها لنا في سبتمبر احنا نبي دوله تكون بارده
ومايكون فيها نسبة سياح كبيره علماً بأن لندن واسبانيا من الدول المحضوره علينا
والله يجزاكم خير مقدماً


التعليقات (5)
آخـــرفـــرصــة
آخـــرفـــرصــة
و عليكم السلام
سعيدين بتواجدك بيننا
مشكلة لما الكل يحط المسئولية عليك
صعب ترضين الكل اتمنى لك التوفيق
يبدو لي أنك مو مقتنعة بالمكان اللي رايحين له
معاك حق لأن الدول الاسكندنافية عموماً اغلى من باقي اوروبا
اذا ماعندكم مشكلة بالميزانية ممكن نكمل
اما اذا كانت ميزانية محددة ماتنفع لكم
كثرة السياح ايجابي مو سلبي
عموماً السويد أكثر نشاطاً من النرويج في المجال السياحي

FuNnY GiRL
FuNnY GiRL
انصحكم بالمانيا احلى واشرح من الدول الاسكندنافيه في مناطق في المانيا ماتحصلين فيها سياح السياح بتحصلينهم اكثر شي في ميونخ وفي الغابات السوداء اما باقي المناطق خفايف وممكن ماتحصلينهم جربوا برلين حلوه وجربوا دوسلدورف وكولون هالشله وبعدها ممكن تروحون بلجيكا بعد السياح فيه قله وممكن هولندا احسن لكم من الدول الاسكندنافيه

shosh-1993
shosh-1993
يعطيكم العافيه اخواني علي تفاعلكم
الميزانيه اطلاقاً مو مشكله
قصة الاقتناع مو سالفة اقتناع بس احنا اصلاً من سكان يوتا يعني الثلوج والطبيعه مو شي جديد بالنسبه لي
لكن انا سمعت ان النرويج فيها عماره حلوه وهذا اللي خلاها وجهتنا
انا ابي اشوف شي جديد واتكون سفره تغيير مو اطلع من يوتا واروح منطقه شبيهه لها
وشكراً مره ثانيه

آخـــرفـــرصــة
آخـــرفـــرصــة
اذاً النرويج هي وجهتكم
ساضع لك مخطط بالمدن و الفنادق مع التكلفة المتوقعة
الليلة ان شاء الله
و اتمنى انك تطلعين على هالتقرير الجديد عن النرويج
لتكوين فكرة عامة عن البلد
https://artravelers.com/p/re/823833
و تقرير الايمان المميز
https://artravelers.com/p/re/839079

shosh-1993
shosh-1993
مشكور اخوي مااتقصر احنا روحتنا بتكون 16 سبتمبر
ناطره ردك يعطيك العافيه


خصم يصل إلى 25%