1. بس حق 7 أشخاص هم مبلغ كبير 1050 دينار


2. وهذا الشكل النهائي للتذكر بعد التصفيط


3. بالنسبة للموضوع الي قلت لكم بتكلم عنه الي هو الحجز لأكثر من 6 أشخاص

بسم الله الرحمن الرحيم أخواني اعضاء المنتدى هذا أول تقرير لي .أنا اليوم حاب أفيدكم بهالمعلومة مثل مافدتوني بالكثير من الامور في كل سفر اخطط لها والصراحة يعجز لساني عن الشكر بسبب هالمجهود الجبار الي تقومون فيه .
في بداية الموضوع انا من عشاق نادي برشلونه لدرجة الخبال وهالسنه ضبطت سفرتي لبرشلونه . واخيرا بيتحقق الحلم بس معقوله اروح برشلونة ولا احضر مبارة ماتكمل الفرحة الحمدالله صدفت مباراة برشلونه و اتلتكو مدريد
أياب كأس السوبر الأسباني في الكامب نو في تاريخ 28/8/2013 قلت بشوف اسعار المباريات من اول ماتحدد الفريقين الي راح يلعبون والناس قاعده تبيع تذاكر بأسعار مرتفعه قبل لا يفتح بيع التذاكر في الموقع الرسمي حصلت شخص بالتوتر من غير ذكر أسامي يبيعها 310 دينار كويتي ويجبرك تاخذ ليلتين منه و أنا كنت حاجز السكن شنو الحل ؟؟؟؟؟
قلت انطر شوي لا تستعجل وانا مسافر مع عايلة من 7 أشخاص يعني المبلغ راح يطلع 2170 دينار هذا غير ليالي الفندق الي راحت علي والموضوع قافل عليه كنت بروح بروحي
نطرت كم سبوع و لقيت شخص يبيعها بس تذكرة المباراة حلو بكم 150 دينار سعر حلو بالنسبه لأول شخص

بس حق 7 أشخاص هم مبلغ كبير 1050 دينار

نطرت بعد كم سبوع وانا من متابعين اخبار النادي أول بأول وذاك اليوم يعلن النادي ان بااكر راح يفتحون البيع الرسمي للتذاكر واخوكم ماصدق خبر من صباح الله خير وانا مقابل شاشه الابتوب و فاتح الموقع الرسمي للموقع وكل دقيقه قاعد اسوي ريفرش لما فتح بيع التذاكر للمباراة وكانت الصدمة
كل الأماكن فاضية وكم سعر التذكرة 45 دينار وطريقة الحجز بسيطة ومضمونة 100% وراح اشرحها لكم بالصور وللعلم ترا اغلب الأندية نفس الموضوع مو بس برشلونه
ولي يقولي شلون هالأشخاص يبيعون التذاكر قبل الإعلان الرسمي من النادي؟ هالأشخاص لهم علاقه مع أعضاء في النادي يملكون مقاعد بالملعب ويبيعونها على الناس باسعار مرتفعه
الخطوة الأولى :الدخول لموقع نادي برشلونة
http://www.fcbarcelona.com/ar
الخطوة الثانية :الدخول على التذاكر
الخطوة الثالثة: إختيار المباراة
الخطوة الرابعة: إختيار المنطقة
ممكن من خلال وضع السهم على المنطقة تشوف كم مقعد متوفر وتشوف المنظر العام للملعب من هالمنطقة
الخطوة الخامسة : الدخول من غير تعريف
الخطوة السادسة :إختيار المقاعد
للعلم: أقصى حد للإختيار المقاعد في عملية الشراء الواحدة6 أشخاص و اذا انتو اكثر من ستة أشخاص تصير على أكثر من عملية وبالنسبة لهالموضوع راح اتكلم عنه بعد ما اخلص الشرح
الخطوة الثامنة : عملية الدفع
الخطوة التاسعه : الفاتورة
و من خلال الفاتورة تقدر تطبع التذاكر
الخطوة العاشرة: طباعة التذاكر

وهذا الشكل النهائي للتذكر بعد التصفيط

بالنسبة للموضوع الي قلت لكم بتكلم عنه الي هو الحجز لأكثر من 6 أشخاص

انا حجزت ل 7 أشخاص وكانت على عمليتين شراء بعد ماخلصت وطبعت التذاكر وصلني ايميل بالعمليه الأولى بس ماوصلني إيميل بالعملية الثانية ثاني يوم أتصلت على النادي وكلمتهم بالموضوع قالولي اذا حجز عن طريق عمليتين شراء من نفس البطاقه من باب الأمان لازم انك تتصل وتفعل العمليه الثانيه
جذي اكون وصلت لي نهاية الموضوع اتمنى اني افدتكم بهالموضوع واتمنى ان يكون الشرح واضح
ولأي ستفسار انا حاضر