السلام عليكم ورحمة الله .. احنا 3 اشخاص حجزنا على اسبانيا من شهر مايو وتاريخ السفر 20/8/2013
الحاصل اني من بداية شهر 8 عربي وانا احاول اخذ موعد للفيزا من خلال الموقع وما احصل تواريخ واتصالات عليهم كل شوي وكل واحد يعطيك حل .. فا اتجهنا للمكتب بأم الحمام وانتظرنا وتمرمطنا وجاء اللي ع الرسبشن قال خلاص موعدكم بكرا في اي بي قلنا تمام وجينا اللي هو اليوم وقالوا من قال ان هذا يحسب لا حتى لو في اي بي لازم موعد خبرناهم ان موقعكم مايفتح قال جربوا الحين وطلع فاتح وصار اقرب موعد 7/8/2013 بينه وبين تاريخ السفر 12 يوم قال مايمديكم لازم 15 يوم تاخذ قلنا وش نسوي قال ما اعرف وجلس يشرح لمعقب سوداني فا قال اسوي لكم فيزا ايطاليه الحين وتقدرون تدخلون بدون المشاكل ...
بصراحه كنا طفشانين من مرمطتهم وصايمين وتعبانين مافينا وقلنا طيب خبرنا ع مكتب مقابلهم يسون لك حجز فنادق وطيران ويمشون امورك ع هالاساس وكان المجموع 745
السؤال احنا وافقنا وسويناها هل في مشكله لو كانت الفيزا ايطاليه ودخلنا لاسبانيا ع طول هل راح يسون لنا مشكله هناك لأن اللي اعرفه لازم تمر ع الدولة اللي استخرجت منها او تكون اول محطه لك
وانا سألت سعوديه ع مكتب قالت لي مافي مشكله الا من ناحية ألمانيا فقط
ابغى احد يفيدني وبكون له شاكره وممنونه والله